ਜੈ ਬਾਬਾ ਘਮੰਡ ਸ਼ਾਹ ਦਰਗਾਹ ‘ਤੇ ਸਲਾਨਾ ਭੰਡਾਰਾ ਕਰਵਾਇਆ

ਬੱਸੀ ਪਠਾਣਾ, 25 ਜੁਲਾਈ (ਉਦੇ ਧੀਮਾਨ): ਸਥਾਨਕ ਮੁਹੱਲਾ ਧੋਬੀਆ ਵਿਖੇ ਸਥਿਤ ਜੈ ਬਾਬਾ ਘਮੰਡ ਸ਼ਾਹ ਦਰਗਾਹ ‘ਤੇ ਸਲਾਨਾ ਭੰਡਾਰਾ ਕਰਵਾਇਆ ਗਿਆ। ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਸੰਗਤ ਨੇ ਹਾਜ਼ਰੀ ਭਰ ਕੇ ਬਾਬਾ ਜੀ ਦਾ ਆਸ਼ੀਰਵਾਦ ਪ੍ਰਾਪਤ ਕੀਤਾ। ਸਮਾਗਮ ਦੌਰਾਨ ਦਰਗਾਹ ਵਿਖੇ ਚਾਦਰ ਚੜ੍ਹਾਉਣ ਦੀ ਰਸਮ ਅਗਰਵਾਲ ਸਮਾਜ ਸਭਾ ਪੰਜਾਬ ਦੇ ਸਹਾਇਕ ਸਕੱਤਰ ਅਤੇ ਉੱਘੇ ਸਮਾਜ ਸੇਵੀ ਅਨੂਪ ਸਿੰਗਲਾ ਵੱਲੋਂ ਅਦਾ ਕੀਤੀ ਗਈ। ਉਨ੍ਹਾਂ ਨੇ ਸਮੂਹ ਸ਼ਹਿਰ ਵਾਸੀਆਂ ਦੀ ਚੜ੍ਹਦੀ ਕਲਾ ਅਤੇ ਦੇਸ਼-ਪੰਜਾਬ ਦੀ ਖੁਸ਼ਹਾਲੀ ਲਈ ਅਰਦਾਸ ਕੀਤੀ। ਧਾਰਮਿਕ ਰਸਮਾਂ ਉਪਰੰਤ ਦਰਗਾਹ ਵਿਖੇ ਆਏ ਹੋਏ ਸ਼ਰਧਾਲੂਆਂ ਲਈ ਵਿਸ਼ਾਲ ਲੰਗਰ ਦਾ ਪ੍ਰਬੰਧ ਕੀਤਾ ਗਿਆ, ਜਿਸ ਵਿੱਚ ਸੰਗਤ ਨੇ ਬੜੀ ਸ਼ਰਧਾ ਨਾਲ ਪ੍ਰਸਾਦ ਗ੍ਰਹਿਣ ਕੀਤਾ। ਇਸ ਮੌਕੇ ਮਲਕੀਤ ਸਿੰਘ ਮਠਾੜੂ, ਰਾਜੇਸ਼ ਕੁਮਾਰ ਮੱਖਣ, ਸੋਹਣ ਲਾਲ ਚਾਵਲਾ, ਪਵਨ ਮੁਖੀਜਾ, ਰਜਿੰਦਰ ਕੁਮਾਰ, ਮੋਨੂੰ ਕੁਮਾਰ, ਦੀਪਾ, ਗੋਲਡੀ ਅਤੇ ਇਲਾਕੇ ਦੇ ਸਮੂਹ ਵਾਸੀ ਹਾਜ਼ਰ ਸਨ।