ਰਿਜਨਲ ਟਰਾਂਸਪੋਰਟ ਦਫਤਰ ਫਿਰੋਜ਼ਪੁਰ ਦੇ ਚਾਰਦੀਵਾਰੀ ਤੇ ਲੱਗੀਆਂ ਦੋ ਲੋਹੇ ਦੀਆਂ ਗਰਿੱਲਾਂ ਹੋਈਆਂ ਗਾਇਬ।

ਫਿਰੋਜ਼ਪੁਰ 4 ਅਪ੍ਰੈਲ (ਅਸ਼ੋਕ ਭਾਰਦਵਾਜ) ਚੋਰੀ ਤੇ ਲੁੱਟ ਖੋਹਾਂ ਦੀਆਂ ਵਾਰਦਾਤਾਂ ਨਾਲ ਪੂਰਾ ਫਿਰੋਜ਼ਪੁਰ ਹੀ ਦਹਿਲਿਆ ਪਿਆ ਹੈ ਫਿਰੋਜ਼ਪੁਰ ਸ਼ਹਿਰ ਦਾ ਹਰ ਵਾਸੀ ਇਹਨਾਂ ਵਾਰਦਾਤਾ ਤੋ ਤੋਬਾ ਤੋਬਾ ਕਰ ਰਿਹਾ ਹੈ। ਇਹ ਵਾਰਦਾਤਾਂ ਰੁਕਣ ਦਾ ਨਾਮ ਹੀ ਨਹੀ ਲੈ ਰਹੀਆਂ ਆਏ ਦਿਨ ਕੋਈ ਨਾ ਕੋਈ ਵਾਰਦਾਤ ਇਥੇ ਅਕਸਰ ਦੇਖਣ ਨੂੰ ਮਿਲਦੀ ਹੈ ਤੇ ਇਥੋ ਦਾ ਸਿਵਲ ਤੇ ਪੁਲਿਸ ਪ੍ਰਸ਼ਾਸ਼ਨ ਸੋ ਰਿਹਾ ਹੈ ਕੁੰਭਕਰਨੀ। ਇਕੱਤਰ ਕੀਤੀ ਜਾਣਕਾਰੀ ਮੁਤਾਬਕ ਰਿਜਨਲ ਟਰਾਂਸਪੋਰਟ ਦਫਤਰ ਫਿਰੋਜ਼ਪੁਰ ਦੀ ਚਾਰਦੀਵਾਰੀ ਤੇ ਲੋਹੇ ਦੀਆਂ ਗਰੀਲਾਂ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮੀਡੀਆ ਨਾਲ ਗੱਲਬਾਤ ਕਰਦਿਆ ਇਸ ਦਫਤਰ ਦੇ ਕਰਮਚਾਰੀਆਂ ਨੇ ਦੱਸਿਆ ਕਿ ਦਫਤਰ ਦੇ ਕਰਮਚਾਰੀ ਵਲੋ ਚਾਰਦੀਵਾਰੀ ਦੇ ਆਸੇ ਪਾਸੇ ਖੜੇ ਘਾਹ ਨੂੰ ਸਾਫ ਕੀਤਾ ਜਾ ਰਿਹਾ ਸੀ ਤਾਂ ਅਚਾਨਕ ਚਾਰਦੀਵਾਰੀ ਤੇ ਲੱਗੀਆਂ ਲੋਹੇ ਦੀਆਂ ਦੋ ਗਰਿੱਲਾਂ ਉਤਰੀਆਂ ਹੋਈਆਂ ਦਿਖਾਈ ਦਿੱਤੀਆਂ ਜਿਸ ਦੀ ਜਾਣਕਾਰੀ ਦਫਤਰੀ ਅਮਲੇ ਦੇ ਉੱਚ ਅਧਿਕਾਰੀਆਂ ਨੂੰ ਦੇ ਦਿੱਤੀ ਗਈ ਹੈ।