ਦੋ ਵਾਰ ਲਗਾਤਾਰ ਚੋਣ ਜਿੱਤੇ ਕੋਸਲਰ ਧਰਮਪਾਲ ਸ਼ਰਮਾ ਦਾ ਕਬੱਡੀ ਕੋਚ ਬੂਟਾ ਭੀਖੀ ਵੱਲੋਂ ਕੀਤਾ ਸਨਮਾਨ 

ਤਪਾ ਮੰਡੀ 14 ਜੁਲਾਈ(ਗੋਲਡੀ ਵਿਆਸ) ਸਥਾਨਕ ਘੁੰਨਸ ਰੋਡ ਤੇ ਸਥਿਤ ਸਰਕਾਰੀ ਸੀਨੀਅਰ ਸੈਕੈਂਡਰੀ ਸਕੂਲ ਦੇ ਗਰਾਊਂਡ ਵਿਖੇ ਕਬੱਡੀ ਕੋਚ ਬੂਟਾ ਭੀਖੀ ਵੱਲੋਂ ਵੱਖ-ਵੱਖ ਉਮਰ ਦੇ ਖਿਡਾਰੀਆਂ ਨੂੰ ਕਬੱਡੀ ਦੀ ਸਿਖਲਾਈ ਦਿੱਤੀ ਜਾ ਰਹੀ ਹੈ ਜਿਸ ਤਹਿਤ ਛੋਟੀ ਉਮਰ ਦੇ ਬੱਚੇ ਆਪਣੀ ਮਾਂ ਖੇਡ ਕਬੱਡੀ ਖੇਡਣ ਲਈ ਪਹੁੰਚ ਰਹੇ ਹਨ ਇਸ ਸਬੰਧੀ ਸਾਦਾ ਦੇ ਪ੍ਰਭਾਵਸ਼ਾਲੀ ਸਮਾਗਮ ਕਰਵਾਇਆ ਗਿਆ ਜਿਸ ਦੇ ਮੁੱਖ ਮਹਿਮਾਨ ਦੋ ਵਾਰ ਦੇ ਸਮਾਜ ਸੇਵੀ ਕੋਸਲਰ ਧਰਮਪਾਲ ਸ਼ਰਮਾ ਸਨ ਜਿਨਾਂ ਨੇ ਫੀਤਾ ਕੱਟਣ ਤੋਂ ਬਾਅਦ ਖਿਡਾਰੀਆਂ ਨਾਲ ਜਾਣ ਪਹਿਚਾਣ ਕੀਤੀ ਅਤੇ ਯਾਦਗਾਰੀ ਤਸਵੀਰ ਖਿਡਾਰੀਆਂ ਨਾਲ ਕਰਵਾਈ। ਉਹਨਾਂ ਖਿਡਾਰੀਆਂ ਨੂੰ ਸੰਬੋਧਨ ਕਰਦਿਆਂ ਹੋਇਆਂ ਕਿਹਾ ਕਿ ਹਰ ਨੌਜਵਾਨ ਨੂੰ ਖੇਡਾਂ ਵੱਲ ਪ੍ਰੇਰਿਤ ਹੋਣਾ ਚਾਹੀਦਾ ਹੈ ਕਿਉਂਕਿ ਖੇਡਾਂ ਨਾਲ ਜਿੱਥੇ ਸਰੀਰ ਤੰਦਰੁਸਤ ਰਹਿੰਦਾ ਹੈ ਉੱਥੇ ਨੌਜਵਾਨ ਨਸ਼ਿਆਂ ਤੋਂ ਵੀ ਦੂਰ ਰਹਿੰਦਾ ਹੈ ਉਹਨਾਂ ਕਬੱਡੀ ਕੋਚ ਦੀ ਸ਼ਲਾਘਾ ਕਰਦਿਆਂ ਆਰਥਿਕ ਸਹਾਇਤਾ ਵੀ ਕੀਤੀ ਗਈ। ਇਸ ਮੌਕੇ ਕਬੱਡੀ ਕੋਚ ਬੂਟਾ ਭੀਖੀ ਵੱਲੋਂ ਮੁੱਖ ਮਹਿਮਾਨ ਦਾ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਗੈਰੀ ਸ਼ਰਮਾ ਤੇ ਖਿਡਾਰੀ ਹਾਜ਼ਰ ਸਨ।