ਡਾ. ਜਗਜੀਵਨ ਕੌਰ ਨੇ ਪ੍ਰਿੰਸੀਪਲ ਵਜੋਂ ਸਰਕਾਰੀ ਕਾਲਜ, ਸ੍ਰੀ ਮੁਕਤਸਰ ਸਾਹਿਬ ਦਾ ਕਾਰਜਭਾਰ ਸੰਭਾਲਿਆ

 ਸਰਕਾਰੀ ਨੌਕਰੀ ਵਿੱਚ ਆਪਣਾ ਅਧਿਆਪਨ ਦਾ ਸਫ਼ਰ ਅਕਤੂਬਰ 1995 ਵਿੱਚ ਸਰਕਾਰੀ ਰਣਬੀਰ ਕਾਲਜ, ਸੰਗਰੂਰ ਤੋਂ ਸ਼ੁਰੂ ਕੀਤਾ

ਬਠਿੰਡਾ, 8 ਅਪ੍ਰੈਲ(ਐੱਸ ਐੱਸ ਰਾਹੀ): ਸਰਕਾਰੀ ਰਾਜਿੰਦਰਾ ਕਾਲਜ, ਬਠਿੰਡਾ ਦੇ ਪ੍ਰਿੰਸੀਪਲ ਡਾ. ਜਯੋਤਸਨਾ, ਸਮੂਹ ਸਟਾਫ਼,  ਮੌਜੂਦਾ/ਪੁਰਾਣੇ ਵਿਦਿਆਰਥੀਆਂ,  ਕਾਲਜ ਨਾਲ ਸਬੰਧਿਤ ਸਮੂਹ ਇਲਾਕਾ ਨਿਵਾਸੀਆਂ, ਚੱਕ ਬਖਤੂ ਅਤੇ ਕੋਠਾ ਗੁਰੂ ਨਿਵਾਸੀਆਂ ਲਈ ਬੜੀ ਵੱਡੀ ਖੁਸ਼ਖ਼ਬਰੀ ਹੈ ਕਿ ਕਾਲਜ ਦੇ ਫਿਜ਼ੀਕਲ ਐਜੂਕੇਸ਼ਨ ਵਿਭਾਗ ਦੇ ਮੁਖੀ ਅਤੇ ਕਾਲਜ ਦੇ ਵਾਈਸ ਪ੍ਰਿੰਸੀਪਲ ਡਾ. ਜਗਜੀਵਨ ਕੌਰ ਹੋਰਾਂ ਨੂੰ ਪੰਜਾਬ ਸਰਕਾਰ ਨੇ ਸੀਨੀਆਰਤਾ ਅਤੇ ਮੈਰਿਟ ਦੇ ਆਧਾਰ ‘ਤੇ ਪਦਉੱਨਤ ਕਰਕੇ ਸਰਕਾਰੀ ਕਾਲਜ, ਸ੍ਰੀ ਮੁਕਤਸਰ ਸਾਹਿਬ ਦਾ ਪ੍ਰਿੰਸੀਪਲ ਲਗਾ ਦਿੱਤਾ ਹੈ। ਪ੍ਰਿੰਸੀਪਲ, ਡਾ. ਜਗਜੀਵਨ ਕੌਰ ਕਿਸੇ ਜਾਣ- ਪਹਿਚਾਣ ਦੇ ਮੁਹਤਾਜ ਨਹੀਂ ਹਨ। ਪਿਛਲੇ ਤਿੰਨ ਦਹਾਕਿਆਂ ਤੋਂ ਉੱਨ੍ਹਾਂ ਨੇ ਸੁਬਾਈ, ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ਦੇ ਖਿਡਾਰੀ ਪੈਦਾ ਕਰਕੇ ਸੂਬੇ ਅਤੇ ਦੇਸ਼ ਦਾ ਨਾਮ ਉੱਚਾ ਕੀਤਾ ਹੈ । ਖੇਡਾਂ ਵਿੱਚ ਮਾਰੀਆਂ ਉੱਚ-ਪੱਧਰੀਆਂ ਮੱਲਾਂ ਦੇ ਸਿਰਤੇ ਹੀ ਉੱਨ੍ਹਾਂ ਵੱਲੋਂ ਟਰੇਂਡ ਕੀਤੇ ਗਏ ਲੱਖਾਂ ਖਿਡਾਰੀਆਂ ਨੇ ਸਰਕਾਰੀ ਨੌਕਰੀਆਂ ਪ੍ਰਾਪਤ ਕੀਤੀਆਂ ਹਨ। ਖੇਡਾਂ ਨਾਲ ਸਬੰਧਿਤ ਸਾਰੇ ਵਿਦਿਆਰਥੀ ਭਲੀਭਾਂਤ ਜਾਣੂ ਹਨ ਕਿ ਉੱਨ੍ਹਾਂ ਦਾ ਵਿਦਿਆਰਥੀਆਂ ਪ੍ਰਤੀ ਵਤੀਰਾ ਹਮੇਸ਼ਾਂ ਹੀ ਇੱਕ ਮਾਂ ਅਤੇ ਵੱਡੀ ਭੈਣ ਵਾਲਾ ਰਿਹਾ ਹੈ। ਉੱਨਾਂ ਨੇ ਆਪਣੇ ਨਿੱਜੀ ਕੰਮਾਂ ਦੀ ਥਾਂ ਹਰਦਮ ਵਿਦਿਆਰਥੀਆਂ ਅਤੇ ਕਾਲਜ ਦੇ ਕੰਮਾਂ ਨੂੰ ਪਹਿਲ ਦਿੱਤੀ ਹੈ। ਜੋ ਸਮਾਂ ਉੱਨਾਂ ਨੇ ਆਪਣੇ ਪ੍ਰੀਵਾਰ ਅਤੇ ਬੱਚੇ ਨੂੰ ਦੇਣਾ ਸੀ ਉਹ ਸਵੇਰੇ ਅਤੇ ਸ਼ਾਮ ਕਾਲਜ ਵਿੱਚ ਵਿਦਿਆਰਥੀਆਂ ਨੂੰ ਪ੍ਰੈਕਟਿਸ ਕਰਾਉਣ ਲਈ ਖਰਚ ਕੀਤਾ। ਕਾਲਜ ਅਤੇ ਵਿਦਿਆਰਥੀਆਂ ਦੇ ਕੰਮਾਂ ਵਿੱਚ ਸਹਾਇਤਾ ਕਰਨ ਲਈ ਜਿੱਥੇ ਉੱਨ੍ਹਾਂ ਦੇ ਪਤੀ, ਕੋਠਾ ਗੁਰੂ ਦੇ ਵਾਸੀ ਅਤੇ ਰਾਜਿੰਦਰਾ ਕਾਲਜ ਦੇ ਪੁਰਾਣੇ ਵਿਦਿਆਰਥੀ ਸ੍ਰ. ਹਰਨਾਮ ਸਿੰਘ(ਗਗਨ ਗੋਂਦਾਰਾ)/ਸਪੁੱਤਰ ਸਵੱਰਗਵਾਸੀ ਸ੍ਰ ਪ੍ਰਤਾਪ ਸਿੰਘ-ਸ੍ਰੀਮਤੀ ਮਲਕੀਤ ਕੌਰ ਗੋਂਦਾਰਾ,ਉੱਘੇ ਸਮਾਜਸੇਵੀ ਕਾਕਾ ਦਵਿੰਦਰ ਸਿੰਘ ਉਰਫ਼ ‘ਬੱਗਾ ਗੋਂਦਾਰਾ’ ਦੇ ਚਾਚਾ ਜੀ ਨੇ ਆਪਣੀ ਨੌਕਰੀ ਛੱਡਕੇ ਨੌਕਰੀ, ਘਰ, ਬੱਚਾ ਅਤੇ ਰਿਸ਼ਤੇ ਸੰਭਾਲਣ ਲਈ ਉੱਨ੍ਹਾਂ ਦੇ ਮੋਢੇ ਨਾਲ ਮੋਢਾ ਲਾਕੇ ਸਾਥ ਦਿੱਤਾ ਉੱਥੇ ਹੀ ਉੱਨ੍ਹਾਂ ਦੇ ਪੇਕਾ ਅਤੇ ਸਹੁਰਾ ਪ੍ਰੀਵਾਰ ਨੇ ਵੀ ਸਾਥ ਦੇਣ ਵਾਲੀ ਕਸਰ ਬਾਕੀ ਨਹੀਂ ਛੱਡੀ।ਮੈਡਮ ਨੇ ਦਸਵੀਂ ਜਮਾਤ ਤੱਕ ਦੀ ਸਿੱਖਿਆ ਆਪਣੇ ਪਿੰਡ ਦੇ ਸਕੂਲ ਬੀ. ਏ ਦੀ ਪੜ੍ਹਾਈ ਸਰਕਾਰੀ ਕਾਲਜ ਫ਼ਾਰ ਵਿਮੈਨ, ਪਟਿਆਲਾ ਦੇ ਯੂਨੀਵਰਸਿਟੀ ਸਪੋਰਟਸ-ਵਿੰਗ ਵਿੱਚ

