ਮਨਸੀਰਤ ਕੌਰ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ

ਸ੍ਰੀ ਮੁਕਤਸਰ ਸਾਹਿਬ ,29 ਮਾਰਚ (  ਪਰਗਟ ਸਿੰਘ ਰਹੂੜਿਆਂਵਾਲੀ )

ਜ਼ਿਲ੍ਹੇ ਅਧੀਨ ਆਉਂਦੇ ਪਿੰਡ ਧੌਲਾ ਕਿੰਗਰਾ ਦੇ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਦਾ ਨਤੀਜਾ ਬਹੁਤ ਹੀ ਸ਼ਾਨਦਾਰ ਰਿਹਾ।  ਇਸ ਸਕੂਲ ਦੀ ਤੀਜੀ ਕਲਾਸ ਦੀ ਵਿਦਿਆਰਥਣ ਮਨਸੀਰਤ ਕੌਰ ਸਪੁੱਤਰੀ ਜਸਕਰਨ ਸਿੰਘ ਧੌਲਾ ਨੇ ਪੇਪਰਾਂ ਵਿੱਚੋਂ 400 ਚੋਂ 395 ਅੰਕ ਹਾਸਲ ਕਰਕੇ ਕਲਾਸ ‘ਚੋਂ ਪਹਿਲਾ ਸਥਾਨ ਹਾਸਿਲ ਕੀਤਾ ਹੈ।

ਮਨਸੀਰਤ ਕੌਰ ਦੇ ਪਿਤਾ ਜਸਕਰਨ ਸਿੰਘ ਧੌਲਾ ਜੋ ਕਿ ਭਾਜਪਾ ਦੇ ਆਗੂ ਹਨ ਉਨ੍ਹਾਂ ਆਖਿਆ ਕਿ ਉਸਦੀ ਬੱਚੀ ਦੇ ਪਹਿਲੇ ਸਥਾਨ ਤੇ ਆਉਣ ਦਾ ਕਾਰਨ ਉਸਦੀ ਮਿਹਨਤ ਦੇ ਨਾਲ ਨਾਲ ਸਕੂਲ ਦੇ ਪ੍ਰਿੰੰਸੀਪਲ ਸੰਤਪਾਲ ਸਿੰਘ, ਕਲਾਸ ਇੰਚਾਰਜ ਨਾਹਰ ਸਿੰਘ, ਮੈਡਮ ਸੁਗੰਦਾ, ਮੈਡਮ ਰੁਪਿੰਦਰ ਕੌਰ ਤੇ ਮੈਡਮ ਸਵਿਤਾ ਜੀ ਦੇ ਵਧੀਆ ਮਾਰਗਦਰਸ਼ਨ ਤੇ ਹਰੇਕ ਬੱਚੇ ਵੱਲ ਵਿਸ਼ੇਸ਼ ਧਿਆਨ ਦੇਣ ਦਾ ਨਤੀਜਾ ਹੈ।

ਜਸਕਰਨ ਸਿੰਘ ਧੌਲਾ ਨੇ ਸਕੂਲ ਦੇ ਸਟਾਫ਼ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਪਿੰਡ ਧੌਲਾ ਬਹੁਤ ਹੀ ਖੁਸ਼ਕਿਸਮਤ ਹੈ ਕਿ ਉਨ੍ਹਾਂ ਦੇ ਬੱਚਿਆਂ ਦੀ ਅਗਵਾਈ ਕਰਨ ਲਈ ਉਨ੍ਹਾਂ ਨੂੰ ਬਹੁਤ ਯੋਗ ਅਤੇ ਮਿਹਨਤੀ ਸਟਾਫ਼ ਮਿਲਿਆ ਹੈ।