Manpreet Singh
ਸ਼੍ਰੀ ਮੁਕਤਸਰ ਸਾਹਿਬ 30 ਜੁਲਾਈ ( )- ਸੰਕਲਪ ਐਜੂਕੇਸ਼ਨਲ ਵੈਲਫੇਅਰ ਸੁਸਾਇਟੀ (ਰਜਿ.) ਦੇ ਸੰਸਥਾਪਕ ਪ੍ਰਧਾਨ ਨਰਿੰਦਰ ਸਿੰਘ ਸੰਧੂ ਨੇ ਜਾਣਕਾਰੀ ਦਿੱਤੀ ਕਿ ਬੀਤੇ ਦਿਨੀ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਸ੍ਰੀ ਅੰਮ੍ਰਿਤਸਰ ਸਾਹਿਬ ਦੇ ਸੋਸ਼ਲ ਸਾਇੰਸ (ਸਮੈਸਟਰ ਚੌਥਾ) ਦੇ ਵਿਦਿਆਰਥੀ ਉਦੇਪ੍ਰਤਾਪ ਸਿੰਘ ਬਰਾੜ ਪੁੱਤਰ ਪ੍ਰਤਾਪ ਸਿੰਘ ਬਰਾੜ ਵਾਸੀ ਸੁਖਨਾ ਅਬਲੂ ਦੁਆਰਾ ਆਪਣੀ ਇੰਟਰਨਸ਼ਿਪ ਦੌਰਾਨ ਵਾਤਾਵਰਨ ਦੀ ਸਾਂਭ ਸੰਭਾਲ ਲਈ ਬੂਟੇ ਲਾਏ ਗਏ। ਉਹਨਾਂ ਦੱਸਿਆ ਕਿ ਉਦੇਪ੍ਰਤਾਪ ਸਿੰਘ ਬਰਾੜ ਦੀ ਇਹ ਟ੍ਰੇਨਿੰਗ ਯੂਨੀਵਰਸਿਟੀ ਦੁਆਰਾ ਚਾਰ ਹਫਤੇ ਲਈ ਲਗਾਈ ਗਈ ਹੈ। ਇਸ ਦੌਰਾਨ ਉਦੇਪ੍ਰਤਾਪ ਸਿੰਘ ਬਰਾੜ ਆਪਣੀ ਟ੍ਰੇਨਿੰਗ ਤਨ ਮਨ ਤੇ ਪੂਰੀ ਲਗਨ ਨਾਲ ਕਰ ਰਿਹਾ ਹੈ। ਪ੍ਰਧਾਨ ਸੰਧੂ ਨੇ ਦੱਸਿਆ ਕਿ ਉਹਦੇ ਪ੍ਰਤਾਪ ਸਿੰਘ ਬਰਾੜ ਦੁਆਰਾ ਆਪਣੀ ਇੰਟਰਨਸ਼ਿਪ ਨੂੰ ਲੈ ਕੇ ਆਮ ਲੋਕਾਂ ਤੱਕ ਵਾਤਾਵਰਣ ਦੀ ਸਾਂਭ ਸੰਭਾਲ ਨੂੰ ਲੈ ਕੇ ਮਨੁੱਖੀ ਫਿਤਰਤ ਅਤੇ ਸੁਭਾਅ ਦੀ ਤਬਦੀਲੀ ਬਾਬਤ ਅਹਿਮੀਅਤ ਉਜਾਗਰ ਕਰ ਰਿਹਾ ਹੈ।
