ਤਰਕਾਰ ਮਨਦੀਪ ਸੰਧੂ ਟੈਲੀਕਾਮ ਦਾ ਕੰਮ ਛੱਡ ਕੇ ਹੋਏ ਫਾਰਮਿੰਗ ਵੱਲ

ਫਗਵਾੜਾ, 4 ਅਪ੍ਰੈਲ ( ਪ੍ਰੀਤ ਕੌਰ ਪ੍ਰੀਤੀ )- ਟੈਲੀਕਾਮ ਖੇਤਰ ਵਿਚ ਐਮ ਐਨ ਪੀ ਕਿੰਗ ਦੇ ਤੌਰ ਤੇ ਆਪਣੀ ਪਹਿਚਾਣ ਬਣਾਉਣ ਵਾਲੇ ਫਗਵਾੜਾ ਹਲਕੇ ਨਾਲ ਸਬੰਧਿਤ ਸੀਨੀਅਰ ਪੱਤਰਕਾਰ ਮਨਦੀਪ ਸਿੰਘ ਸੰਧੂ ਹੁਣ ਟੈਲੀਕਾਮ ਦਾ ਕੰਮ ਛੱਡ ਕੇ ਔਰਗੈਨਿਕ ਫਾਰਮਿੰਗ ਦੇ ਕੰਮ ਨੂੰ ਤਰਜੀਹ ਦੇ ਰਹੇ ਹਨ। ਬੀਤੇ 15 ਸਾਲਾਂ ਤੋਂ ਟੈਲੀਕਾਮ ਦਾ ਕੰਮ ਕਰ ਰਹੇ ਮਨਦੀਪ ਸੰਧੂ ਦਾ ਇਹ ਸਫਰ ਚਣੌਤੀਆਂ ਭਰਪੂਰ ਰਿਹਾ ਹੈ। ਇਥੇ ਉਨ੍ਹਾਂ 4-5 ਹਜ਼ਾਰ ਰੁਪਏ ਲੈਣ ਵਾਲੇ ਡੀ ਐਸ ਈ ਲੈਵਲ ਤੋਂ ਕੰਮ ਸ਼ੁਰੂ ਕਰ ਕੇ 5-6 ਸਾਲਾਂ ਵਿੱਚ ਹੀ ਆਪਣੀ ਫਰਮ ਖੜੀ ਕਰ ਕੇ ਕਰੋੜਾਂ ਦੀ ਟਰਨਓਵਰ ਤੱਕ ਦਾ ਸਫ਼ਰ ਤੈਅ ਕੀਤਾ ਅਤੇ ਕਈ ਵਾਰ ਜੀ ਪੀ ਐੱਸ ਰੈੰਕਿੰਗ ਵਿੱਚ ਪੰਜਾਬ ਦੇ ਟੌਪ-10 ਡਿਸਟਰੀਬਿਊਟਰਾਂ ਵਿਚ ਰਹੇ। ਉਨਾਂ ਦੱਸਿਆ ਕਿ ਜਿਸ ਲੈਵਲ ਨੂੰ ਉਹ ਟੈਲੀਕਾਮ ਦੇ 15 ਸਾਲਾਂ ਦੇ ਸਫ਼ਰ ਦੌਰਾਨ ਹਾਸਲ ਨਹੀਂ ਕਰ ਸਕੇ ਉਹ ਲੈਵਲ ਉਨ੍ਹਾਂ ਨੇ ਔਰਗੈਨਿਕ ਫਾਰਮਿੰਗ ਦੇ ਐਗਰੋ ਅਡਵਾਈਜ਼ਰ ਦੇ ਤੌਰ ਤੇ ਤਿੰਨ ਮਹੀਨਿਆਂ ਵਿਚ ਹਾਸਲ ਕਰ ਲਿਆ ਜਿਸ ਕਰਕੇ ਅਚਾਨਕ ਟੈਲੀਕਾਮ ਦਾ ਕੰਮ ਛੱਡਣ ਦਾ ਫੈਸਲਾ ਲੈਣਾ ਪਿਆ। ਉਨਾਂ ਦੱਸਿਆ ਕਿ ਉਹ ਆਪਣੇ ਪਰਿਵਾਰ ਨਾਲ ਬਹੁਤ ਪਿਆਰ ਕਰਦੇ ਹਨ ਅਤੇ ਹਰ ਪਲ ਆਪਣੇ ਪਰਿਵਾਰ ਨਾਲ ਬਤੀਤ ਕਰਨਾ ਪਸੰਦ ਕਰਦੇ ਹਨ।