ਰਹਿਕੇ, ਐਮ.ਏ(ਗੋਲਡ ਮੈਡਲ ਸਹਿਤ), ਐਮ. ਫਿਲ ਸਰਕਾਰੀ ਕਾਲਜ ਆਫ਼ ਫ਼ਿਜ਼ੀਕਲ ਐਜੂਕੇਸ਼ਨ, ਪਟਿਆਲਾ ਤੋਂ ਪੂਰੀ ਕੀਤੀ ਅਤੇ ਡਾਕਟਰੇਟ ਦੀ ਡਿਗਰੀ ਗੁਰੂ ਕਾਸ਼ੀ ਯੂਨੀਵਰਸਿਟੀ, ਤਲਵੰਡੀ ਸਾਬੋ ਤੋਂ ਪ੍ਰਾਪਤ ਕੀਤੀ। ਪੇਂਡੂ ਵਿਰਸੇ, ਸੱਭਿਆਚਾਰ, ਖੇਤੀ-ਪੜ੍ਹਾਈ ਦੇ ਸੁਮੇਲ ਵਾਲੇ, ਇਲਾਕੇ ਦੇ ਇੱਕ ਉੱਘੇ ਸਮਾਜਸੇਵੀ ਪ੍ਰੀਵਾਰ ਵਿੱਚ ਜੰਮੀ-ਪਲ਼ੀ, ਸਵੱਰਗਵਾਸੀ ਸ੍ਰ. ਸ਼ੇਰ ਸਿੰਘ(ਸਾਬਕਾ ਸਰਪੰਚ)-ਸ਼੍ਰੀਮਤੀ ਬਚਨ ਕੌਰ, ਉੱਘੇ ਐਗਰੀਕਲਚਰ ਸਪੈਸ਼ਲਿਸਟ ਅਤੇ ਸਿਆਸਤਦਾਨ ਸ੍ਰ. ਟਹਿਲ ਸਿੰਘ ਸਿੱਧੂ-ਸ੍ਰੀਮਤੀ ਜਗਜੀਤ ਕੌਰ ਦੀ ਪੋਤਰੀ, ਸ੍ਰ. ਜਲੌਰ ਸਿੰਘ-ਸ੍ਰੀਮਤੀ ਗੁਰਮੀਤ ਕੌਰ ਦੀ ਧੀ, ਪ੍ਰਿੰਸੀਪਲ ਸ੍ਰ. ਚਮਕੌਰ ਸਿੰਘ -ਪ੍ਰਿੰਸੀਪਲ ਸ਼੍ਰੀਮਤੀ ਕੁਲਵੀਰ ਕੌਰ, ਸ੍ਰ. ਜਗਰੂਪ ਸਿੰਘ- ਸ਼੍ਰੀਮਤੀ ਸੁਖਦੀਪ ਕੌਰ, ਸ੍ਰੀਮਤੀ ਮਹਿੰਦਰ ਕੌਰ-ਸ੍ਰ. ਕੇਸਰ ਸਿੰਘ ਢੀਂਡਸਾ ਪਟਿਆਲਾ, ਬੀਬਾ ਸੁਖਮਿੰਦਰ ਕੌਰ -ਸ. ਭੁਪਿੰਦਰ ਸਿੰਘ ਸਹਾਰਨ (ਰਿਟਾ. ਏ.ਡੀ.ਸੀ,  ਫਾਜ਼ਿਲਕਾ)ਅਤੇ ਬੀਬਾ ਜਸਵੀਰ ਕੌਰ-ਸ੍ਰ. ਗੁਰਤੇਜ ਸਿੰਘ ਸਰੋਆ ਦੀ ਲਾਡਲੀ ਭਤੀਜੀ, ਸ੍ਰ. ਭਰਪੂਰ ਸਿੰਘ-ਸ਼੍ਰੀਮਤੀ ਮਲਕੀਤ ਕੌਰ ਬਰਨਾਲਾ ਦੀ ਭਾਣਜੀ, ਇੰਜੀ. ਹਰਦੀਦਾਰ ਸਿੰਘ, ਸ੍ਰ. ਹਰਅਵਤਾਰ ਸਿੰਘ, ਡਾ. ਹਰਅੰਮ੍ਰਿਤਪਾਲ ਸਿੰਘ, ਪ੍ਰੋ.(ਡਾ.)