ਹੈਰੋਇਨ ਨਸ਼ੇ ਦਾ ਸੇਵਨ ਕਰਨ ਵਾਲੇ ਤਿੰਨ ਨੌਜਵਾਨ ਕਾਬੂ, ਕੇਸ ਦਰਜ 

 ਭੁਲੱਥ 12 ਅਪ੍ਰੈਲ ( ਕੰਨੂੰ ਭੁਲੱਥ) ਥਾਣਾ ਭੁਲੱਥ ਪੁਲਿਸ ਵੱਲੋਂ ਤਿੰਨ ਨੌਜਵਾਨਾਂ ਨੂੰ ਸ਼ਰੇਆਮ ਹੈਰੋਇਨ ਨਸ਼ੇ ਦਾ ਸੇਵਨ ਕਰਦੇ ਹੋਏ ਕਾਬੂ ਕਰਨ ‘ਚ ਸਫਲਤਾ ਹੱਥ ਲੱਗੀ, ਥਾਣਾ ਮੁਖੀ ਭੁਲੱਥ ਐਸ ਐਚ ਓ ਬਿਕਰਮਜੀਤ ਸਿੰਘ ਚੌਹਾਨ ਨੇ ਦੱਸਿਆ, ਕਿ ਨਸ਼ਾ ਵਿਰੋਧੀ ਮੁਹਿੰਮ ਤੇ ਮਾੜੇ ਅਨਸਰ  ਖਿਲਾਫ ਚਲਾਈ ਮੁਹਿੰਮ ਤਹਿਤ, ਬੀਤੀ ਸ਼ਾਮ  ਜਦੋਂ ਗਸ਼ਤ ਦੇ ਦੌਰਾਨ ਏ ਐਸ ਆਈ ਰਕੇਸ਼ ਕੁਮਾਰ  ਪੁਲਿਸ ਪਾਰਟੀ ਸਮੇਤ ਖਸੱਣ ਰੋਡ ‘ਤੇ ਜਾ ਰਹੇ ਸਨ , ਤਾਂ ਇਤਲਾਹ ਮਿਲੀ ਕਿ ਖਸੱਣ ਰੋਡ ‘ਤੇ ਨਜ਼ਦੀਕ ਸ਼ਮਸ਼ਾਨ ਘਾਟ ਸਰਕਾਰੀ ਟਿਊਬਵੈਲ ਵਾਲੇ ਕਮਰੇ ਦੇ ਪਿੱਛੇ ਤਿੰਨ ਨੌਜਵਾਨ ਸ਼ਰੇਆਮ ਹੈਰੋਇਨ ਨਸ਼ੇ ਦਾ ਸੇਵਨ ਕਰ ਰਹੇ ਹਨ, ਜਦੋਂ ਪੁਲਿਸ ਕਰਮਚਾਰੀਆਂ ਵੱਲੋਂ ਦੱਸੀ ਹੋਈ ਜਗ੍ਹਾ ਤੇ ਰੇਡ ਕੀਤਾ ਗਿਆ, ਤਾਂ  ਤਿੰਨ ਨੌਜਵਾਨ ਸ਼ਰੇਆਮ ਹੈਰੋਇਨ ਨਸ਼ੇ ਦਾ ਸੇਵਨ ਕਰ ਰਹੇ ਸਨ, ਜੋ ਪੁਲਿਸ ਕਰਮਚਾਰੀਆਂ ਨੂੰ ਦੇਖ ਕੇ ਘਬਰਾ ਗਏ, ਤੇ ਭੱਜਣ ਦੀ ਕੋਸ਼ਿਸ਼ ਕਰਨ ਲੱਗੇ ,ਜਿਨ੍ਹਾਂ ਨੂੰ ਪੁਲਿਸ ਕਰਮਚਾਰੀਆਂ ਵੱਲੋਂ  ਕਾਬੂ ਕਰਕੇ ਨਾਂਅ ਪਤਾ ਪੁੱਛਿਆ, ਜਿਨ੍ਹਾਂ ਨੇ ਆਪਣਾ ਨਾਂਅ ਲੱਕੀ ਪੁੱਤਰ ਜਗਦੀਸ਼ ਲਾਲ ਵਾਸੀ ਗਲੀ ਨੰਬਰ 15 ਸੰਗਤ ਸਿੰਘ ਨਗਰ ਥਾਣਾ ਜਲੰਧਰ ਡਵੀਜ਼ਨ ਨੰਬਰ ਦੋ ਤੇ ਮਨਦੀਪ ਕੁਮਾਰ ਪੁੱਤਰ ਜੋਗਿੰਦਰ ਪਾਲ ਵਾਸੀ ਮਹੱਲਾ ਰਿਸ਼ੀ ਨਗਰ ਅਲਾਵਲਪੁਰ ਥਾਣਾ ਆਦਮਪੁਰ ਜਲੰਧਰ ਦਿਹਾਤੀ ਤੇ ਤੀਜੇ ਨੇ ਆਪਣਾ ਨਾਂਅ ਅਮਿਤ ਪੁੱਤਰ ਕਸ਼ਮੀਰ ਗੱਲ ਵਾਸੀ ਚੁਗਿਟੀ ਵਾਲਮੀਕੀ ਮਹਲਾ ਥਾਣਾ ਰਾਮਾ ਮੰਡੀ ਜਲੰਧਰ ਦੱਸਿਆ, ਜੋ ਸ਼ਰੇਆਮ ਹੇਰੈਇਨ ਨਸ਼ੇ ਦਾ ਸੇਵਨ ਕਰ ਰਹੇ ਸਨ, ਜਿਨ੍ਹਾਂ ਪਾਸੋਂ ਸਿਲਵਰ ਪੰਨੀ ਤੇ 10 ਰੁਪਏ ਦਾ ਨੋਟ, ਇੱਕ ਲੈਟਰ ਬਰਾਮਦ ਕਰਕੇ ਕੇਸ ਦਰਜ ਕੀਤਾ ਗਿਆ