ਗੁਰਚਰਨ ਸਿੰਘ ਨਿਵਾਸੀ ਬੇਕਰਜ਼ਫੀਲਡ ਨੇ ਸਕੂਲ ਦੀਆਂ ਬੁਨਿਆਦੀ ਲੋੜਾਂ ਦੀ ਪੂਰਤੀ ਲਈ 51000 ਦਾਨ ਦਿੱਤੇ

 ਫ਼ਰੀਦਕੋਟ, 18 ਦਸੰਬਰ (ਵਿਪਨ ਮਿੱਤਲ)-ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਪੰਜਗਰਾਈਂ ਕਲਾਂ ਲੜਕੇ ਵਿਖੇ ਸਟੇਟ ਐਵਾਰਡੀ ਅਧਿਆਪਕ ਖਰੈਤੀ ਲਾਲ ਸ਼ਰਮਾ ਸਟੇਟ ਐਵਾਰਡੀ  ਦੀ ਯੋਗ ਪ੍ਰੇਰਨਾ ਸਦਕਾ ਗੁਰਚਰਨ ਸਿੰਘ ਨਿਵਾਸੀ ਬੇਕਰਜ਼ਫੀਲਡ (ਅਮਰੀਕਾ) ਮੂਲ ਨਿਵਾਸੀ ਪਿੰਡ ਪੰਜਗਰਾਈਂ ਕਲਾਂ ਨੇ ਸਕੂਲ ਦੀਆਂ ਬੁਨਿਆਦੀ ਲੋੜਾਂ ਦੀ ਪੂਰਤੀ ਲਈ 51000 ( ਇਕਵੰਜਾ ਹਜਾਰ ਰੁਪਏ)  ਦੀ ਰਾਸ਼ੀ ਸਕੂਲ ਦੇ ਪਿ੍ਰੰਸੀਪਲ ਮਹਿੰਦਰ ਪਾਲ ਸਿੰਘ ਨੂੰ ਭੇਟ ਕੀਤੀ। ਇੱਥੇ ਜ਼ਿਕਰਯੋਗ ਹੈ ਕਿ ਗੁਰਚਰਨ ਸਿੰਘ ਨੇ ਪਹਿਲਾਂ ਵੀ ਸਕੂਲ ਲਈ  ਮਾਇਕ ਸਹਾਇਤਾ  ਦਿੱਤੀ ਸੀ, ਜਿਸ ਨਾਲ ਸਟੇਜ ਦਾ ਨਿਰਮਾਣ ਕੀਤਾ ਅਤੇ ਸਕਲ ਅੰਦਰ ਵੱਡਾ ਆਰ.ਓ. ਲਗਾ ਕੇ ਬੱਚਿਆਂ ਦੇ ਲਈ ਪੀਣ ਵਾਲੇ ਪਾਣੀ ਦਾ ਯੋਗ ਪ੍ਰਬੰਧ  ਹੋ ਸਕਿਆ ਸੀ। ਹੁਣ ਉਨ੍ਹਾਂ ਵੱਲੋਂ ਸਕੂਲ ਨੂੰ ਦਾਨ ਦੇਣ ਸਮੇਂ ਉਨ੍ਹਾਂ ਨਾਲ ਡਾ. ਹਰਪ੍ਰੀਤ ਸਿੰਘ ਹੈਪੀ ਪੰਜਗਰਈਕਲਾਂ ਵੀ ਹਾਜ਼ਰ ਸਨ। ਇਸ ਮੌਕੇ ਸਟਾਫ ਨੇ ਇਸ ਮੌਕੇ ਦਾਨੀ ਸੱਜਣ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਕੂਲ ਪਿ੍ਰੰਸੀਪਲ ਮਹਿੰਦਰ ਪਾਲ ਸਿੰਘ ਨੇ ਵਿਸ਼ਵਾਸ਼ ਦਿਵਾਇਆ ਕਿ ਦਾਨ ਦਾ ਰਾਸ਼ੀ ਵਿਦਿਆਰਥੀਆਂ ਦੀ  ਸਹੂਲਤ, ਯੋਗ ਅਤੇ ਜਰੂਰਤਮੰਦ ਕਾਰਜਾਂ ਤੇ ਹੀ ਖਰਚੀ ਜਾਵੇਗੀ।