ਬਗੈਰ ਹਾਈ ਸਕਿਊਰਟੀ ਨੰਬਰ ਪਲੇਟਾਂ ਦੇ ਹੀ ਫਿਰੋਜ਼ਪੁਰ ਦੀਆਂ ਸੜਕਾ ਤੇ ਦੋੜਦੀ ਰਹਿੰਦੀ ਹੈ ਫਾਇਰ ਬ੍ਰਿਗੇਡ ਦੀ ਗੱਡੀ।

ਫਿਰੋਜ਼ਪੁਰ 4 ਅਪ੍ਰੈਲ (ਅਸ਼ੋਕ ਭਾਰਦਵਾਜ)  ਟ੍ਰੈਫਿਕ ਪੁਲਿਸ ਫਿਰੋਜ਼ਪੁਰ ਜੋ ਕਿ ਟ੍ਰੈਫਿਕ ਰੂਲਾਂ ਪ੍ਰਤੀ ਹਰ ਸੰਭਵ ਯਤਨਾਂ ਚ ਰੁੱਝੀ ਰਹਿੰਦੀ ਹੈ ਪਰ ਕਿਤੇ ਕਿਤੇ ਇਹਨਾਂ ਦੇ ਕੀਤੇ ਯਤਨ ਅੱਖੋ ਪਰੋਖੇ ਕਰਨ ਲਈ ਸਰਕਾਰੀ ਬਾਬੂ ਬੜੀ ਬਾਖੂਬੀ ਨਿਭਾਉਦੇ ਨਜਰ ਆਉਦੇ ਹਨ। ਟਰਾਂਸਪੋਰਟ ਵਿਭਾਗ ਪੰਜਾਬ ਵਲੋ ਹਰ ਸਰਕਾਰੀ ਗੈਰ ਸਰਕਾਰੀ ਗੱਡੀਆਂ ਤੇ ਹਾਈ ਸਕਿਊਰਟੀ ਨੰਬਰ ਪਲੇਟਾਂ ਜਰੂਰੀ ਕੀਤੀਆਂ ਹੋਈਆਂ ਹਨ ਇਹਨਾਂ ਨੰਬਰ ਪਲੇਟਾਂ ਸੰਬੰਧੀ ਵਿਭਾਗ ਵਲੋ ਬਹੁਤ ਦੇਰ ਪਹਿਲਾਂ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੋਇਆ ਹੈ ਪਰ ਇਹ ਨੋਟੀਫਿਕੇਸ਼ਨ ਨੂੰ ਟਿੱਚ ਸਮਝਦਿਆ ਫਾਇਰ ਬ੍ਰਿਗੇਡ ਅਮਲਾ ਫਿਰੋਜ਼ਪੁਰ ਸ਼ਰੇਆਮ ਧੱਜੀਆਂ ਉਡਾ ਰਿਹਾ ਹੈ ਆਮ ਲੋਕਾਂ ਦੇ ਵਹੀਕਲਾਂ ਤੇ ਹਾਈ ਸਕਿਊਰਟੀ ਨੰਬਰ ਪਲੇਟਾਂ ਨਾ ਲੱਗੀਆਂ ਹੋਣ ਕਾਰਨ ਟ੍ਰੈਫਿਕ ਪੁਲਿਸ ਵਲੋ ਤੁਰੰਤ ਪ੍ਰਭਾਵ ਤੇ ਕਾਰਵਾਈ ਅਧੀਨ ਚਲਾਨ ਕੱਟੇ ਜਾਂਦੇ ਹਨ ਪਰ ਇਸ ਫਾਇਰ ਬ੍ਰਿਗੇਡ ਦੀ ਗੱਡੀ ਦਾ ਕੋਣ ਕੱਟੂਗਾ ਚਲਾਨ ਕਿਉਕਿ ਇਹ ਗੱਡੀ ਬਗੈਰ ਹਾਈ ਸਕਿਊਰਟੀ ਨੰਬਰ ਪਲੇਟਾਂ ਤੋ ਹੀ ਫਿਰੋਜ਼ਪੁਰ ਦੀਆਂ ਸੜਕਾਂ ਤੇ ਦੋੜਦੀ ਰਹਿੰਦੀ ਹੈ। ਇਸ ਨੂੰ ਵਿਭਾਗ ਦੀ ਨਲਾਇਕੀ ਸਮਝਿਆ ਜਾਵੇ ਜਾਂ ਫਿਰ ਲਾਪ੍ਰਵਾਹੀ।