ਹਲਕਾ ਸਾਹਨੇਵਾਲ ਦੇ ਕਈ ਪਿੰਡਾਂ ਦੇ ਵਿੱਚ ਹੋ ਰਹੀ ਰਾਤ ਨੂੰ ਨਜਾਇਜ਼ ਮਾਈਨਿੰਗ

ਮਾਛੀਵਾੜਾ ਸਾਹਿਬ 3 ਅਪ੍ਰੈਲ (ਸੁੱਚਾ ਬੰਗੜ )  ਹਲਕਾ ਸਾਹਨੇਵਾਲ ਦੇ ਕਈ ਪਿੰਡਾਂ ਵਿੱਚ ਮਿੱਟੀ ਦੇ ਨਾਮ ਤੇ ਰੇਤੇ ਦੀ ਹੋ ਰਹੀ ਹੈ ਨਜਾਇਜ਼ ਮਾਈਨਿੰਗ ਮਾਨਯੋਗ ਮੁੱਖ ਮੰਤਰੀ ਸਰਦਾਰ ਭਗਵੰਤ ਸਿੰਘ ਮਾਨ ਨੇ ਮੁੱਖ ਮੰਤਰੀ ਬਣਦੇ ਹੋਏ ਇੱਕ ਸੋਂਹ ਚੱਕੀ ਸੀ ਕਿ ਨਜਾਇਜ਼ ਮਾਇਨਿੰਗ ਨੂੰ ਕਾਬੂ ਕੀਤਾ ਜਾਵੇਗਾ ਪਰ ਹਲਕੇ ਵਿੱਚ ਰਾਤ ਨੂੰ ਕਰੀਬ ਨੌ ਵਜੇ ਦੇ ਕਰੀਬ ਟਰੈਕਟਰ ਟਰਾਲੀਆਂ ਟਿੱਪਰ ਆਉਣੇ ਸ਼ੁਰੂ ਹੋ ਜਾਂਦੇ ਹਨ  ਜੋ ਕਿ ਆਮ ਲੋਕਾਂ ਨੂੰ ਬਹੁਤ  ਪਰੇਸ਼ਾਨੀ ਦਾ ਕਾਰਨ ਬਣਦੇ ਹਨ  ਕਿਸੇ ਨੂੰ ਹੋਰਨ ਵਜਾਉਂਦੇ ਹੋਏ ਜਾਂ ਕੋਈ ਐਮਰਜੈਂਸੀ ਹੁੰਦੇ ਹੋਏ ਵੀ ਸਾਈਡ ਨਹੀਂ ਦੇ ਰਹੇ  ਇੱਥੇ ਦਸ ਦਈਏ ਕਿ ਪਿੰਡ ਚੋਂਤਾ ਢੋਲਣਵਾਲ ਬੋੜੇ ਬੋਂਕੜ ਗੁਜਰਾਂ ਧਨਾਨਸੂ ਆਦਿ ਪਿੰਡਾਂ ਵਿੱਚ ਪੀ ਸੀ ਆਰ ਪੁਲਿਸ ਗਸ਼ਤ ਵੀ ਕਰ ਰਹੀ ਹੁੰਦੀ ਹੈ  ਇਸੇ ਤਰ੍ਹਾਂ ਹਾਦੀਵਾਲ ਮੰਡ ,ਮੰਡ ਚੌਂਤਾ ਬੌਂਕੜ ਗੁਜਰਾਂ ਧਨਾਨਸੂ ਭੂਖੜੀ ਦੇ ਵਿੱਚ ਹੁੰਦੀ ਹੈ  ਰਾਤ ਨੂੰ ਨਜਾਇਜ਼ ਮਾਈਨਿੰਗ ਇਹ ਕਿਸ ਦੀ ਸ਼ਹਿ ਤੇ ਹੁੰਦੀ ਹੈ  ਕੀ ਮਾਈਨਿੰਗ ਵਿਭਾਗ ਦੇ ਅਧਿਕਾਰੀਆਂ ਦਾ ਇਸ ਵੱਲ ਕੋਈ ਧਿਆਨ ਨਹੀਂ ਹੈ ਕੁਝ ਪਿੰਡਾਂ ਦੇ ਲੋਕਾਂ ਨੇ ਕਿਹਾ ਕਿ ਰਾਤ ਨੂੰ ਰੇਤ ਮਾਫੀਆ ਸਰਗਰਮ ਹੁੰਦਾ ਹੈ  ਪਿੰਡਾਂ ਦੇ ਲੋਕਾਂ ਕਿਹਾ ਕਿ ਜੋ ਮੱਤੇਵਾੜਾ ਰਾਹੋਂ ਸੜਕ ਬਣੀ ਹੈ  ਉਸ ਨੂੰ ਅਜੇ ਛੇ ਮਹੀਨੇ ਹੋਏ ਹਨ ਉਹ ਟੁੱਟਣ ਵੀ ਲੱਗ ਗਈ  ਜੋ ਖੱਡਾਂ ਇੱਕ ਨੰਬਰ ਵਿੱਚ ਚੱਲ ਰਹੀਆਂ ਹਨ  ਉਹ ਸਰਕਾਰ ਦਾ ਖਜ਼ਾਨਾ ਭਰ ਰਹੀਆਂ ਹਨ  ਪਰ ਜੋ ਖੱਡਾਂ ਦੋ ਨੰਬਰ ਵਿੱਚ ਚੱਲ ਰਹੀਆਂ ਹਨ  ਇਹ ਸਰਕਾਰ ਨੂੰ ਚੂਨਾ ਲਗਾ ਰਹੀਆਂ ਹਨ ਹੁਣ ਦੇਖਦੇ ਹਾਂ ਕਿ  ਸਬੰਧਤ ਅਧਿਕਾਰੀ ਮਾਈਨਿੰਗ ਵਿਭਾਗ ਪੁਲਿਸ ਇਸ ਵੱਲ ਧਿਆਨ ਦੇਣਗੇ।ਕੀ ਕਹਿਣਾ ਐਸ ਐਚ ਓ ਥਾਣਾ ਮੇਹਰਬਾਨ ਤੋਂ ਥਾਣਾ ਮੇਹਰਬਾਨ ਤੋਂ ਐਸ ਐਚ ਓ ਸਾਹਿਬ ਨੇ ਕਿਹਾ ਕਿ ਜੇ ਮੇਰੇ ਥਾਣੇ ਵਿੱਚ ਆਉਂਦੇ ਇਲਾਕੇ ਵਿੱਚ ਰੇਤ ਜਾਂ ਮਿੱਟੀ ਦੀ ਨਜਾਇਜ਼ ਮਾਈਨਿੰਗ ਕਰਦੇ ਹਨ ਉਨ੍ਹਾਂ ਲੋਕਾਂ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇਗੀ।ਜਦੋਂ ਮਾਈਨਿੰਗ ਵਿਭਾਗ ਦੇ ਅਫਸਰ ਐਸ ਡੀ ਓ ਸਾਹਿਬ ਨਾਲ ਉਨ੍ਹਾਂ ਦੇ ਫੋਨ ਤੇ ਗੱਲ ਕਰਨੀ ਚਾਹੀ ਤਾਂ ਉਹਨਾਂ ਨੇ ਫੋਨ ਨਹੀਂ ਚੱਕਿਆ।