ਲਾਰੈਂਸ ਸਕੂਲ, ਸਨਾਵਰ ‘ਚ ਮਿਲਟਰੀ ਲਿਟਰੇਚਰ ਫੈਸਟ ਦਾ ਸ਼ਾਨਦਾਰ ਆਗਾਜ਼

ਅੰਮ੍ਰਿਤਸਰ 4 ਅਪ੍ਰੈਲ(ਦਿਨੇਸ਼ ਸੋਨੀ )ਚੰਡੀਗੜ੍ਹ  ਨੇੜੇ, ਲਾਰੈਂਸ ਸਕੂਲ, ਸਨਾਵਰ ਵਿਖੇ ਦੋ ਦਿਨਾਂ ਮਿਲਟਰੀ ਲਿਟਰੇਚਰ ਫੈਸਟੀਵਲ ਦੀ ਸ਼ੁਰੂਆਤ ਹੋਈ, ਜਿਸ ਵਿੱਚ ਦੇਸ਼ ਭਰ ਤੋਂ ਆਏ ਲੇਖਕਾਂ, ਸਾਬਕਾ ਫੌਜੀ ਅਧਿਕਾਰੀਆਂ, ਇਤਿਹਾਸਕਾਰਾਂ ਅਤੇ ਵਿਦਿਆਰਥੀਆਂ ਨੇ ਭਰਪੂਰ ਹਿੱਸਾ ਲਿਆ। ਮੁੱਖ ਅਧਿਆਪਕ ਹਿੰਮਤ ਸਿੰਘ ਢਿੱਲੋਂ ਨੇ ਸਕੂਲ ਦੀ 178 ਸਾਲ ਪੁਰਾਣੀ ਵਿਰਾਸਤ ਅਤੇ ਫੌਜੀ ਯੋਗਦਾਨ ‘ਤੇ ਰੌਸ਼ਨੀ ਪਾ ਕੇ ਇਸ ਸਾਹਿਤਕ ਉਤਸਵ ਦੀ ਮਹੱਤਾ ਦਰਸਾਈ ਫੈਸਟੀਵਲ ਦੀ ਸ਼ੁਰੂਆਤ ਮਸ਼ਹੂਰ ਲੇਖਿਕਾ ਅਤੇ ਫੌਜੀ ਅਧਿਕਾਰੀ ਦੀ ਪਤਨੀ ਅੰਬਰੀਨ ਜ਼ੈਦੀ ਦੇ ਸ਼ਬਦਾਂ ਨਾਲ ਹੋਈ, ਜਿਨ੍ਹਾਂ ਨੇ ਜੰਗੀ ਵਿਧਵਾਵਾਂ ਅਤੇ ਅਪਾਹਜ ਸੈਨਿਕਾਂ ਦੀਆਂ ਮੁਸ਼ਕਲਾਂ ਨੂੰ ਜ਼ੋਰਦਾਰ ਢੰਗ ਨਾਲ ਸਾਂਝਾ ਕੀਤਾ। ਉਨ੍ਹਾਂ ਨੇ ‘ਵਰਦੀ ਵਿੱਚ ਆਦਮੀ’ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀਆਂ ਕੁਰਬਾਨੀਆਂ ਪ੍ਰਤੀ ਜਾਗਰੂਕਤਾ ਵਧਾਉਣ ਦੀ ਲੋੜ ਉੱਤੇ ਜ਼ੋਰ ਦਿੱਤਾ।ਮੇਜਰ ਪ੍ਰਿਆ ਝਿੰਗਨ ਅਤੇ ਸਕੁਐਡਰਨ ਲੀਡਰ ਫਗੁਨ ਰਿਸ਼ੀ ਵਰਗੀਆਂ ਪ੍ਰੇਰਣਾਦਾਇਕ ਔਰਤਾਂ ਨੇ ਭਾਰਤੀ ਫੌਜ ਵਿੱਚ ਔਰਤਾਂ ਦੀ ਭੂਮਿਕਾ ਤੇ ਉਨ੍ਹਾਂ ਦੇ ਅਣਮੁੱਲ ਯੋਗਦਾਨ ‘ਤੇ ਵਿਚਾਰ ਸਾਂਝੇ ਕੀਤੇ। ਮਹੂਆ ਪਾਲ ਸਿੰਘ, ਬਿਬਨ ਸਿੱਧੂ ਅਤੇ ਰਿੰਡੀ ਸ਼ੇਰਗਿੱਲ ਨੇ ਔਰਤਾਂ ਦੀ ਭਾਗੀਦਾਰੀ ਨੂੰ ਮਜ਼ਬੂਤ ਕਰਨ ਲਈ ਨੀਤੀਆਂ ਅਤੇ ਸਮਾਜਿਕ ਸਹਾਇਤਾ ਦੀ ਅਹਿਮੀਅਤ ਦੱਸਣੀ “ਓਲਡ ਸਨਾਵਰੀਅਨ ਵਾਰ ਹੀਰੋਜ਼” ਸੈਸ਼ਨ ਵਿੱਚ ਬ੍ਰਿਗੇਡੀਅਰ ਪ੍ਰਦੀਪ ਸ਼ਰਮਾ, ਕਰਨਲ ਏਪੀ ਰੰਧਾਵਾ ਅਤੇ ਕੈਪਟਨ ਦਿਲਸ਼ੇਰ ਸਿੰਘ ਰੰਧਾਵਾ ਨੇ ਸਕੂਲ ਦੇ ਵਿਦਿਆਰਥੀਆਂ ਨੂੰ ਰੱਖਿਆ ਬਲਾਂ ਵਿੱਚ ਕਰੀਅਰ ਦੀ ਪ੍ਰੇਰਣਾ ਦਿੱਤੀ ਅੰਤ ਵਿੱਚ, “ਕਲੈਰੀਅਨ ਕਾਲ: ਐਪੀਸੋਡਸ ਆਫ਼ ਬ੍ਰੇਵਰੀ” ਸੈਸ਼ਨ ਵਿੱਚ ਲੈਫਟੀਨੈਂਟ ਜਨਰਲ ਤੇਜਿੰਦਰ ਸਿੰਘ ਸ਼ੇਰਗਿੱਲ ਅਤੇ ਹੋਰ ਸਿਨੀਅਰ ਫੌਜੀ ਅਧਿਕਾਰੀਆਂ ਨੇ ਆਪਣੇ ਤਜਰਬਿਆਂ ਰਾਹੀਂ ਫੌਜੀ ਮੁੱਲਾਂ ਨੂੰ ਉਜਾਗਰ ਕੀਤਾ।ਫੈਸਟੀਵਲ ਦਾ ਦੂਜਾ ਦਿਨ ਬਸੰਤਰ ਮੈਮੋਰੀਅਲ ਇੰਟਰ-ਸਕੂਲ ਭਾਸ਼ਣ ਅਤੇ ਕਵਿਤਾ ਮੁਕਾਬਲਿਆਂ ਨਾਲ ਜਾਰੀ ਰਹੇਗਾ। ਸਮਾਪਨ ਸਮਾਰੋਹ ਦੌਰਾਨ ਲੈਫਟੀਨੈਂਟ ਜਨਰਲ ਮੋਹਿਤ ਵਧਵਾ ਸਕੂਲ ਦੀ ਫੌਜੀ ਵਿਰਾਸਤ ‘ਤੇ ਆਧਾਰਿਤ ਕੌਫੀ ਟੇਬਲ ਕਿਤਾਬ ਦੀ ਸਮੀਖਿਆ ਕਰਨਗੇ।