Manpreet Singh
ਨਾਭਾ 27 ਜੁਲਾਈ (ਰਮਨ ਭਾਟੀਆ) ਪਟਿਆਲਾ ਵਿਖੇ ਹੋ ਰਹੀਆਂ 35ਵੀਂ ਜਿਲ੍ਹਾ ਪੱਧਰੀ ਰੋਲਰ ਸਕੇਟਿੰਗ ਚੈਂਪੀਅਨਸ਼ਿਪ ਮੁਕਾਬਲਿਆਂ ਵਿੱਚ ਅੰਸਦੀਪ ਸਿੰਘ ਮਾਨ (ਉਮਰ ਸਾਡੇ ਛੇ ਸਾਲ) ਡਿਸਟਿਕ ਲੈਵਲ ਇੰਨਲਾਈਨ ਸਕੇਟਿਗ ਮੁਕਾਬਲਾ 600 ਮੀਟਰ ਦੌੜ (ਉਮਰ ਗਰੁੱਪ 6 ਤੋ 8 ਸਾਲ) ਵਿੱਚ ਤੀਜਾ ਸਥਾਨ ਹਾਸਲ ਕਰਕੇ ਕਾਸ਼ੀ ਦਾ ਤਗਮਾ ਜਿੱਤਿਆ ਅਤੇ ਮੰਨਤ ਕੌਰ ਮਾਨ ਉਮਰ 8 ਸਾਲ ਨੇ ਜ਼ਿਲ੍ਹਾ ਪੱਧਰੀ ਇੰਨਲਾਈਨ ਸਕੇਟਿੰਗ ਮੁਕਾਬਲੇ ਵਿੱਚ 2 ਤਗਮੇ ਹਾਸਲ ਕੀਤੇ,1000 ਮੀਟਰ ਇੰਨਲਾਈਨ ਸਕੇਟਿੰਗ ਮੁਕਾਬਲੇ ਵਿੱਚ ਤੀਜਾ ਸਥਾਨ ਪ੍ਰਾਪਤ ਕਰਕੇ ਕਾਸ਼ੀ ਦਾ ਤਗਮਾ ਜਿਤਿਆ ਤੇ 200 ਮੀਟਰ ਇੰਨਲਾਈਨ ਸਕੇਟਿੰਗ ਦੌੜ ਵਿੱਚ ਵੀ ਤੀਜਾ ਸਥਾਨ ਹਾਸਲ ਕੀਤਾ ਤੇ ਕਾਸ਼ੀ ਦਾ ਤਗਮਾ ਜਿੱਤਿਆ। ਇਸ ਮੌਕੇ ਪਟਿਆਲਾ ਦੇ ਮੇਅਰ ਕੁੰਦਨ ਗੋਗਿਆਂ ਨੇ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ, ਉਹਨਾਂ ਨੇ ਅਤੇ ਕਮੇਟੀ ਮੈਂਬਰਾ ਨੇ ਤਗਮਾ ਹਾਸਲ ਕਰਨ ਵਾਲੀ ਮੰਨਤ ਕੌਰ ਮਾਨ ਨੂੰ ਤਗਮਾ ਦੇ ਕੇ ਸਨਮਾਨਿਤ ਕੀਤਾ। ਸਨਮਾਨਿਤ ਕਰਨ ਉਪਰੰਤ ਮੇਅਰ ਕੁੰਦਨ ਗੋਗੀਆ ਨੇ ਕਿਹਾ ਕਿ ਸਾਨੂੰ ਛੋਟੇ ਬੱਚਿਆਂ ਤੇ ਮਾਨ ਹੈ ਕਿ ਜਿਨ੍ਹਾਂ ਨੇ ਤਗਮੇ ਹਾਸਿਲ ਕਰਕੇ ਸਾਡਾ ਅਤੇ ਆਪਣੇ ਮਾਤਾ ਪਿਤਾ ਦਾ ਨਾਮ ਰੋਸ਼ਨ ਕੀਤਾ ਹੈ। ਅਸੀਂ ਪਰਮਾਤਮਾ ਅੱਗੇ ਅਰਦਾਸ ਕਰਦੇ ਹਾਂ ਕਿ ਇਸੀ ਤਰ੍ਹਾਂ ਇਹ ਹੋਣਹਾਰ ਬੱਚੇ ਪੁਜੀਸ਼ਨਾ ਹਾਸਲ ਕਰਕੇ ਅੱਗੇ ਵਧਦੇ ਰਹਿਣ। ਇਸ ਮੌਕੇ ਵਿਧਾਇਕ ਗੁਰਦੇਵ ਸਿੰਘ ਦੇਵ ਮਾਨ ਦੇ ਛੋਟੇ ਕਪਿਲ ਮਾਨ ਨੂੰ ਵਧਾਈਆ ਦੇਣ ਵਾਲਿਆਂ ਦਾ ਤਾਂਤਾ ਲੱਗਿਆ ਹੋਇਆ ਹੈ। ਦੇਵ ਮਾਨ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਇਹ ਬੱਚੇ ਅੱਗੇ ਜਾ ਕੇ ਆਪਣੇ ਪਰਿਵਾਰ ਦਾ, ਆਪਣੇ ਮਾਤਾ ਪਿਤਾ ਦਾ, ਆਪਣੇ ਪਿੰਡ ਦਾ ਤੇ ਪੰਜਾਬ ਦਾ ਨਾਮ ਵੱਡੇ ਪੱਧਰ ਤੇ ਰੌਸ਼ਨ ਕਰਨਗੇ। ਉਨ੍ਹਾਂ ਕਿਹਾ ਕਿ ਆਪਣੇ ਬੱਚਿਆਂ ਨੂੰ ਖੇਡਾਂ ਨਾਲ ਜੋੜੋ। ਖੇਡਾਂ ਨਾਲ ਜੁੜੇ ਬੱਚੇ ਜਿੱਥੇ ਤੰਦਰੁਸਤ ਰਹਿੰਦੇ ਹਨ ਉੱਥੇ ਸਮਾਜ ਦੀਆਂ ਕੁਰੀਤੀਆ ਤੋਂ ਨਸ਼ਿਆਂ ਤੋਂ ਅਤੇ ਹੋਰ ਬੁਰਾਈਆਂ ਤੋਂ ਬਚੇ ਰਹਿੰਦੇ ਹਨ।
