ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਬਲਾਕ ਬਾਜਾਖਾਨਾ ਨੇ ਕੀਤੀ ਪੁਲਿਸ ਪ੍ਰਸ਼ਾਸਨ ਨਾਲ ਮੀਟਿੰਗ

ਬਾਜਾਖਾਨਾ,31 ਮਾਰਚ ( ਅਵਤਾਰਸਿੰਘ ਮੱਲਾ) ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਰਜਿ 295 ਬਲਾਕ ਬਾਜਾਖਾਨਾ ਵੱਲੋਂ ਬਲਾਕ ਪ੍ਰਧਾਨ ਡਾ ਗੁਰਨਾਇਬ ਸਿੰਘ ਮੱਲਾ ਦੀ ਅਗਵਾਈ ਹੇਠ ਬਾਜਾਖਾਨਾ ਪੁਲਿਸ ਪ੍ਰਸ਼ਾਸਨ  ਨਾਲ ਨਸ਼ਿਆਂ ਨੂੰ ਠੱਲ੍ਹ ਪਾਉਣ ਲਈ ਸਹਿਯੋਗ ਕਰਨ ਲਈ ਮੀਟਿੰਗ ਸਥਾਨਕ ਸ਼ੇਖ਼ ਫ਼ਰੀਦ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਰੱਖੀ ਗਈ। ਇਸ ਮੀਟਿੰਗ ਵਿੱਚ ਬਾਜਾਖਾਨਾ ਥਾਣੇ ਦੇ ਮੁੱਖ ਅਫਸਰ ਇੰਸਪੈਕਟਰ ਬਲਰਾਜ ਸਿੰਘ ਨੇ ਪਹੁੰਚ ਕੇ ਵੱਖ ਵੱਖ ਪਿੰਡਾਂ ਤੋਂ ਡਾਕਟਰ ਸਾਹਿਬਾਨਾਂ ਦਾ ਇਸ ਵਿਸ਼ੇਸ਼ ਉਪਰਾਲੇ ਲਈ ਧੰਨਵਾਦ ਕੀਤਾ। ਇਸ ਮੌਕੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਬਲਾਕ ਪ੍ਰਧਾਨ ਡਾ ਮੱਲਾ ਨੇ ਕਿਹਾ ਕਿ ਉਹਨਾਂ ਦੀ ਜਥੇਬੰਦੀ ਪੰਜਾਬ ਸਰਕਾਰ ਵੱਲੋਂ ਨਸ਼ਿਆਂ ਖ਼ਿਲਾਫ਼ ਵਿੱਢੇ ਹੋਏ ਸੰਘਰਸ਼, ਯੁੱਧ ਨਸ਼ਿਆਂ ਵਿਰੁੱਧ ਦਾ ਪੂਰਨ ਸਮਰਥਨ ਕਰਦੀ ਹੈ ਅਤੇ ਨਸ਼ਿਆਂ ਖ਼ਿਲਾਫ਼ ਵਿੱਢੀ ਮੁਹਿੰਮ ਲਈ ਸਾਡੇ ਡਾਕਟਰ ਸਾਥੀ ਪੁਲਿਸ ਪ੍ਰਸ਼ਾਸਨ ਦੇ ਮੋਢੇ ਨਾਲ ਮੋਢਾ ਜੋੜ ਕੇ ਸਾਥ ਦੇਣਗੇ। ਉਹਨਾਂ ਦੱਸਿਆ ਕਿ ਸਾਡੀ ਜਥੇਬੰਦੀ ਵੱਲੋਂ ਪਹਿਲਾਂ ਵੀ ਪ੍ਰਸ਼ਾਸਨ ਦਾ ਹਮੇਸ਼ਾ ਸਾਥ ਦਿੱਤਾ ਜਾਂਦਾ ਰਿਹਾ ਹੈ ਕਿ ਭਾਵੇਂ ਉਹ ਪਲਸ ਪੋਲੀਓ ਮੁਹਿੰਮ ਹੋਵੇ ਜਾਂ ਫਿਰ ਕਰੋਨਾ ਦਾ ਸਮਾਂ ਹੋਵੇ ਸਾਡੇ ਸਾਥੀ ਪਿੰਡਾਂ ਵਿੱਚ ਜਾ ਜਾ ਕੇ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਪ੍ਰਸ਼ਾਸਨ ਦੇ ਸਾਥ ਲਈ ਹਮੇਸ਼ਾ ਤੱਤਪਰ ਰਹਿੰਦੇ ਹਨ। ਮੀਟਿੰਗ ਲਈ ਪਹੁੰਚੇ ਇੰਸਪੈਕਟਰ ਬਲਰਾਜ ਸਿੰਘ ਨੇ ਡਾਕਟਰ ਸਾਥੀਆਂ ਨੂੰ ਸੰਬੋਧਨ ਕਰਦਿਆਂ ਵਿਸ਼ਵਾਸ ਦਿਵਾਇਆ ਕਿ ਉਹ ਹਮੇਸ਼ਾ ਡਾਕਟਰ ਸਾਥੀਆਂ ਦੇ ਨਾਲ ਹਨ ਅਤੇ ਆਮ ਪਬਲਿਕ ਦੇ ਸਹਿਯੋਗ ਨਾਲ ਹੀ ਇਹ ਨਾਮੁਰਾਦ ਨਸ਼ੇ ਦੀ ਬਿਮਾਰੀ ਤੋਂ ਨਿਜਾਤ ਪਾਈ ਜਾ ਸਕਦੀ ਹੈ।              ਉਹਨਾਂ ਆਮ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਤੁਹਾਡੀ ਨਜ਼ਰ ਵਿੱਚ ਕੋਈ ਵੀ ਨਸ਼ਾ ਕਰਨ ਦਾ ਆਦੀ ਵਿਅਕਤੀ ਹੈ ਤਾਂ ਉਹ ਬੇਝਿਜਕ ਹੋ ਕੇ ਉਹਨਾਂ ਨਾਲ ਸੰਪਰਕ ਕਰ ਸਕਦੇ ਹਨ ਅਤੇ ਮਰੀਜ਼ ਦੇ ਘਰ ਪਰਿਵਾਰ ਦੇ ਮੈਂਬਰਾਂ ਨਾਲ ਸਲਾਹ ਕਰਕੇ ਉਹਨਾਂ ਨੂੰ ਮਿਲਣ ਅਤੇ ਨਸ਼ਿਆਂ ਤੋਂ ਪੀੜਤ ਵਿਅਕਤੀ ਦਾ ਇਲਾਜ ਕਰਵਾਉਣ। ਉਹਨਾਂ ਦੱਸਿਆ ਕਿ ਇਹ ਇਲਾਜ ਬਿਲਕੁਲ ਮੁਫਤ ਹੈ ਅਤੇ ਉਹ ਆਪਣੇ ਲੈਵਲ ਤੇ ਮਰੀਜ਼ ਨੂੰ ਨਸ਼ੇ ਛੁਡਾਉਣ ਲਈ ਭਰਤੀ ਕਰਵਾਉਣਗੇ। ਇਸ ਮੌਕੇ ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਬਲਾਕ ਬਾਜਾਖਾਨਾ ਵੱਲੋਂ ਥਾਣਾ ਬਾਜਾਖਾਨਾ ਮੁਖੀ ਇੰਸਪੈਕਟਰ ਬਲਰਾਜ ਸਿੰਘ ਤੋਂ ਪ੍ਰੈਸ ਵਾਲੇ ਸਾਥੀਆਂ ਨੂੰ ਵੀ ਯਾਦਗਾਰੀ ਚਿੰਨ੍ਹ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਥਾਣਾ ਮੁਖੀ ਬਲਰਾਜ ਸਿੰਘ ਤੋਂ ਇਲਾਵਾ ਡਾ ਗੁਰਨਾਇਬ ਸਿੰਘ ਮੱਲਾ ਬਲਾਕ ਪ੍ਰਧਾਨ ਡਾ ਵੀਰਪਾਲ ਸਿੰਘ ਡੋਡ ਸੀਨੀ ਮੀਤ ਪ੍ਰਧਾਨ ਜਿਲਾ ਫਰੀਦਕੋਟ  ਡਾ ਗੁਰਜੰਟ ਸਿੰਘ ਝੱਖੜਵਾਲਾ ਡਾ ਸੁਖਦੇਵ ਸਿੰਘ ਰੋਮਾਣਾ ਜਰਨਲ ਸਕੱਤਰ ਡਾ ਕਿਰਨ ਡੋਡ ਖਜਾਨਚੀ ਡਾ ਕਸਮੀਰ ਸਿੰਘ ਮੀਤ ਪ੍ਰਧਾਨ ਪੰਜਾਬ ਡਾ ਰਾਕੇਸ ਕੁਮਾਰ ਜਿਲਾ ਕਮੇਟੀ ਫਰੀਦਕੋਟ ਡਾ ਪਵਨ ਡੋਡ  ਡਾ ਕੇਵਲ ਸਿੰਘ ਲੰਭਵਾਲੀ ਡਾ ਨਿਰਮਲ ਸਿੰਘ ਬਾਜਾਖਾਨਾ ਡਾ ਕਰਮ ਸਿੰਘ ਬਾਜਾਖਾਨਾ ਵੈਦ ਜਸਵੰਤ ਸਿੰਘ ਵੈਦ ਰਣਜੀਤ ਸਿੰਘ  ਡਾ ਗਗਨ ਬਾਜਾਖਾਨਾ ਡਾ ਨਿਰਮਲ ਸਿੰਘ ਝੱਖੜਵਾਲਾ ਡਾ ਛਿੰਦਾ ਸਿੰਘ ਝੱਖੜਵਾਲਾ ਡਾ ਕਰਮਜੀਤ ਸਿੰਘ ਝੱਖੜਵਾਲਾ ਡਾ ਬਿੱਟੂ ਝੱਖੜਵਾਲਾ ਡਾ ਰਵੀ ਝੱਖੜਵਾਲਾ ਡਾ ਹਰਦੀਪ ਸਿੰਘ ਝੱਖੜਵਾਲਾ ਡਾ ਮਨਦੀਪ ਸਿੰਘ ਮੱਲਾ ਡਾ ਜਗਦੇਵ ਸਿੰਘ ਮੱਲਾ ਡਾ ਮਨਮੋਹਨ ਸਿੰਘ ਰਾਊਵਾਲਾ ਡਾ ਗੁਰਸੇਵਕ ਸਿੰਘ ਦਬੜੀਖਾਨਾ,ਡਾ ਸੋਹਣ ਲਾਲ  ਰੋਮਾਣਾ ਡਾ ਇਤਬਾਰ ਸਿੰਘ ਰੋਮਾਣਾ, ਡਾ ਗੁਰਪ੍ਰੀਤ ਸਿੰਘ ਰੋਮਾਣਾ, ਡਾ ਮਨਪ੍ਰੀਤ ਸਿੰਘ ਰੋਮਾਣਾ, ਡਾ ਗੁਰਨੈਬ ਸਿੰਘ ਘਣੀਆ,  ਡਾ ਸਤਨਾਮ ਸਿੰਘ ਬਲਾਕ ਬਗਰਾੜੀ ਪ੍ਰਧਾਨ ਡਾ ਵੀਰਪਾਲ ਸਿੰਘ ਗੋਦਾਰਾ ਡਾ ਕੁਲਵਿੰਦਰ ਸਿੰਘ ਅਤੇ ਡਾ ਪ੍ਰਿੰਸ ਕੁਮਾਰ ਗਰਗ ਹਾਰਟ ਸਪੈਸਲਿਸਟ ਬਠਿੰਡਾ ਅਤੇ ਪੀ ਆਰ ਓ ਵਰਿਆਮ ਸਿੰਘ ਆਦਿ ਹਾਜਰ ਰਹੇ।