Manpreet Singh
ਕਪੂਰਥਲਾ, 16 ਜੁਲਾਈ (ਕੌੜਾ)- ਟਿੱਬਾ ਸੜਕ ਤੇ ਨਵੇਂ ਬਣੇ ਦਰਬਾਰ ਪੀਰ ਬਾਬਾ ਸ਼ਾਹ ਹੁਸੈਨ ਜੀ ਦੇ ਤਿੰਨ ਰੋਜਾ ਜੋੜ ਮੇਲੇ ਦੇ ਪਹਿਲੇ ਦਿਨ ਸ੍ਰੀ ਅਖੰਡ ਪਾਠਾਂ ਦੇ ਭੋਗ ਪਾਏ ਗਏ ਅਰਦਾਸ ਉਪਰੰਤ ਧਾਰਮਿਕ ਦੀਵਾਨ ਸਜਾਏ ਗਏ। ਪੀਰ ਬਾਬਾ ਸਾਹ ਹੁਸੈਨ ਦੇ ਦਰਬਾਰ ਦੇ ਗੱਦੀ ਨਸੀਨ ਬਾਬਾ ਸੁਖਜੀਤ ਸਿੰਘ ਜੋਗੀ, ਨਸੀਬ ਸਿੰਘ ਏ ਐਸ ਆਈ, ਬਲਜਿੰਦਰ ਸਿੰਘ ਯੂ. ਕੇ. ਮਾਤਾ ਸੁਰਿੰਦਰ ਕੌਰ, ਧਰਮਪਤਨੀ ਕੁਲਵੰਤ ਕੌਰ, ਪੁੱਤਰ ਜਸ਼ਨਪ੍ਰੀਤ ਸਿੰਘ ਸਮੁਚੇ ਪਰਵਾਰ ਨੇ ਸਵ. ਕਾਮਰੇਡ ਨਰਿੰਜਨ ਸਿੰਘ ਦੀ ਯਾਦ ਵਿਚ ਹਰ ਸਾਲ ਲੋੜਵੰਦ ਲੜਕੀਆਂ ਦੇ ਵਿਆਹ ਕੀਤੇ ਜਾਂਦੇ ਹਨ। ਇਸ ਸਾਲ ਵੀ 15 ਲੋੜਵੰਦ ਲੜਕੀਆਂ ਦੇ ਵਿਆਹ ਕੀਤੇ ਗਏ। ਦਰਬਾਰ ਦੇ ਕੰਪਲੈਕਸ ਵਿਚ ਬਰਾਤਾਂ ਦਾ ਉਤਾਰਾ ਸਮੇੰ ਸਿਰ ਹੋਣ ਕਰਕੇ 12 ਲੜਕੀਆਂ ਦੇ ਵਿਆਹ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਹਜੂਰੀ ‘ਚ ਗੁਰਮਰਿਆਦਾ ਨਾਲ ਕੀਤੇ ਗਏ । ਜਦ ਕਿ ਤਿੰਨ ਲੜਕੀਆਂ ਦੇ ਨਕਾਹ ਮੁਸਲਮਾਨ ਸ਼ਰੀਅਤ ਅਨੁਸਾਰ ਕੀਤੇ ਗਏ।ਵਿਆਹ ਦੀਆਂ ਸਾਰੀਆਂ ਰਸਮਾਂ ਬਾਬਾ ਸੁਖਜੀਤ ਸਿੰਘ ਜੋਗੀ ਨੇ ਇਕ ਬਾਪ ਦੀ ਤਰ੍ਹਾਂ ਨਿਭਾਈਆਂ। ਸੋਢੀ ਟਿੱਬਾ ਵਲੋਂ ਬੱਚੀਆਂ ਨੂੰ ਸਿੱਖਿਆ ਸੁ਼ਣਾਈ ਗਈ ਉਪਰੰਤ ਬਾਬਾ ਸੁਖਜੀਤ ਸਿੰਘ ਜੋਗੀ, ਸਰਪੰਚ ਬਲਵਿੰਦਰ ਸਿੰਘ ਲੱਡੂ ਅਤੇ ਆਏ ਪਤਵੰਤੇ ਸੱਜਣਾਂ ਨੇ ਸਮੁਚੇ ਜੋੜਿਆਂ ਚੰਗੇ ਭਵਿੱਖ ਦੀ ਕਾਮਨਾ ਕਰਦਿਆਂ ਅਸੀਰਵਾਦ ਦਿਤਾ। ਹਰ ਧੀ ਨੂੰ ਘਰ ਦੀ ਜਰੂਰੀ ਵਰਤੋਂ ਵਾਲਾ ਦਹੇਜ ਦੇ ਤੌਰ ਤੇ ਸਮਾਨ ਦਿਤਾ ਅਤੇ ਬਾਰਾਤਾਂ ਨੂੰ ਸਮੇੰ ਸਿਰ ਤੋਰਿਆ। ਸਟੇਜ ਦਾ ਸੰਚਾਲਨ ਸੂਫੀ ਕਵੀ ਮੁਖਤਾਰ ਸਹੋਤਾ ਅਤੇ ਸੋਢੀ ਟਿੱਬਾ ਨੇ ਸਾਂਝੇ ਤੌਰ ਤੇ ਕੀਤਾ। ਇਸ ਮੌਕੇ ਸੂਫੀ ਪੰਜਾਬੀ ਗਾਇਕ ਖਾਨ ਸਾਹਿਬ, ਮਨਜੀਤ ਸਿੰਘ ਲਾਲੀ, ਸੰਤੋਖ ਸਿੰਘ ਜੋਸਨ, ਅੰਗਰੇਜ ਸਿੰਘ ਗਿੱਲ, ਰਾਜਨ ਤਲਵੰਡੀ, ਲਵਪ੍ਰੀਤ ਸਿੰਘ, ਨੰਬਰਦਾਰ ਭਿੰਦਾ ਓਠੀ, ਵੀਰ ਪਾਲ ਮੈਂਬਰ, ਗੁਰਜੀਤ ਸਿੰਘ, ਭੁਪਿੰਦਰ ਸਿੰਘ, ਮੁਸਰੇਟ ਸਿੰਘ, ਸਿਤਾਰਾ ਸਿੰਘ ਲੱਡੂ, ਰੇਸ਼ਮ ਸਿੰਘ ਰੌਣਕੀ, ਰਜਿੰਦਰ ਸ਼ਰਮਾ ਵਿੱਕੀ, ਹਰਬੰਸ ਸਿੰਘ, ਲਸਰੂਪ ਸਿੰਘ ਥਿੰਦ, ਸੁਖਰਾਜ ਸਿੰਘ, ਬਲਜੀਤ ਸਿੰਘ ਦੋਵੇਂ ਯੂ. ਪੀ., ਹਰਨਾਮ ਸਿੰਘ, ਗੁਰਦੇਵ ਦੇਬਾ, ਰਿੰਕੂ ਸਨਿਆਰਾ, ਬੀਰਾ ਵਿਸੇਸ਼ ਤੌਰ ਤੇ ਹਜਾਰ ਸਨ।
