Manpreet Singh
ਗੁਰੂਹਰਸਹਾਏ, 11 ਅਪ੍ਰੈਲ (ਪੰਜਾਬ ਦਾ ਖਾਲਸਾ)- ਹਲਕਾ ਗੁਰੂਹਰਸਹਾਏ ਤੋਂ ਵਿਧਾਇਕ ਫੋਜਾਂ ਸਿੰਘ ਸਰਾਰੀ ਦੀ ਧਰਮਪਤਨੀ ਬੀਬਾ ਚਰਨਜੀਤ ਕੌਰ ਨੇ ਹਲਕੇ ਦੇ ਪਿੰਡ ਸੁਤੰਤਰ ਨਗਰ ਵਿਖੇ ਸਰਪੰਚ ਕੁਲਵੰਤ ਸਿੰਘ ਅਤੇ ਮੈਂਬਰਾਂ ਨਾਲ ਕੀਤੀ ਅਹਿਮ ਮੀਟਿੰਗ ਇਸ ਮੌਕੇ ਵਰਕਰਾਂ ਅਤੇ ਪਿੰਡ ਵਾਸੀਆਂ ਨਾਲ ਮੀਟਿੰਗ ਕਰਕੇ ਸਰਪੰਚ ਕੁਲਵੰਤ ਸਿੰਘ ਅਤੇ ਮੈਂਬਰਾਂ ਦਾ ਰਲੇਵਾਂ ਕਰਵਾਇਆ ਗਿਆ। ਤਕਰੀਬਨ ਕੁੱਝ ਮਹੀਨੇ ਪਹਿਲਾਂ ਹੋਈਆਂ ਪਚਾਇਤੀ ਚੋਣਾਂ ਵਿੱਚ ਕਈ ਪਿੰਡਾਂ ਵਿੱਚ ਵੱਖ ਵੱਖ ਪਿੰਡਾਂ ਅੰਦਰ ਸਰਪੰਚੀ ਅਤੇ ਪੰਚਾਂ ਦੀ ਚੋਣ ਲੜੀ ਅਤੇ ਕਈ ਉਮੀਦਵਾਰਾਂ ਨੇ ਜਿੱਤ ਪ੍ਰਾਪਤ ਕੀਤੀ ਅਤੇ ਕਈ ਪਿੰਡਾਂ ਅੰਦਰ ਵੱਖੋ ਵੱਖ ਧੜੇ ਵੀ ਬਣੇ ਅਤੇ ਕਈ ਪਿੰਡਾਂ ਅੰਦਰ ਧੜੇ ਬੰਦੀ ਹੋਣ ਕਾਰਨ ਪਿੰਡਾਂ ਅੰਦਰ ਵਿਕਾਸ ਕਾਰਜਾਂ ’ਚ ਕਮੀਂ ਆਈ ਹੈ । ਇਸੇ ਤਹਿਤ ਵਿਧਾਇਕ ਫੋਜਾਂ ਸਿੰਘ ਸਰਾਰੀ ਦੀ ਸੋਚ ਸਦਕਾ ਅੱਜ ਪਿੰਡ ਸੁਤੰਤਰ ਨਗਰ ਵਿਖੇ ਬੀਬਾ ਚਰਨਜੀਤ ਕੌਰ ਨੇ ਸਰਪੰਚ ਅਤੇ ਮੈਂਬਰਾਂ ਦਾਂ ਆਪਸੀ ਸਮਝੌਤਾ ਕਰਵਾਇਆ ਅਤੇ ਮੋਕੇ ’ਤੇ ਪੰਚਾਇਤ ਸੈਕਟਰੀ ਨੇ ਪਿੰਡ ਦੇ ਵਿਕਾਸ ਕਾਰਜਾਂ ਲਈ ਮਤੇ ਪਾਏ ਅਤੇ ਪਿੰਡ ਅੰਦਰ ਕੰਮਕਾਰ ਕਰਵਾਉਣ ਲਈ ਦਿਸ਼ਾ ਨਿਰਦੇਸ਼ ਵੀ ਦਿੱਤੇ। ਇਸ ਮੌਕੇ ਸਾਰੇ ਪਿੰਡ ਨੇ ਇੱਕ ਮਤ ਹੋ ਕੇ ਏਕੇ ਦਾ ਸਬੂਤ ਦਿੱਤਾ ਅਤੇ ਮੈਡਮ ਚਰਨਜੀਤ ਕੌਰ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਰਪੰਚ ਕੁਲਵੰਤ ਸਿੰਘ, ਮੈਂਬਰ ਅਕਸ਼ੇ ਕੁਮਾਰ, ਮੈਂਬਰ ਚਰਨਜੀਤ, ਮੈਂਬਰ ਕ੍ਰਿਸ਼ਨ ਲਾਲ, ਮੈਂਬਰ ਪਾਲੋ ਰਾਣੀ, ਮੈਂਬਰ ਮਨਜੀਤ ਰਾਣੀ,ਸਾਬਕਾ ਸਰਪੰਚ ਲੱਡੂ, ਸਰਪੰਚ ਰਾਜ ਘੁੱਲਾ, ਗਗਨ ਘੁੱਲਾ ਜੋਗਾ ਸਿੰਘ ਤੋਂ ਇਲਾਵਾ ਪਿੰਡ ਵਾਸੀ ਅਤੇ ਆਮ ਆਦਮੀ ਪਾਰਟੀ ਦੇ ਆਗੂ ਅਤੇ ਵਲੰਟੀਅਰ ਮੌਜੂਦ ਸਨ।
