ਡਾਇਟ ਬਰਕੰਦੀ ਦੇ ਵਿਦਿਆਰਥੀਆਂ ਨੇ ਪੌਦੇ ਲਗਾਏ

ਸ਼੍ਰੀ ਮੁਕਤਸਰ ਸਾਹਿਬ, 24 ਜੁਲਾਈ ()- ਵਾਤਾਵਰਨ ਨੂੰ ਪ੍ਰਦੂਸ਼ਣ ਮੁਕਤ ਕਰਨ ਅਤੇ ਦਿਨੋ ਦਿਨ ਵੱਧ ਰਹੇ ਤਾਪਮਾਨ ਨੂੰ ਘਟਾਉਣ ਲਈ ਡਾਇਟ ਬਰਕੰਦੀ ਦੇ ਵਿਦਿਆਰਥੀਆਂ ਨੇ ਡਾਇਟ ਵਿਖੇ ਪੌਦੇ ਲਗਾਏ ਇਸ ਦੌਰਾਨ ਦੀਪਾਸ਼ੂ ਕੁਮਾਰ ,ਯੁੱਧ ਵੀਰ ਸਿੰਘ, ਗੁਰਪ੍ਰੀਤ ਸਿੰਘ, ਹਰਮਨ ਅਤੇ ਜਸ਼ਨ ਨੇ ਕਿਹਾ ਕਿ ਅਸੀਂ ਡਾਇਟ ਬਰਕੰਦੀ ਵਿੱਚ ਸਿੱਖਿਆ ਪ੍ਰਾਪਤ ਕਰ ਰਹੇ ਹਾਂ ਸਾਡੇ ਵੱਲੋਂ ਰਲ ਕੇ ਇੱਥੇ ਪੌਦੇ ਲਗਾਣੇ ਸ਼ੁਰੂ ਕਰ ਦਿੱਤੇ ਗਏ ਹਨ। ਉਹਨਾਂ ਨੇ ਕਿਹਾ ਕਿ ਪੌਦੇ ਲਗਾਉਣ ਦੇ ਨਾਲ ਨਾਲ ਅਸੀਂ ਸਮੇਂ ਸਮੇਂ ਤੇ ਇਹਨਾਂ ਦੀ ਦੇਖਭਾਲ ਕਰਦੇ ਰਹਾਂਗੇ ਤਾਂ ਜੋ ਇਹਨਾਂ ਨੂੰ ਅਸੀਂ ਦਰਖਤਾਂ ਦੇ ਰੂਪ ਵਿੱਚ ਦੇਖ ਸਕੀਏ। ਉਹਨਾਂ ਨੇ ਕਿਹਾ ਕਿ ਇੱਥੇ ਹਜ਼ਾਰਾਂ ਵਿਦਿਆਰਥੀ ਕੁਝ ਬਣਨ ਲਈ ਆਉਂਦੇ ਹਨ ਕਿਉਂ ਨਾ ਅਸੀਂ ਉਹਨਾਂ ਲਈ ਛਾਂ ਸਬੰਧੀ ਵੱਧ ਤੋਂ ਵੱਧ ਪੌਦੇ ਲਗਾਈਏ। ਇਸ ਦੌਰਾਨ ਦੀਪਾਸ਼ੂ ਕੁਮਾਰ ਨੇ ਕਿਹਾ ਕਿ ਹਰੇਕ ਵਿਅਕਤੀ ਆਪਣੇ ਲਈ ਤਾਂ ਜਿੰਦਗੀ ਜਿਂਦਾ ਹੈ ਸਾਨੂੰ ਦੂਜਿਆਂ ਲਈ ਵੀ ਜ਼ਿੰਦਗੀ ਜਿਉਣੀ ਚਾਹੀਦੀ ਹੈ। ਉਹਨਾਂ ਨੇ ਕਿਹਾ ਕਿ ਸਾਡੇ ਵੱਲੋਂ ਸਮੇਂ ਸਮੇਂ ’ਤੇ ਡਾਇਟ ਬਰਕੰਦੀ ਦੀ ਭਲਾਈ ਲਈ ਵੱਖ-ਵੱਖ ਕੰਮ ਕੀਤੇ ਜਾਣਗੇ ਅਤੇ ਬਾਕੀ ਵਿਦਿਆਰਥੀਆਂ ਨੂੰ ਵੀ ਸਾਡੇ ਤੋਂ ਪ੍ਰੇਰਨਾ ਲੈ ਕੇ ਅੱਗੇ ਵੱਧ ਕੇ ਸਮਾਜ ਭਲਾਈ ਦੇ ਕੰਮ ਕਰਨੇ ਚਾਹੀਦੇ ਹਨ।