Manpreet Singh
ਨਾਭਾ 16 ਜੂਨ (ਰਮਨ ਭਾਟੀਆ) ਰੋਟਰੀ ਕਲੱਬ ਨਾਭਾ ਵੱਲੋਂ ਬੀਤੀ ਰਾਤ ਰੋਟਰੀ ਭਵਨ ਪਟਿਆਲਾ ਗੇਟ ਵਿਖੇ ਪ੍ਰਧਾਨ ਚਰਨ ਸਿੰਘ ਅਤੇ ਜਰਨਲ ਸਕੱਤਰ ਜੇਪੀ ਗੁਪਤਾ ਦੀ ਅਗਵਾਈ ਹੇਠ ਇੱਕ ਵਿਸ਼ੇਸ਼ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿੱਚ ਰੋਟਰੀ ਗਵਰਨਰ 3090 ਸੰਦੀਪ ਚੌਹਾਨ ਨੇ ਸ਼ਿਰਕਤ ਕੀਤੀ। ਇਹ ਪ੍ਰੋਗਰਾਮ ਗਵਰਨਰ ਵਿਜ਼ਿਟ ਤਹਿਤ ਆਯੋਜਿਤ ਕੀਤਾ ਗਿਆ ਸੀ। ਇਸ ਮੌਕੇ ਜ਼ਿਲ੍ਹਾ ਗਵਰਨਰ ਅਮਿਤ ਸਿੰਗਲਾ, ਗਵਰਨਰ 2027-2028 ਸ਼ਿਵ ਸ਼ੰਕਰ ਵਿਸ਼ਿਸ਼ਟ, ਘਨਸ਼ਿਆਮ ਕਾਂਸਲ ਸਾਬਕਾ ਗਵਰਨਰ, ਅਮਜਦ ਅਲੀ ਰੋਟਰੀ ਮੁੱਖ ਸਲਾਹਕਾਰ, ਸ਼ਾਸਤਰੀ ਲਲਿਤ ਸ਼ਰਮਾ ਸਹਾਇਕ ਗਵਰਨਰ ਮੌਜੂਦ ਸਨ। ਇਸ ਮੌਕੇ ‘ਤੇ ਪ੍ਰੋਗਰਾਮ ਦੀ ਸ਼ੁਰੂਆਤ ਰਾਸ਼ਟਰੀ ਗੀਤ ਨਾਲ ਹੋਈ, ਜਿਸ ਤੋਂ ਬਾਅਦ ਜ਼ਿਲ੍ਹਾ ਗਵਰਨਰ ਨੂੰ ਰੋਟਰੀ ਕਾਲਰ ਦਿੱਤਾ ਗਿਆ। ਇਸ ਮੌਕੇ ਸਟੇਜ ‘ਤੇ ਐਡਵੋਕੇਟ ਭਾਰਤ ਭੂਸ਼ਣ ਨਿਤਿਨ ਜੈਨ ਨੇ 2024-2025 ਟੀਮ ਵੱਲੋਂ ਕੀਤੇ ਗਏ ਪ੍ਰੋਜੈਕਟਾਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਗਈ, ਉਨ੍ਹਾਂ ਦੱਸਿਆ ਕਿ ਨਾਭਾ ਟੀਮ ਆਪਣੀ ਜ਼ਿੰਮੇਵਾਰੀ ਸਮਝਦੇ ਹੋਏ ਰੋਟਰੀ ਕਲੱਬ ਦੀ ਸਮਾਜ ਸੇਵਾ ਦੇ ਉਦੇਸ਼ ਨੂੰ ਬਹੁਤ ਵਧੀਆ ਢੰਗ ਨਾਲ ਪੂਰਾ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਰੋਟਰੀ ਕਲੱਬ ਨਾਭਾ ਦੀ ਟੀਮ ਵੱਲੋਂ 52 ਦੇ ਕਰੀਬ ਸਮਾਜ ਭਲਾਈ ਦੇ ਪ੍ਰੋਜੈਕਟ ਕੀਤੇ ਗਏ ਹਨ। ਇਸ ਤੋਂ ਬਾਅਦ ਗਵਰਨਰ ਸੰਦੀਪ ਚੌਹਾਨ ਨੇ ਨਾਭਾ ਟੀਮ ਵੱਲੋਂ ਕੀਤੇ ਗਏ ਪ੍ਰੋਜੈਕਟਾਂ ਦੀ ਪ੍ਰਸ਼ੰਸਾ ਕੀਤੀ ਅਤੇ ਉਮੀਦ ਪ੍ਰਗਟਾਈ ਕਿ ਅਗਲੀ ਟੀਮ ਵੀ ਰੋਟਰੀ ਦੇ ਇਸੇ ਤਰ੍ਹਾਂ ਦੇ ਸਮਾਜ ਸੇਵਾ ਪ੍ਰੋਜੈਕਟ ਕਰੇਗੀ। ਅੰਤ ਵਿੱਚ ਕਲੱਬ ਦੇ ਪ੍ਰਧਾਨ ਚਰਨ ਸਿੰਘ ਐਮਡੀ ਮਲਕੀਤ ਐਗਰੋ ਟੈਕ, ਜਰਨਲ ਸਕੱਤਰ ਜੇਪੀ ਗੁਪਤਾ, ਪ੍ਰੋਜੈਕਟ ਚੇਅਰਮੈਨ ਜੀਵਨ ਪ੍ਰਕਾਸ਼ ਬਾਂਸਲ ਅਤੇ ਹੋਰ ਮੈਂਬਰਾਂ ਮੁੱਖ ਮਹਿਮਾਨਾਂ ਅਤੇ ਆਈਆਂ ਹੋਈਆਂ ਸ਼ਖਸ਼ੀਅਤਾਂ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਦਲਜੀਤ ਸਿੰਘ ਸੰਧੂ, ਵਿਨਯਕ ਮਲਹੋਤਰਾ, ਅਸ਼ੌਕ ਕਿੰਗਰ, ਦਰਸ਼ਨ ਬੁੱਟਰ, ਐਡਵੋਕੇਟ ਨਿਤਿਨ ਜੈਨ, ਰਵਨੀਸ਼ ਗੋਇਲ, ਦਰਸ਼ਨ ਅਰੋੜਾ, ਐਡਵੋਕੇਟ ਰੋਹਿਤ ਜਿੰਦਲ, ਸਿਕੰਦਰ ਪ੍ਰਤਾਪ ਸਿੰਘ, ਡਾ ਜੇ ਪੀ ਨਰੂਲਾ, ਰਾਜ ਕੁਮਾਰ ਜਤਵਾਨੀ, ਮਨਦੀਪ ਸਿੰਘ ਭਾਟੀਆ, ਗੁਰਤੇਜ ਸਿੰਘ ਕੋਲ, ਧਨੰਜੇ ਵਾਲੀਆ, ਪ੍ਰੀਤਮ ਬੱਤਰਾ, ਨਰਿੰਦਰ ਮੋਹਣ ਸ਼ਰਮਾ, ਵਿਕਾਸ ਗੋਇਲ, ਗਣਪਤ ਗੋਇਲ, ਓਮ ਪ੍ਰਕਾਸ਼ ਬਾਂਗਾ, ਰਾਜੇਸ਼ ਅੱਗਰਵਾਲ, ਨਿਤਿਨ ਗੁਪਤਾ, ਸੰਜੇ ਬਾਂਸਲ, ਅਜੇ ਮੱਗੋ, ਵਿਨੋਦ ਮਹਿਤਾ, ਆਦਿ ਹਾਜ਼ਰ ਸਨ।
