ਉਮਰ ਹੰਢਾ ਚੁੱਕੀ ਬਿਲਡਿੰਗ ਚ ਰਹਿਣ ਲਈ ਮਜਬੂਰ ਬਿਜਲੀ ਬੋਰਡ ਫਿਰੋਜ਼ਪੁਰ ਛਾਉਣੀ ਦਫਤਰ ਦੇ ਕਰਮਚਾਰੀ

ਮੁਲਾਜਮਾਂ ਤੋ ਇਲਾਵਾ ਇਥੇ ਕੰਮ ਕਰਵਾਉਣ ਆਉਣ ਵਾਲਾ ਹਰੇਕ ਖਪਤਕਾਰ ਰਹਿੰਦਾ ਮੋਤ ਦੇ ਸਾਏ ਹੇਠ

ਫਿਰੋਜ਼ਪੁਰ, 27 ਜੂਨ (ਅਸ਼ੋਕ ਭਾਰਦਵਾਜ) ਬਿਜਲੀ ਦਫਤਰ ਫਿਰੋਜ਼ਪੁਰ ਛਾਉਣੀ ਦੀ ਬਿਲਡਿੰਗ ਜੋ ਕਿ ਬਹੁਤ ਦਹਾਕੇ ਪਹਿਲਾਂ ਬਣਾਈ ਗਈ ਹੈ ਇਸ ਬਿਲਡਿੰਗ ਦੇ ਹਾਲਾਤ ਹੁਣ ਇਸ ਕਦਰ ਹੋ ਗਏ ਹਨ ਕਿ ਕਦੇ ਵੀ ਕੋਈ ਜਾਨੀ ਮਾਲੀ ਨੁਕਸਾਨ ਹੋ ਸਕਦਾ ਹੈ। ਜਿਸ ਕਾਰਨ ਇਸ ਬਿਲਡਿੰਗ ਚ ਕੰਮ ਕਰ ਰਹੇ ਮੁਲਾਜਮਾਂ ਤੋ ਇਲਾਵਾ ਇਥੇ ਕੰਮ ਕਰਵਾਉਣ ਵਾਲੇ ਖਪਤਕਾਰ ਮੋਤ ਦੇ ਸਾਏ ਹੇਠ ਜਿੰਦਗੀ ਕੱਟਣ ਲਈ ਮਜਬੂਰ ਹੋ ਗਏ ਹਨ। ਬਿਲਡਿੰਗ ਦੀਆਂ ਕੰਧਾਂ ਤੋ ਇਲਾਵਾ ਛੱਤਾਂ ਦੀ ਹਾਲਤ ਇਸ ਕਦਰ ਹੋ ਗਈ ਹੈ ਕਿ ਛੱਤ ਦੇ ਉਪਰੋ ਹਰ ਰੋਜ ਕੰਕਰੀਟ ਡਿੱਗਣਾ ਸ਼ੁਰੂ ਹੋ ਗਿਆ ਹੈ ਤੇ ਹੁਣ ਬਰਸਾਤਾਂ ਦੇ ਦਿਨਾਂ ਚ ਇਹ ਬਿਲਡਿੰਗ ਦਾ ਬਾਹਰਲਾ ਤੇ ਅੰਦਰਲਾ ਪਾਸਾ ਛੱਪੜ ਦਾ ਰੂਪ ਧਾਰਨ ਕਰ ਲੈਦਾ ਹੈ। ਫਰਸ਼ ਤੇ ਪਾਣੀ ਆਉਣ ਕਾਰਨ ਅੰਦਰ ਪਿਆ ਰਿਕਾਰਡ ਵੀ ਖਰਾਬ ਹੋ ਰਿਹਾ ਜੇਕਰ ਗੱਲ ਕੀਤੀ ਜਾਏ ਇਸ ਬਿਲਡਿੰਗ ਚ ਬਣੇ ਬਾਥਰੂਮ ਦੀ ਉਸਦੇ ਹਾਲਾਤ ਵੀ ਬਦ ਤੋ ਬਦਤਰ ਹੋਏ ਪਏ ਹਨ ਜਿਸ ਕਾਰਨ ਇਸ ਦਫਤਰ ਦੀਆਂ ਮਹਿਲਾ ਕਰਮਚਾਰਨਾਂ ਨੂੰ ਬਹੁਤ ਵੱਡੀ ਦਿੱਕਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਸੰਬੰਧੀ ਇਸ ਦਫਤਰ ਦੇ ਯੂਨੀਅਨ ਦੇ ਨੁਮਾਇੰਦੇ ਰਾਜੇਸ਼ ਦੱਤਾ ਤੇ ਰਵੀ ਸ਼ਰਮਾਂ ਹੁਰਾਂ ਦਾ ਕਹਿਣਾ ਹੈ ਕਿ ਅਸੀ ਇਸ ਖਸਤਾ ਹਾਲਤ ਬਿਲਡਿੰਗ ਬਾਰੇ ਬਹੁਤ ਵਾਰ ਆਪਣੇ ਉਚ ਅਧਿਕਾਰੀਆ ਦੇ ਧਿਆਨ ਚ ਲੈ ਕੇ ਆਏ ਹਾਂ ਪਰ ਹਜੇ ਤੱਕ ਇਸ ਬਿਲਡਿੰਗ ਬਾਰੇ ਕੁੱਝ ਵੀ ਨਹੀ ਸੋਚਿਆ ਜੇਕਰ ਇਸ ਬਿਲਡਿੰਗ ਕਾਰਨ ਕੋਈ ਅਣਸੁਖਾਵੀ ਘਟਨਾ ਹੁੰਦੀ ਹੈ ਤਾਂ ਉਸਦੀ ਸਾਰੀ ਜਿੰਮੇਵਾਰੀ ਬਿਜਲੀ ਬੋਰਡ ਅਮਲੇ ਦੇ ਸੀਨੀਅਰ ਅਧਿਕਾਰੀਆਂ ਦੀ ਹੋਵੇਗੀ।