ਮਨੀਸ਼ ਜਿੰਦਲ-ਪ੍ਰੋ.(ਡਾ.)ਸਿੰਪਲ ਜਿੰਦਲ, ਬੀਬਾ ਕਿਰਨਜੀਤ ਕੌਰ ਬਰਾੜ-ਸ੍ਰ. ਅਜਾਇਬ ਸਿੰਘ ਸਰਪੰਚ ਦੀ ਪਿਆਰੀ ਭੈਣ, ਹਾਕੀ ਦੀ ਪੰਜ ਵਾਰ ਨੈਸ਼ਨਲ ਅਤੇ ਆਲ ਇੰਡੀਆ ਇੰਟਰ ਯੂਨੀਵਰਸਿਟੀ, ਸੱਤ ਵਾਰ ਪੰਜਾਬੀ ਯੂਨੀਵਰਸਿਟੀ ਦੇ ਅੰਤਰਕਾਲਜ ਮੁਕਾਬਲਿਆਂ ਦੀ ਮੈਡਲ ਵਿਜੇਤਾ, ਕਾਲਜ/ਯੂਨੀਵਰਸਿਟੀ ਰੋਲ ਆਫ਼ ਆਨਰ/ ਕਲਰ, ਐਨ.ਸੀ.ਸੀ ਦਾ ‘ਸੀ ਸਰਟੀਫਿਕੇਟ’ ਪ੍ਰਾਪਤ ਕਰਤਾ, ਖੇਤੀ/ਘਰਦੇ ਕੰਮਾਂ ਵਿੱਚ ਮੂਹਰੇ ਹੋਕੇ ਆਪਣੇ ਸਾਂਝੇ, ਮਿਹਨਤੀ ਅਤੇ ਅਣਥੱਕ ਪ੍ਰੀਵਾਰ ਦਾ ਹੱਥ ਵਟਾਉਣ, ਆਪਣੇ ਦੁੱਖ ਨੂੰ ਪਿੱਛੇ ਸੁੱਟਕੇ ਦੂਸਰਿਆਂ ਨਾਲ ਹਮਦਰਦੀ ਕਰਨ ਵਾਲੇ ਮੈਡਮ ਜਗਜੀਵਨ ਕੌਰ ਨੇ ਸਰਕਾਰੀ ਨੌਕਰੀ ਵਿੱਚ ਆਪਣਾ ਅਧਿਆਪਨ ਦਾ ਸਫ਼ਰ ਅਕਤੂਬਰ 1995 ਵਿੱਚ ਸਰਕਾਰੀ ਰਣਬੀਰ ਕਾਲਜ, ਸੰਗਰੂਰ ਤੋਂ ਸ਼ੁਰੂ ਕੀਤਾ ਅਤੇ ਅਕਤੂਬਰ 1997 ਵਿੱਚ ਉੱਨ੍ਹਾਂ ਨੇ ਸਰਕਾਰੀ

ਰਾਜਿੰਦਰਾ ਕਾਲਜ ਵਿੱਚ ਆਪਣੀ ਬਦਲੀ ਕਰਵਾ ਲਈ। ਤੀਹ ਸਾਲ ਦੇ ਇਸ ਲੰਬੇ ਅਰਸੇ ਵਿੱਚ ਉੱਨ੍ਹਾਂ ਨੇ ਬਠਿੰਡਾ ਇਲਾਕੇ ਦੀ ਇਸ ਨਾਮਵਰ ਸੰਸਥਾ ਲਈ ਨਿਰਸਵਾਰਥ ਸੇਵਾਵਾਂ ਨਿਭਾਉਦਿਆਂ ਸਰੀਰਕ ਸਿੱਖਿਆ ਵਿਭਾਗ ਦੇ ਮੁਖੀ ਵਜੋਂ ਕੰਮ ਕੀਤਾ। ਪਦਉੱਨਤੀ ਉਪਰੰਤ ਉੱਨ੍ਹਾਂ ਨੇ ਸਰਕਾਰੀ ਹੁਕਮਾਂ ਅਨੁਸਾਰ ਮਿਤੀ 5/04/2025 ਨੂੰ ਗੁਰੂਆਂ ਦੀ ਚਰਨ-ਛੋਹ ਪ੍ਰਾਪਤ ਧਰਤੀ ਦੇ ਬਣੇ ਹੋਏ ਸਰਕਾਰੀ ਕਾਲਜ, ਸ੍ਰੀ ਮੁਕਤਸਰ  ਸਾਹਿਬ ਦੇ ਪ੍ਰਿੰਸੀਪਲ ਵਜੋਂ ਅਗਵਾਈ ਕਰਨੀ ਹੈ। ਸਰਕਾਰੀ ਰਾਜਿੰਦਰਾ ਕਾਲਜ, ਬਠਿੰਡਾ ਦੇ ਪ੍ਰਿੰਸੀਪਲ, ਸਮੂਹ ਸਟਾਫ਼ ਵਿਦਿਆਰਥੀਆਂ ਦਾ ਇਹ ਅਲੂਮਨਾਇ ਗਰੁੱਪ, ਨਵੇਂ ਅਤੇ ਪੁਰਾਣੇ ਵਿਦਿਆਰਥੀ, ਇਸ ਕਾਲਜ ਨਾਲ ਸਬੰਧਿਤ ਕਰਮਚਾਰੀ ਅਤੇ ਉੱਨ੍ਹਾਂ ਦੇ ਜਾਣ-ਪਹਿਚਾਣ ਵਾਲੇ ਅੱਜ ਪ੍ਰਿੰਸੀਪਲ ਜਗਜੀਵਨ ਕੌਰ ਨੂੰ ਉੱਨ੍ਹਾਂ ਦੇ ਪ੍ਰਿੰਸੀਪਲ ਵਜੋਂ ਜੁਆਇੰਨ ਕਰਨ ਤੇ  ਖੁਸ਼ੀ ਦਾ ਇਜ਼ਹਾਰ ਕਰਦੇ ਹਾਂ ਅਤੇ ਬਹੁਤ-ਬਹੁਤ ਵਧਾਈ ਦਿੰਦੇ ਹੋਏ ਉੱਨ੍ਹਾਂ ਦੇ ਅਗਲੇ ਪੜਾਅ ਲਈ ਤਰੱਕੀ ਅਤੇ ਸਫ਼ਲਤਾ ਦੀ ਕਾਮਨਾ ਕਰਦੇ ਹਾਂ ਕਿ ਸਤੰਬਰ 2025 ਵਿੱਚ ਆਪਣੀਆਂ ਸਰਕਾਰੀ ਸੇਵਾਵਾਂ ਤੋਂ ਮੁਕਤ ਹੋਣ ਜਾ ਰਹੀ ਇਸ ਸੁਚੱਜੀ ਸ਼ਖ਼ਸੀਅਤ ਨੂੰ ਪ੍ਰਮਾਤਮਾ ਤੰਦਰੁਸਤੀ, ਚੜ੍ਹਦੀਕਲਾ, ਤਰੱਕੀਆਂ, ਲੰਬੀ ਉਮਰ ਬਖ਼ਸ਼ੇ ਜਿਸਨੇ ਬਠਿੰਡਾ ਦੇ ਨਾਲ-ਨਾਲ ਭੁੱਚੋ ਮੰਡੀ ਇਲਾਕੇ ਦੀ ਧੀ ਅਤੇ ਭਗਤਾ ਭਾਈਕਾ ਇਲਾਕੇ ਦੀ ਨੂੰਹ ਹੋਣ ਕਾਰਨ ਸਾਡਾ ਸਭਨਾਂ ਦਾ ਨਾਮ ਰੌਸ਼ਨ ਕੀਤਾ ਹੈ। ਡਾ. ਜਗਜੀਵਨ ਕੌਰ ਆਪਣੇ ਸਮੂਹ ਦਿਲ ਦੀਆਂ ਗਹਿਰਾਈਆਂ ਤੋਂ ਆਪਣੇ ਪੇਕਾ-ਸਹੁਰਾ ਪ੍ਰੀਵਾਰ, ਅਧਿਆਪਕ ਦੇ ਰੂਪ ਵਿੱਚ ਉੱਨ੍ਹਾਂ ਦੀ ਜ਼ਿੰਦਗੀ ਰੁਸ਼ਨਾਉਣ ਵਾਲੇ ਸਮੂਹ ਗੁਰੂ ਸਾਹਿਬਾਨਾਂ ਦਾ, ਦੁਖ-ਸੁਖ ਵਿੱਚ ਸਾਥ ਦੇਣ ਵਾਲੇ ਰਿਸ਼ਤੇਦਾਰਾਂ, ਕੁਲੀਗਜ਼, ਪੱਤਰਕਾਰ- ਭਾਈਚਾਰੇ, ਪਿਆਰੇ ਵਿਦਿਆਰਥੀਆਂ/ਖਿਡਾਰੀਆਂ ਅਤੇ ਇਲਾਕਾ ਨਿਵਾਸੀਆਂ ਦਾ ਤਹਿਦਿਲੋਂ ਧੰਨਵਾਦ ਕੀਤਾ।