ਲੁੱਟਾਂ-ਖੋਹਾਂ ਕਰਨ ਵਾਲੇ ਦੋ ਮੁਲਜ਼ਮ 03 ਮੋਟਰਸਾਈਕਲਾਂ, 05 ਮੋਬਾਈਲਾਂ ਅਤੇ ਸੋਨੇ ਦੇ ਟੋਪਸਾਂ ਸਮੇਤ ਗ੍ਰਿਫ਼ਤਾਰ

ਫ਼ਿਰੋਜ਼ਪੁਰ 10 ਅਗਸਤ (ਅਸ਼ੋਕ ਭਾਰਦਵਾਜ) ਮਾਨਯੋਗ ਸੀਨੀਅਰ ਕਪਤਾਨ ਪੁਲਿਸ ਫ਼ਿਰੋਜ਼ਪੁਰ ਦੇ ਦਿਸ਼ਾ-ਨਿਰਦੇਸ਼ਾਂ ਅਤੇ ਮਾਨਯੋਗ ਕਪਤਾਨ ਪੁਲਿਸ (ਇਨਵੈਸਟੀਗੇਸ਼ਨ) ਫ਼ਿਰੋਜ਼ਪੁਰ ਤੇ ਮਾਨਯੋਗ ਉਪ ਕਪਤਾਨ ਪੁਲਿਸ (ਸਿਟੀ) ਫ਼ਿਰੋਜ਼ਪੁਰ ਦੀ ਰਹਿਨੁਮਾਈ ਹੇਠ, ਐੱਸ.ਐੱਚ.ਓ. ਥਾਣਾ ਸਿਟੀ ਫ਼ਿਰੋਜ਼ਪੁਰ ਅਤੇ ਉਨ੍ਹਾਂ ਦੀ ਟੀਮ ਨੂੰ ਲੁੱਟਾਂ-ਖੋਹਾਂ ਤੇ ਚੋਰੀਆਂ ਕਰਨ ਵਾਲੇ ਗਿਰੋਹ ਖਿਲਾਫ਼ ਵੱਡੀ ਸਫ਼ਲਤਾ ਮਿਲੀ ਹੈ। ਪੁਲਿਸ ਟੀਮ ਨੇ ਫ਼ਿਰੋਜ਼ਪੁਰ ਸ਼ਹਿਰ ਦੇ ਏਰੀਏ ਵਿੱਚੋਂ ਲੁੱਟਾਂ-ਖੋਹਾਂ ਕਰਨ ਵਾਲੇ 02 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫਤਾਰ ਕੀਤੇ ਦੋਸ਼ੀ ਦੀ ਪਹਿਚਾਣ ਸੰਜੀਵ ਪੁੱਤਰ ਬਿਲੂ ਮਸੀਹ (ਵਾਸੀ ਕਰਤਾਰਪੁਰ, ਜਲੰਧਰ; ਹਾਲ ਵਾਸੀ ਨਵੀਂ ਅਬਾਦੀ ਲਾਲ ਕੁਰਤੀ, ਫ਼ਿਰੋਜ਼ਪੁਰ ਕੈਂਟ), ਜੋਪੀ ਪੁੱਤਰ ਬਿਲੂ ਮਸੀਹ (ਵਾਸੀ ਕਰਤਾਰਪੁਰ, ਜਲੰਧਰ; ਹਾਲ ਵਾਸੀ ਨਵੀਂ ਅਬਾਦੀ ਲਾਲ ਕੁਰਤੀ, ਫ਼ਿਰੋਜ਼ਪੁਰ ਕੈਂਟ)ਵਜੋ ਹੋਈ ਹੈ। ਪੁਲਿਸ ਵੱਲੋਂ ਦੋਸ਼ੀਆਂ ਪਾਸੋਂ  03 ਮੋਟਰਸਾਈਕਲ (ਵੱਖ-ਵੱਖ ਮਾਰਕੇ), 05 ਮੋਬਾਈਲ ਫ਼ੋਨ (ਵੱਖ-ਵੱਖ ਕੰਪਨੀਆਂ ਦੇ), 01 ਜੋੜਾ ਸੋਨੇ ਦੇ ਟੋਪਸ ਬਰਾਮਦ ਕੀਤੇ ਗਏ ਹਨ। ਪੁਲਿਸ ਵੱਲੋਂ ਦੋਸ਼ੀਆਂ ਖਿਲਾਫ਼ ਮੁਕੱਦਮਾ ਨੰਬਰ 2 ਥਾਣਾ ਸਿਟੀ ਫ਼ਿਰੋਜ਼ਪੁਰ ਵਿਖੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਪੁਲਿਸ ਅਨੁਸਾਰ ਦੋਸ਼ੀਆਂ ਪਾਸੋਂ ਹੋਰ ਵੀ ਚੋਰੀ ਦੇ ਮੋਬਾਈਲ ਅਤੇ ਹੋਰ ਸਮਾਨ ਬਰਾਮਦ ਹੋਣ ਦੀ ਸੰਭਾਵਨਾ ਹੈ। ਦੋਸ਼ੀ ਪਹਿਲਾਂ ਵੀ ਕਈ ਮੁਕੱਦਮਿਆ ਚ ਨਾਮਜਦ ਹਨ।