ਜੈ ਮਾਂ ਚਿੰਤਪੂਰਨੀ ਵੈਲਫੇਅਰ ਲੰਗਰ ਕਮੇਟੀ ਵੱਲੋਂ 23ਵਾਂ ਵਿਸ਼ਾਲ ਭੰਡਾਰਾ ਤੇ ਲੰਗਰ ਸੇਵਾ.

ਫਿਰੋਜ਼ਪੁਰ 8 ਅਗਸਤ (ਅਸ਼ੋਕ ਭਾਰਦਵਾਜ) ਜੈ ਮਾਂ ਚਿੰਤਪੂਰਨੀ ਵੈਲਫੇਅਰ ਲੰਗਰ ਕਮੇਟੀ (ਫਿਰੋਜ਼ਪੁਰ ਸ਼ਹਿਰ) ਵੱਲੋਂ ਮਾਤਾ ਚਿੰਤਪੂਰਨੀ ਜੀ ਦੇ ਦਰਬਾਰ ‘ਤੇ 23ਵਾਂ ਵਿਸ਼ਾਲ ਭੰਡਾਰਾ ਅਤੇ ਲੰਗਰ ਸੇਵਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਹ ਲੰਗਰ ਸੇਵਾ 13 ਅਗਸਤ ਤੋਂ 22 ਅਗਸਤ ਤੱਕ ਭਰਵਾਈਂ ਚੌਂਕ ਤੋਂ 1 ਕਿਲੋਮੀਟਰ ਅੱਗੇ, ਪੁਰਾਣੀ ਪੁਲਿਸ ਚੌਂਕੀ ਦੇ ਸਾਹਮਣੇ ( ਮਾਂ ਛਿਣ ਮਸਤਿਕਾ ਧਾਮ ਚਿੰਤਾਪੂਰਨੀ ਹਿਮਾਚਲ) ਵਿਖੇ ਨਿਰੰਤਰ ਜਾਰੀ ਰਹੇਗੀ। ਇਸ ਲੰਗਰ ਦੀ ਰਵਾਨਗੀ ਤੋ ਪਹਿਲਾਂ ਸਾਰੇ ਸੇਵਾਦਾਰਸ਼ ਦੇ ਸਹਿਯੋਗ ਨਾਲ ਦਿਨ ਮੰਗਲਵਾਰ, 11 ਅਗਸਤ 2026 ਨੂੰ ਸਵੇਰੇ 11:00 ਵਜੇ ਹਵਨ (ਸ਼ਿਵਾਲਾ ਮੰਦਿਰ,ਸਥਿਤ ਬੱਸ ਸਟੈਂਡ, ਫਿਰੋਜ਼ਪੁਰ ਸ਼ਹਿਰ) ਵਿਖੇ ਕਰਵਾਇਆ ਜਾਵੇਗਾ ਅਤੇ ਰਾਤ ਦੇ ਸਮੇ ਮਾਤਾ ਜੀ ਦੀ ਚੋਕੀ ਰਾਤ 8:00 ਵਜੇ (ਨਾਮਦੇਵ ਚੌਂਕ ਸਥਿਤ ਪੁਰਾਣੀ ਸ਼ਾਲੀਮਾਰ ਹੋਟਲ ਵਾਲੀ ਬਿਲਡਿੰਗ) ਫਿਰੋਜ਼ਪੁਰ ਸ਼ਹਿਰ ਚ ਕਰਵਾਈ ਜਾ ਰਹੀ ਹੈ। ਉਸ ਉਪਰੰਤ ਦਿਨ ਬੁੱਧਵਾਰ, 12 ਅਗਸਤ 2026 ਨੂੰ  ਲੰਗਰ ਦੀ ਰਵਾਨਗੀ ਨੇੜੇ ਬੱਸ ਸਟੈਂਡ, ਫਿਰੋਜ਼ਪੁਰ ਸ਼ਹਿਰ ਤੋ ਕੀਤੀ ਜਾਵੇਗੀ। ਇਸ ਮੋਕੇ ਸਾਰੇ ਸੇਵਾਦਾਰਾਂ ਵਲੋ ਸਭ ਭਗਤਾਂ ਨੂੰ ਖੁੱਲਾ ਸੱਦਾ ਦਿੱਤਾ ਜਾਂਦਾ ਹੈ। ਲੰਗਰ ਲਈ ਵੱਧ ਤੋ ਵੱਧ ਸਹਿਯੋਗ ਦੇਣ ਲਈ ਤੁਸੀ ਸੇਵਾਦਾਰ ਸੋਨੂੰ ਭੰਡਾਰੀ ਦੇ ਮੋਬਾਈਲ ਨੰਬਰ 98786-30049 ਤੇ ਸੰਪਰਕ ਕਰ ਸਕਦੇ ਹੋ।