ਏਜੰਟਾਂ ਦੀ ਭੇਟ ਚੜਿਆ ਆਰ ਟੀ ਉ ਦਫਤਰ ਫਿਰੋਜ਼ਪੁਰ

ਸਮਾਰਟ ਚਿੱਪ ਕੰਪਨੀ ਅਧੀਨ ਰੱਖਿਆ ਡਾਟਾ ਐਟਰੀ ਉਪਰੇਟਰ ਰਾਕੇਸ਼ ਕੁਮਾਰ ਆਪਣੀਆਂ ਚੰਮ ਦੀਆਂ ਚਲਾ ਕੇ ਆਪਣੀਆਂ ਜੇਬਾਂ ਗਰਮ ਕਰਨ ਚ ਜੁੱਟਿਆ।

ਦਫਤਰ ਦੇ ਉਚ ਅਧਿਕਾਰੀ ਹੋਏ ਬੇਬਸ ਆਮ ਪਬਲਿਕ ਦਾ ਕੰਮ ਕਰਵਾਉਣਾ ਹੋਇਆ ਔਖਾ।

ਫਿਰੋਜ਼ਪੁਰ, 17 ਦਸੰਬਰ (ਅਸ਼ੋਕ ਭਾਰਦਵਾਜ) ਆਰ ਟੀ ਉ ਦਫਤਰ ਫਿਰੋਜ਼ਪੁਰ ਜੋ ਆਪਣੀਆਂ ਨਕਾਮੀਆਂ ਨੂੰ ਲੈ ਕੇ ਹਮੇਸ਼ਾ ਹੀ ਅਖਬਾਰਾਂ ਦੀਆਂ ਸੁਰਖੀਆ ਚ ਰਹਿੰਦਾ ਹੈ ਆਏ ਦਿਨ ਕੋਈ ਨਾ ਕੋਈ ਨਾਕਾਮੀ ਦੇਖਣ ਨੂੰ ਆਮ ਮਿਲਦੀ ਰਹਿੰਦੀ ਹੈ। ਕਦੇ ਜਾਅਲੀ ਨੰਬਰ,ਕਦੇ ਡਰਾਵਿੰਗ ਲਾਇਸੈਂਸ ਚ ਹਨੇਰ ਗਰਦੀ ਛਾਈ ਰਹਿੰਦੀ ਹੈ ਪਰ ਪਰਨਾਲਾ ਫਿਰ ਵੀ ਉਥੇ ਦਾ ਉਥੇ ਹੀ ਰਹਿੰਦਾ ਹੈ ਕਿਉਕਿ ਇਸ ਦਫਤਰ ਦਾ ਕੰਪਨੀ ਅਧੀਨ ਰੱਖਿਆ ਸਟਾਫ ਦਫਤਰ ਦੇ ਉਚ ਅਧਿਕਾਰੀਆਂ ਤੇ ਹਾਵੀ ਚੱਲ ਰਿਹਾ ਹੈ ਤੇ ਉਚ ਅਧਿਕਾਰੀ ਬੇਬਸ ਹੋ ਕੇ ਬੱਸ ਆਪਣੇ ਦਿਨ ਕੱਟ ਰਹੇ ਨੇ ਤੇ ਕੰਪਨੀ ਅਧੀਨ ਰੱਖੇ ਕਰਮਚਾਰੀ ਆਪਣੀਆ ਚੰਮ ਦੀਆਂ ਚਲਾ ਕੇ ਜਨਤਾ ਦੀ ਦੋਵਾਂ ਹੱਥਾਂ ਨਾਲ ਲੁੱਟ ਕਰ ਰਹੇ ਹਨ ਇਸ ਦਫਤਰ ਨੂੰ ਸਰਕਾਰੀ ਦਫਤਰ ਘੱਟ ਤੇ ਕਾਰਪੋਰੇਟ ਘਰਾਣਿਆ (ਏਜੰਟਾਂ) ਦਾ ਦਫਤਰ ਜਿਆਦਾ ਕਿਹਾ ਜਾਵੇ ਤਾਂ ਉਸ ਚ ਕੋਈ  ਅੱਤਕਥਨੀ ਨਹੀ ਹੋਵੇਗੀ ਕਿਉਕਿ ਸਮਾਰਟ ਚਿੱਪ ਕੰਪਨੀ ਅਧੀਨ ਰੱਖੇ ਕਰਮਚਾਰੀ ਆਮ ਜਨਤਾ ਨੂੰ ਅੱਖੋ ਪਰੋਖੇ ਤੇ ਏਜੰਟਾਂ ਨੂੰ ਮੋਢੇ ਤੇ ਰੱਖ ਕਿ ਹੱਥਾਂ ਦੀਆਂ ਤਲੀਆਂ ਗਰਮ ਕਰਕੇ ਮੋਜਾਂ ਮਾਣ ਰਹੇ ਹਨ। ਟਰੈਕ ਤੇ ਬੈਠਾ ਰਾਕੇਸ਼ ਕੁਮਾਰ ਨਾਮੀ ਕੰਪਨੀ ਕਰਮਚਾਰੀ ਆਪਣੇ ਆਪ ਨੂੰ ਆਰ ਟੀ ਉ ਤੋ ਵੀ ਉਪਰ ਦਾ ਅਫਸਰ ਸਮਝਦਾ ਹੈ ਤੇ ਜਨਤਾ ਨੂੰ ਆਪਣੀ ਜੇਬ ਚ ਪਾ ਕੇ ਰੱਖਣ ਦਾ ਹੁਨਰ ਰੱਖਦਾ ਹੈ ਤੇ ਬਗੈਰ ਜੇਬ ਗਰਮ ਕੀਤੇ ਕੰਮਾਂ ਨੂੰ ਲਟਕਾ ਕੇ ਰੱਖਦਾ ਹੈ। ਇਸ ਬਾਬਤ ਰਿਜਨਲ

ਟਰਾਂਸਪੋਰਟ ਅਫਸਰ ਕਰਨਬੀਰ ਸਿੰਘ ਛੀਨਾ ਹੁਰਾਂ ਨਾਲ ਫੋਨ ਜਰੀਏ ਰਾਬਤਾ ਕਾਇਮ ਕੀਤਾ ਗਿਆ ਤਾਂ ਉਹਨਾਂ ਵਲੋ ਕੋਈ ਠੋਸ ਜਵਾਬ ਨਾ ਮਿਲਿਆ।