ਐਨ.ਐਸ.ਕਿਓੂ.ਐਫ ਯੂਨੀਅਨ  ਵੱਲੋਂ ਡਾਇਰੈਕਟਰ ਸਕੂਲ ਅਤੇ  ਪ੍ਰਜੈਕਟ ਡਾਇਰੈਕਟਰ ਵੋਕੇਸ਼ਨਲ ਅਧਿਆਪਕਾਂ ਨਾਲ  ਮੀਟਿੰਗ  ਹੋਈ 

ਅੰਮ੍ਰਿਤਸਰ 20 ਜੁਲਾਈ( ਮਨਜੀਤ ਸਿੰਘ ਸ਼ੇਰਗਿੱਲ    )ਪੰਜਾਬ ਭਰ ਦੇ ਸਰਕਾਰੀ ਸਕੂਲਾਂ ਵਿੱਚ ਵਿਦਿਆਰਥੀਆਂ ਨੂੰ ਹੁਨਰਮੰਦ ਬਣਾਉਣ ਲਈ ਪੰਜਾਬ ਸਰਕਾਰ ਵੱਲੋ ਐਨ.ਐਸ.ਕਿਓੂ. ਐਫ ( ਰਾਸ਼ਟਰੀ ਹੁਨਰ ਯੋਗਤਾ ਢਾਂਚਾ) ਅਧਿਆਪਕਾਂ ਨੂੰ ਰਾਜ ਦੇ ਵੱਖ ਸਰਕਾਰੀ ਸਕੂਲਾਂ ਵਿੱਚ ਨਿਯੁਕਤ ਕੀਤਾ ਹੈ ਜਿੰਨਾ ਦੀ ਬਦੌਲਤ ਹੁਣ ਤੱਕ ਪੰਜਾਬ ਦੇ ਹਜ਼ਾਰਾਂ ਵਿਦਿਆਰਥੀ ਹੁਨਰਮੰਦ ਬਣਕੇ ਖੁਦ ਦਾ ਰੋਜ਼ਗਾਰ ਸ਼ੁਰੂ ਕਰ ਚੁੱਕੇ ਹਨ ॥ ਵੋਕੇਸ਼ਨਲ ਅਧਿਆਪਕਾਂ ਨੂੰ ਪਿਛਲੇ ਕੁੱਝ ਸਮੇਂ ਤੋਂ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਅਤੇ ਲੰਬੇ ਸਮੇਂ ਤੋਂ ਲਟਕ ਰਹੇ ਮੁੱਦਿਆਂ ਦਾ ਹੱਲ ਕਰਨ ਬਦੌਲਤ ਅੱਜ ਮਿਤੀ 20 ਜੁਲਾਈ ਨੂੰ ਵਿੱਤ ਅਤੇ ਯੋਜਨਾ ਵਿਭਾਗ ਚੰਡੀਗੜ੍ਹ ਚ ਡਾਇਰੈਕਟਰ ਜਨਰਲ ਸਕੂਲ ਸਿੱਖਿਆ ਸ੍ਰੀ ਅਰਵਿੰਦ ਕੁਮਾਰ ਐਮ ਕੇ ਜੀ ਨਾਲ ਤੇ ਸਹਾਇਕ ਸਟੇਟ ਪ੍ਰਜੈਕਟ ਡਾਇਰੈਕਟਰ ਸ਼੍ਰੀ ਵਿਜੈ ਸ਼ਰਮਾ ਜੀ ਨਾਲ ਐਨ. ਐਸ. ਕਿਓੂ. ਐਫ ਯੂਨੀਅਨ ਕਮੇਟੀ ਨਾਲ ਸਫਲਤਾਪੂਰਵਕ ਮੀਟਿੰਗ ਹੋਈ॥ ਜਿਸ ਚ ਬਹੁਤਾਤ ਮੁੱਦਿਆਂ ਤੇ ਸਤਿਕਾਰਯੋਗ ਅਫਸਰ ਸਾਹਿਬਾਨਾਂ ਵੱਲੋਂ ਹਾਂ ਪੱਖੀ ਹੁੰਗਾਰਾ ਦਿੰਦਾ ਹੋਏ ਇਕ ਦੋ ਦਿਨਾਂ ਚ ਪੱਤਰ ਜਾਰੀ ਕਰਕੇ ਹੱਲ ਕਰਨ ਦਾ ਭਰੋਸਾ ਦਿੱਤਾ ਗਿਆ ॥ ਸਕਿਓੂਰਟੀ ਵਿਸ਼ੇ ਦੇ ਅਧਿਆਪਕਾ ਦਾ “ਤਨਖਾਹ “ਸੰਬੰਧੀ ਤੇ “ਕਰਮਚਾਰੀ ਭਵਿੱਖ ਨਿਧੀ”ਮੁੱਦਾ ਇਸੇ ਮਹੀਨੇ ਜੁਲਾਈ ਦੇ ਅੰਤ ਤੱਕ ਹੱਲ ਕਰਨ ਦਾ ਐਲਾਨ ਕੀਤਾ ਗਿਆ ॥ਐਨ.ਐਸ.ਕਿਓੂ.ਐਫ ਦੇ ਵਿਦਿਆਰਥੀਆਂ ਦੇ ਬਿਹਤਰ ਭਵਿੱਖ ਲਈ ਯੂਨੀਅਨ ਕਮੇਟੀ ਨੇ ਮੰਗ ਕੀਤੀ ਕਿ ਕੇਂਦਰ ਸਰਕਾਰ ਵੱਲੋਂ ਵਿਦਿਆਰਥੀਆਂ ਨੂੰ ਦਿੱਤਾ ਜਾਣਾ ਵਾਲਾ ਸਰਟੀਫਿਕੇਟ ਸਕੂਲ ਦੇ ਬਾਰਵੀਂ ਦੇ ਸਰਟੀਫਿਕੇਟ ਨਾਲ ਜਾਰੀ ਕੀਤਾ ਜਾਵੇ ਤਾ ਜੋ ਵਿਦਿਆਰਥੀਆਂ ਨੂੰ ਬਾਰਵੀਂ  ਪਾਸ ਕਰਨ ਓੁਪਰੰਤ ਕਿਸੇ ਸਮੱਸਿਆ ਦਾ ਸਾਹਮਣਾ ਨਾ ਕਰਨਾ ਪਵੇ ॥ਹਰ ਸਾਲ ਸਾਲਾਨਾ ਪੰਜ ਪ੍ਰਤੀਸ਼ਤ ਵਾਧਾ ਅਗਸਤ ਮਹੀਨੇ ਦੀ ਤਨਖਾਹ ਨ ਨਾਲ ਜਾਰੀ ਕਰਨ ਦਾ ਭਰੋਸਾ ਦਿੱਤਾ ਗਿਆ, ਇਸ ਤੋਂ ਇਲਾਵਾ 3-4 ਹੋਰ ਮੰਗਾਂ ਦਾ ਹੱਲ ਮੌਕਾ ਤੇ ਕੀਤਾ ਗਿਆ॥ਇਸ ਮੌਕੇ ਸਮੁੱਚੀ ਐਨ.ਐਸ.ਕਿਓੂ.ਐਨ ਯੂਨੀਅਨ ਕਮੇਟੀ ਵਲ਼ੋ ਡਾਇਰੈਕਟਰ ਜਨਰਲ ਸਕੂਲ ਸਿੱਖਿਆ ਅਤੇ ਸਹਾਇਕ ਸੂਬਾ ਪ੍ਰਜੈਕਟ ਡਾਇਰੈਕਟਰ ਸਾਹਿਬ ਦਾ ਧੰਨਵਾਦ ਕੀਤਾ ਗਿਆ ਕਿ ਓੁਹਨਾਂ ਕੁੱਝ ਸਾਲਾਂ ਤੋ ਲਟਕਦੇ ਮੁੱਦਿਆਂ ਦਾ ਹੱਲ ਮੌਕਾ ਤੇ ਕੀਤਾ ਤੇ ਕੁੱਝ ਸਮੱਸਿਆਵਾਂ ਦਾ ਹੱਲ ਜਲਦ ਕਰਨ ਦਾ ਭਰੋਸਾ ਦਿੱਤਾ ॥ਇਸ ਮੌਕੇ ਗੁਰਪ੍ਰੀਤ ਸਿੰਘ, ਕੁਲਬੀਰ ਸਿੰਘ, ਗੁਰਦੇਵ ਸਿੰਘ, ਗੁਰਜੀਤ ਸਿੰਘ ਮੌਜੂਦ ਸਨ ॥