ਕਿਸਾਨ ਯੂਨੀਅਨ ਰਾਜੇਵਾਲ ਵੱਲੋਂ ਪਿੰਡ ਪਡਿਆਲਾ ਦੀ ਜ਼ਮੀਨ ਦੇ ਕੁਝ ਹਿੱਸੇ ਨੂੰ ਖੇਤੀਬਾੜੀ ਅਧੀਨ ਲਿਆਉਣ ਖਿਲਾਫ਼ ਗਮਾਡਾ ਮੋਹਾਲੀ ਨੂੰ ਮੰਗ ਪੱਤਰ

ਨਿਊ ਚੰਡੀਗੜ, 20 ਜੁਲਾਈ (ਬਜੀਦਪੁਰ) -=ਭਾਰਤੀ ਕਿਸਾਨ ਯੂਨੀਅਨ ਵੱਲੋਂ ਪਿੰਡ ਪਡਿਆਲਾ ਦੀ ਜ਼ਮੀਨ ਦਾ ਕੁਝ ਹਿੱਸਾ ਖੇਤੀਬਾੜੀ ਅਧੀਨ ਲਿਆਉਣ ਖਿਲਾਫ਼ ਸੀ ਏ ਗਮਾਡਾ ਮੋਹਾਲੀ ਨੂੰ ਮੰਗ ਪੱਤਰ ਦਿੱਤਾ ਗਿਆ। ਇਸ ਸਬੰਧੀ ਯੂਨੀਅਨ ਦੇ ਸੂਬਾ ਸਕੱਤਰ ਪਰਮਦੀਪ ਸਿੰਘ ਬੈਦਵਾਨ, ਜਿਲਾ ਪ੍ਰਧਾਨ ਕ੍ਰਿਪਾਲ ਸਿੰਘ ਸਿਆਊ ਤੇ ਸਰਕਲ ਪ੍ਰਧਾਨ ਅਮਰਜੀਤ ਸਿੰਘ ਪਡਿਆਲਾ ਨੇ ਦੱਸਿਆ ਕਿ ਪਿੰਡ ਪਡਿਆਲਾ ਦੇ ਹੱਦਬਸਤ ਨੰ. 379 ਆਦਿ ਸਾਰਾ ਰਕਬਾ 20 ਸਾਲ ਪਹਿਲਾਂ ਕੁਰਾਲੀ ਨਗਰ ਕੌਂਸ਼ਲ ਨੇ ਆਪਣੇ ਅਧੀਨ ਲੈ ਲਿਆ ਸੀ। ਜਿਸ ਤੋਂ ਬਾਅਦ ਉਥੇ ਕਈ ਕਲੋਨੀਆਂ ਆਦਿ ਦੀ ਡਿਪੈਲਪਮੈਂਟ ਹੋਈ। ਜੋ ਪੁੱਡਾ, ਗਮਾਡਾ ਤੋਂ ਪਾਸ ਹਨ। ਜੋ ਪਿੰਡ ਦੀ ਜ਼ਮੀਨ ਦਾ 60 ਤੋਂ 70% ਰਕਬਾ ਖਾ ਚੁੱਕੀਆਂ ਹਨ। ਬਾਕੀ 30% ਏਰੀਆ ਖੇਤਾਂ ਦੇ ਟੋਇਆ ਅਧੀਨ ਹੈ। ਪਿਛਲੇਂ ਦਿਨੀ ਗਮਾਡਾ ਨੇ ਜਾਰੀ ਨੋਟਿਸ ਰਾਹੀਂ ਇਸ ਏਰੀਏ ਨੂੰ ਖੇਤੀ ਅਧੀਨ ਲਿਆਉਣ ਦੀ ਤਜਵੀਜ਼ ਰੱਖੀ ਹੈ। ਇਹ ਗਲਤ ਤੇ ਗੈਰ ਕਾਨੂੰਨੀ ਵਰਤਾਰਾ ਹੈ, ਕਿਉਂਕਿ ਇੱਥੇ ਬਣੀਆਂ 30-35 ਕਲੋਨੀਆਂ ਦਾ ਕੂੜਾ, ਲਿਫ਼ਾਫੇ, ਵੇਸਟ, ਬਰਸਾਤੀ ਪਾਣੀ ਤੇ ਬਿੰਲਡਿੰਗਾਂ ਦੀਆਂ ਛਾਵਾਂ, ਫ਼ਸਲਾਂ ਨੂੰ ਕਲੋਨੀਆਂ ਕਾਰਨ ਯੋਗ ਹਵਾ ਅਤੇ ਨਾਲ ਹੀ ਬਣੇ 2 ਮੇਨ ਹਾਈਵੇਆਂ ਕਾਰਨ ਇੱਥੇ ਖੇਤੀ ਦੀ ਉਪਜੀਵਕਾਂ ਵੀ ਘਟੀ ਹੈ ਤੇ ਉਪਰੋਕਤ ਕਾਰਨਾਂ ਕਰਕੇ ਇੱਥੇ ਖੇਤੀ ਵੱਡੀ ਮੁਸ਼ਕਿਲ ਬਣ ਚੁੱਕੀ ਹੈ। ਇਸ ਲਈ ਜੇਕਰ ਗਮਾਡਾ ਨੇ ਬਾਕੀ ਬਚੀ 30% ਜ਼ਮੀਨ ਮਾਲਕਾਂ ਨਾਲ ਇਹ ਧੱਕਾ ਕੀਤਾ ਤਾਂ ਉਕਤ ਕਲੋਨੀਆਂ ਕਾਰਨ ਖੇਤੀ ਤੋਂ ਪਹਿਲਾਂ ਹੀ ਘਾਟਾ ਖਾ ਰਹੇ ਕਿਸਾਨ ਖੁਦਕੁਸ਼ੀਆਂ ਦੇ ਰਾਹ ਪੈ ਜਾਣਗੇ। ਇਸ ਲਈ ਇੱਥੋਂ ਦੇ ਰਕਬੇ ਨੂੰ ਪਹਿਲਾਂ ਲਏ ਰਕਬੇ ਨਾਲ ਹੀ ਜੋੜਨ ਲਈ ਹੁਕਮ ਜਾਰੀ ਕੀਤੇ ਜਾਣ।