ਸ੍ਰੀ ਸ਼ਿਆਮ ਬਾਬਾ ਜੀ ਦਾ ਸਾਲਾਨਾ ਮਹਾਉਤਸਵ 5 ਅਪ੍ਰੈਲ ਨੂੰ

ਜੈਤੋ 03 ਅਪ੍ਰੈਲ (ਮਨਜੀਤ ਸਿੰਘ ਢੱਲਾ)- ਸ੍ਰੀ ਸ਼ਿਆਮ ਬਾਬਾ ਜੀ ਦਾ ਸਾਲਾਨਾ ਮਹਾਉਤਸਵ ਤੇ ਜਾਗਰਣ 5 ਅਪ੍ਰੈਲ ਦਿਨ ਸ਼ਨੀਵਾਰ ਨੂੰ ਸਥਾਨਕ ਰਾਮ ਲੀਲ੍ਹਾ ਮੈਦਾਨ ਵਿਖੇ ਮਨਾਇਆ ਜਾ ਰਿਹਾ ਹੈ। ਸਮਾਗਮ ਦੇ ਆਯੋਜਕ ਸ੍ਰੀ ਸ਼ਿਆਮ ਪ੍ਰਚਾਰ ਮੰਡਲ ਜੈਤੋ ਦੇ ਚੇਅਰਮੈਨ  ਚੰਦਰ ਮੋਹਣ, ਸੁਰੇਸ਼ ਕੁਮਾਰ ਚਾਂਦੀ ਤੇ ਗੋਨੀ ਮਿੱਤਲ, ਲੱਕੀ ਗੋਇਲ ਨੇ ਦੱਸਿਆ ਕਿ ਸਮਾਗਮ ਦੌਰਾਨ ਮੁੱਖ ਮਹਿਮਾਨ ਸੰਤ ਰਿਸ਼ੀ ਰਾਮ ਜਲਾਲ ਵਾਲੇ ਪ੍ਰਧਾਨ ਮਾਤਾ ਅਮਰ ਕੌਰ ਚੈਰੀਟੇਬਲ ਸੁਸਾਇਟੀ ਅਤੇ ਜੋਤੀ ਬਾਂਸਲ, ਨਵਲ ਸਿੰਗਲਾ ਸੀਏ, ਸੱਤਪਾਲ ਜਿੰਦਲ, ਵਿਕਾਸ ਬਾਂਸਲ, ਲਵਲੀ ਮਿੱਤਲ , ਵਿਕਾਸ ਬਾਂਸਲ ਨਕਸਾ ਨਵੀਸ ਉਕਤ ਸਾਰੇ ਮੁੱਖ ਯਜਮਾਨ ਵੱਜੋਂ ਹਾਜ਼ਰ ਹੋਣਗੇ। ਇਸ ਮੌਕੇ ਕਪਿਲ ਲਾਡਲੀ, ਰੁਪਾਲੀ ਮਹਿਤਾ, ਪੰਕਜ ਮਹਿਤਾ, ਮੋਹਣ ਠਾਕੁਰ ਜਾਗਰਣ ਵਿੱਚ ਭਜਨ ਗਾਇਨ ਕਰਨਗੇ। ਸਮਾਗਮ ਵਿੱਚ ਸੁੰਦਰ ਦਰਬਾਰ, ਅਲੌਕਿਕ ਸਿੰਗਾਰ, ਸੁੰਦਰ ਝਾਕੀਆਂ, ਫੁੱਲਾਂ ਦੀ ਵਰਖਾ, ਇਤਰ ਦੀ ਵਰਖਾ ਤੋਂ ਇਲਾਵਾ ਸੰਗਤਾਂ ਲਈ ਅਤੁੱਟ ਭੰਡਾਰਾ ਵਰਤਾਇਆ ਜਾਵੇਗਾ। ਇਸ ਮੌਕੇ ਪ੍ਰਦੀਪ ਮਲੋਟ ਵਾਲੇ, ਜੈਤੋ ਦੇ ਉਘੇ ਸਮਾਜ ਸੇਵੀ ਕੋਮਲ ਸ਼ਰਮਾ ਸੋਨੂੰ,ਸ਼ਿੰਦਾ ਸੋਢੀ, ਗੁਰਬਾਜ ਸਿੰਘ, ਸੰਧੀਰ ਗਰਗ, ਸੋਨੂੰ ਸੋਢੀ ਆਦਿ ਹਾਜ਼ਰ ਸਨ।