ਪੰਛੀਆਂ ਲਈ ਛੱਤ ਉੱਤੇ ਪਾਣੀ ਰੱਖਣਾ ਹਰ ਵਿਅਕਤੀ ਦੀ ਜ਼ਿੰਮੇਵਾਰੀ” – ਸੰਦੀਪ ਕੁਮਾਰ ਸੋਨੀ

ਫਿਰੋਜ਼ਪੁਰ 15 ਜੂਨ (ਅਸ਼ੋਕ ਭਾਰਵਾਜ) ਤੀਬਰ ਗਰਮੀ ਅਤੇ ਲੂ ਦੀ ਮਾਰ ਨੇ ਨਾ ਸਿਰਫ਼ ਮਨੁੱਖੀ ਜੀਵਨ ਨੂੰ ਪ੍ਰਭਾਵਿਤ ਕੀਤਾ ਹੈ, ਸਗੋਂ ਨਿਰਦੋਸ਼ ਪੰਛੀਆਂ ਦੀ ਜ਼ਿੰਦਗੀ ਵੀ ਖ਼ਤਰੇ ਵਿੱਚ ਪਾ ਦਿੱਤੀ ਹੈ। ਇਸ ਗੰਭੀਰ ਮਾਮਲੇ ‘ਤੇ ਆਪਣੀ ਚਿੰਤਾ ਜ਼ਾਹਿਰ ਕਰਦਿਆਂ ਆਪ ਆਗੂ ਸੰਦੀਪ ਕੁਮਾਰ ਸੋਨੀ ਨੇ ਲੋਕਾਂ ਨੂੰ ਇੱਕ ਸੰਵੇਦਨਸ਼ੀਲ ਅਤੇ ਮਨੁੱਖਤਾ ਭਰਿਆ ਸੁਨੇਹਾ ਦਿੱਤਾ। ਉਨ੍ਹਾਂ ਕਿਹਾ ਕਿ “ਹਰ ਇੱਕ ਵਿਅਕਤੀ ਨੂੰ ਆਪਣੀ ਘਰ ਦੀ ਛੱਤ ਉੱਤੇ ਜਾਂ ਬਾਹਰੀ ਹਿੱਸੇ ਵਿੱਚ ਕਿਸੇ ਵੀ ਭਾਂਡੇ ਵਿੱਚ ਪੰਛੀਆਂ ਵਾਸਤੇ ਪਾਣੀ ਜ਼ਰੂਰ ਰੱਖਣਾ ਚਾਹੀਦਾ ਹੈ।” ਸੋਨੀ ਨੇ ਕਿਹਾ ਕਿ ਗਰਮੀ ਦੇ ਦਿਨਾਂ ਵਿੱਚ ਪੰਛੀਆਂ ਨੂੰ ਪਾਣੀ ਲੱਭਣਾ ਵੀ ਔਖਾ ਹੋ ਜਾਂਦਾ ਹੈ। ਅਜਿਹੇ ਵਿੱਚ ਜੇਕਰ ਅਸੀਂ ਘਰਾਂ ਦੀਆਂ ਛੱਤਾਂ ਉੱਤੇ ਸਾਫ਼ ਪਾਣੀ ਵਾਲੇ ਭਾਂਡੇ ਰੱਖੀਏ, ਤਾਂ ਇਹ ਇੱਕ ਛੋਟੀ ਜਿਹੀ ਕੋਸ਼ਿਸ਼ ਵੀ ਕਈ ਜੀਵਾਂ ਦੀ ਜ਼ਿੰਦਗੀ ਬਚਾ ਸਕਦੀ ਹੈ। ਉਨ੍ਹਾਂ ਅੱਗੇ ਕਿਹਾ, “ਪੰਛੀ ਸਾਡੇ ਵਾਤਾਵਰਨ ਦਾ ਹਿੱਸਾ ਹਨ, ਅਤੇ ਉਨ੍ਹਾਂ ਦੀ ਸੁਰੱਖਿਆ ਕਰਨਾ ਸਾਡੀ ਨੈਤਿਕ ਜ਼ਿੰਮੇਵਾਰੀ ਹੈ। ਆਓ, ਮਿਹਰਬਾਨੀ ਕਰਕੇ ਇੱਕ ਛੋਟਾ ਜਿਹਾ ਕੰਮ ਕਰੀਏ ਜੋ ਬਹੁਤ ਵੱਡਾ ਅਸਰ ਛੱਡ ਸਕਦਾ ਹੈ।