ਮਾਤਾ ਦੇ ਨਵਰਾਤਿਆਂ ਨੂੰ ਲੈ ਕੇ ਤਪਾ- ਭਦੌੜ ਵਾਲਿਆਂ ਵੱਲੋਂ ਲਗਾਇਆ ਪੰਜਵਾਂ ਵਿਸ਼ਾਲ ਲੰਗਰ   

ਤਪਾ ਮੰਡੀ 13 ਅਗਸਤ (ਗੋਲਡੀ ਵਿਆਸ) ਸਾਉਣ ਮਹੀਨੇ ਦੇ ਨਵਰਾਤਿਆਂ ਨੂੰ ਲੈ ਕੇ ਤਪਾ -ਭਦੋੜ ਵਾਲਿਆਂ ਦਾ ਪੰਜਵਾਂ ਵਿਸ਼ਾਲ ਲੰਗਰ ਜੋ ਕਿ 13 ਅਗਸਤ ਤੋਂ 20 ਅਗਸਤ ਤੱਕ ਲਗਾਇਆ ਜਾ ਰਿਹਾ ਹੈ ਜਿਸ ਦੀ ਸ਼ੁਰੂਆਤ ਰੋਪੜ ਦੇ ਐਸਡੀਐਮ ਜਸਪ੍ਰੀਤ ਸਿੰਘ ਵੱਲੋਂ ਕੀਤੀ ਗਈ । ਇਸ ਮੌਕੇ ਗਰਗ ਪਰਿਵਾਰ ਦੇ ਅਸ਼ੋਕ ਕੁਮਾਰ ਭੂਤ ਪ੍ਰਧਾਨ ਤਪਾ ਧਰਮਸ਼ਾਲਾ ਹਰਿਦੁਆਰ , ਸੈਲਰ ਐਸੋਸੀਏਸ਼ਨ ਦੇ ਪ੍ਰਧਾਨ ਸੰਜੀਵ ਕੁਮਾਰ ਟਾਂਡਾ ਅਤੇ ਸੰਜੇ ਭੂਤ ਟਿੰਡੋ ਵੱਲੋਂ ਵਿਧੀ ਵਿਧਾਨ ਨਾਲ ਪੂਜਾ ਅਰਚਨਾ ਕਰਵਾਈ ਗਈ। ਇਸ ਮੌਕੇ ਮੁੱਖ ਮਹਿਮਾਨ ਐਸਡੀਐਮ ਜਸਪ੍ਰੀਤ ਸਿੰਘ ਨੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਹੋਇਆਂ ਲੰਗਰ ਦੇ ਪ੍ਰਬੰਧਕਾਂ ਨੂੰ ਵਧਾਈ ਦਿੰਦਿਆ ਕਿਹਾ ਕਿ ਸਾਉਣ ਮਹੀਨੇ ਦੇ ਮਾਤਾ ਨੈਣਾ ਦੇਵੀ ਦੇ ਨਵਰਾਤੇ ਚੱਲ ਰਹੇ ਹਨ ਜਿਸ ਕਾਰਨ ਆਉਂਦੀ ਜਾਂਦੀ ਸੰਗਤ ਲਈ ਵਿਸ਼ਾਲ ਲੰਗਰ ਦਾ ਪ੍ਰਬੰਧ ਕੀਤਾ ਗਿਆ ਹੈ ਜੋ ਕਿ ਬਹੁਤ ਹੀ ਸ਼ਲਾਘਾਯੋਗ ਕਦਮ ਹੈ। ਉਹਨਾਂ ਸੰਗਤਾਂ ਨੂੰ ਅਪੀਲ ਕੀਤੀ ਕਿ ਸਮਾਜ ਸੇਵੀ ਕੰਮਾਂ ਵਿੱਚ ਵੱਧ ਚੜ ਕੇ ਹਿੱਸਾ ਲੈਣਾ ਚਾਹੀਦਾ ਹੈ ਅਤੇ ਲੋੜਵੰਦਾਂ ਦੀ ਸੇਵਾ ਕਰਨਾ ਹੀ ਅਹਿਮ ਮੰਨਿਆ ਗਿਆ ਹੈ ਉਹਨਾਂ ਕਿਹਾ ਕਿ ਪ੍ਰਬੰਧਕਾਂ ਨੂੰ ਜਿਸ ਵੀ ਤਰ੍ਹਾਂ ਦਾ ਸਹਿਯੋਗ ਚਾਹੀਦਾ ਉਹ ਦਿੱਤਾ ਜਾਵੇਗਾ ਇਸ ਮੌਕੇ ਅਸ਼ੋਕ ਕੁਮਾਰ ਭੂਤ ਨੇ ਕਿਹਾ ਕਿ ਮਾਤਾ ਦੇ ਸਾਉਣ ਦੇ ਨਰਾਤਿਆਂ ਨੂੰ ਮੱਦੇ ਨਜ਼ਰ ਰੱਖਦਿਆਂ ਹੋਇਆਂ ਪੰਜਵਾਂ ਵਿਸ਼ਾਲ ਲੰਗਰ 13 ਅਗਸਤ ਤੋਂ 20 ਅਗਸਤ ਤੱਕ ਰੋਪੜ ਆਨੰਦਪੁਰ ਮੇਨ ਰੋਡ ਤੇ ਨਿਰਵਿਘਨ ਚਲੇਗਾ ਜਿਸ ਵਿੱਚ ਕੋਈ ਵੀ ਸ਼ਰਧਾਲੂ ਆ ਕੇ ਮਾਤਾ ਰਾਣੀ ਦਾ ਅਸ਼ੀਰਵਾਦ ਪ੍ਰਾਪਤ ਕਰਕੇ ਲੰਗਰ ਦੀ ਸੇਵਾ ਲੈ ਸਕਦਾ ਹੈ । ਉਨਾ ਕਿਹਾ ਕਿ ਇਸ ਲੰਗਰ ਵਿੱਚ ਸੰਜੀਵ ਕੁਮਾਰ ਟਾਂਡਾ, ਮੋਨੂ ਵਰਮਾ ,ਸੰਜੇ ਭੂਤ ,ਰਿਸ਼ੂ ਸਿੰਗਲਾ, ਪੰਡਿਤ ਰਾਮਦਿਆਲ ਸ਼ਰਮਾ ,ਗੌਤਮ ਸਿੰਗਲਾ, ਕੁਲਦੀਪ ਕੁਮਾਰ, ਜਿੰਦਰਪਾਲ ਅਤੇ ਬਿੰਦੀ ਹਲਵਾਈ ਦਾ ਵਿਸ਼ੇਸ਼ ਸਹਿਯੋਗ ਹੈ। ਪ੍ਰਬੰਧਕਾਂ ਵੱਲੋਂ ਅੰਤ ਵਿੱਚ ਐਸਡੀਐਮ ਜਸਪ੍ਰੀਤ ਸਿੰਘ ਦਾ ਧਾਰਮਿਕ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ ਗਿਆ।