ਮੁਕਤਸਰ ਲੰਗਰ ਕਮੇਟੀ ਵੱਲੋਂ ਕੱਢੀ ਗਈ ਸ਼ੋਭਾਯਾਤਰਾ

ਸ੍ਰੀ ਮੁਕਤਸਰ ਸਾਹਿਬ, 24 ਜੁਲਾਈ (ਦੀਪਾਂਕੁਰ)- ਮੁਕਤਸਰ ਲੰਗਰ ਕਮੇਟੀ ਵੱਲੋਂ ਮਾਂ ਚਿੰਤਪੂਰਣੀ ਦਰਬਾਰ ਨੇੜੇ ਅੱਜ 25 ਜੁਲਾਈ ਤੋਂ 34ਵਾਂ ਵਿਸ਼ਾਲ ਭੰਡਾਰਾ ਸ਼ੁਰੂ ਹੋਵੇਗਾ, ਜਿਹੜਾ 02 ਅਗਸਤ ਤੱਕ ਲੱਗੇਗਾ। ਇਸ ਸਬੰਧ ਚ ਰੇਲਵੇ ਰੋਡ ਸਥਿਤ ਸ਼ਕਤੀ ਮੰਦਰ ਸ਼ਰੀ ਮਨਨ ਧਾਮ ਤੋਂ ਸ਼ੋਭਾਯਾਤਰਾ ਕੱਢੀ ਜਾਵੇਗੀ। ਜੋ ਸ਼ਹਿਰ ਦੇ ਵੱਖ-ਵੱਖ ਬਜ਼ਾਰਾਂ ਚੋਂ ਹੁੰਦਿਆਂ ਲੰਘੀ। ਇਸ ਸੋਭਾਯਤਾਰ ਦਾ ਅਨੇਕਾਂ ਥਾਈਂ ਭਰਵਾਂ ਸਵਾਗਤ ਹੋਇਆ ਤੇ ਅਸਮਾਨ ਮਾਂ ਚਿੰਤਪੂਰਣੀ ਜੀ ਦੇ ਜੈਕਾਰਿਆਂ ਨਾਲ ਗੂੰਜ ਉਠਿਆ। ਸ਼ਰਧਾਲੂ ਹੱਥਾਂ ਚ ਮਾਤਾ ਰਾਣੀ ਦੇ ਝੰਡੇ ਚੁੱਕ ਕੇ ਚੱਲ ਰਹੇ ਸਨ ਤੇ ਮਾਤਾ ਦੇ ਭਜਨਾਂ ਦੇ ਨੱਚਦੇ ਜਾ ਰਹੇ ਸਨ। ਮਾਂ ਦੇ ਲਾਡਲੇ ਭਗਤ ਬਲਦੇਵ ਕੁਮਾਰ ਬਿੱਲਾ ਨੇ ਦੱਸਿਆ ਕਿ ਸਾਵਨ ਮਹੀਨੇ ਚ ਹਰ ਸਾਲ ਮਾਂ ਚਿੰਤਪੂਰਣੀ ਦਰਬਾਰ ਨੇੜੇ ਲੰਗਰ ਲਾਇਆ ਜਾਂਦਾ ਹੈ। ਇਸ ਵਾਰ ਵੀ ਇਹ ਲੰਗਰ ਲੱਗੇਗਾ। ਇਸ ਸਬੰਧ ਚ ਅੱਜ ਘਾਹ ਮੰਡੀ ਚੌਕ ਤੋਂ ਸਵੇਰੇ ਸਵਾ ਅੱਠ ਵਜੇ ਭੰਡਾਰੇ ਲਈ ਰਾਸ਼ਨ ਸਮੱਗਰੀ ਦੀਆਂ ਗੱਡੀਆਂ ਰਵਾਨਾ ਹੋ ਗਈਆਂ ਨੇ। 25 ਜੁਲਾਈ ਤੋਂ ਮਾਂ ਚਿੰਤਪੂਰਣੀ ਦਰਬਾਰ ਨੇੜੇ ਪੈਟਰੋਲ ਪੰਪ ਕੋਲ ਭੰਡਾਰਾ ਸ਼ੁਰੂ ਹੋ ਜਾਵੇਗਾ।