ਕਾਰ-ਬਾਈਕ ਦੀ ਟੱਕਰ ’ਚ ਔਰਤ ਸਮੇਤ ਦੋ ਜ਼ਖਮੀ-ਪਿੰਡ ਲੁਹਾਰਾ ਮੰਦਰ ਨੇੜੇ ਹੋਇਆ ਹਾਦਸਾ

ਦੋਦਾ, ਸ਼੍ਰੀ ਮੁਕਤਸਰ ਸਾਹਿਬ, 19 ਅਗਸਤ ()- ਪਿੰਡ ਲੁਹਾਰਾ ਨੇੜੇ ਸ਼੍ਰੀ ਮੁਕਤਸਰ-ਬਠਿੰਡਾ ਰੋਡ ’ਤੇ ਕਾਲੀ ਮਾਤਾ ਦੇ ਮੰਦਰ ਨੇੜੇ ਇੱਕ ਕਾਰ ਨੰਬਰ ਐੱਚਆਰ 29 ਏਐਲ 4646 ਅਤੇ ਦੋ ਮੋਟਰਸਾਈਕਲ ਸਵਾਰ ਮੋਟਰਸਾਈਕਲ ਨੰਬਰ ਪੀਬੀ 31 ਐੱਫ 8696 ’ਤੇ ਬਠਿੰਡਾ ਵੱਲ ਜਾ ਰਹੇ ਸੀ ਤਾਂ ਅਚਾਨਕ ਇਨਾਂ ਦੀ ਆਪਸ ਵਿੱਚ ਟੱਕਰ ਹੋ ਗਈ, ਜਿਸ ਵਿੱਚ ਮੋਟਰਸਾਈਕਲ ਸਵਾਰ ਔਰਤ ਸਮੇਤ ਦੋ ਲੋਕ ਜਖਮੀਂ ਹੋ ਗਏ। ਇਸ ਘਟਨਾ ਦਾ ਪਤਾ ਲਗਦਿਆਂ ਮੌਕੇ ’ਤੇ ਪਹੁੰਚੀ ਸੜਕ ਸੁਰੱਖਿਆ ਫੋਰਸ ਦੀ ਟੀਮ ਨੇ ਜ਼ਖਮੀ ਹੋਏ ਬਿੰਦਰ ਸਿੰਘ ਪੁੱਤਰ ਗੁਰਜੰਟ ਸਿੰਘ ਵਾਸੀ ਗਿਲਜੇਵਾਲਾ ਅਤੇ ਸਰਬਜੀਤ ਕੌਰ ਪਤਨੀ ਪਾਲ ਸਿੰਘ ਵਾਸੀ ਪਿੰਡ ਸੋਥਾ ਨੂੰ ਪ੍ਰਾਈਵੇਟ ਵਹੀਕਲ ਦੀ ਮਦਦ ਨਾਲ ਸਿਵਲ ਹਸਪਤਾਲ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਦਾਖਲ ਕਰਵਾਇਆ, ਜਦ ਕਿ ਕਾਰ ਚਾਲਕ ਬਲਦੇਵ ਸਿੰਘ ਪੁੱਤਰ ਬੂਟਾ ਸਿੰਘ ਪਿੰਡ ਭਲਾਈਆਣਾ ਦਾ ਦੱਸਿਆ ਜਾ ਰਿਹਾ। ਇਸ ਮਾਮਲੇ ਵਿੱਚ ਹਾਦਸਾ ਗ੍ਰਸਤ ਵਹੀਕਲ ਕਬਜੇ ਵਿਚ ਲੈਕੇ ਦੋਦਾ ਚੌਕੀ ਪੁਲਿਸ ਨੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।