ਜਥੇਬੰਦੀ ਦੇ ਇੱਕ ਦੋਸਤ ਵੱਲੋਂ ਬਲੱਡ ਦਾਨ ਕੀਤਾ ਅਤੇ ਜਨਰਲ ਬਾਡੀ ਮੀਟਿੰਗ ਆਯੋਜਿਤ : ਚੇਅਰਮੈਨ

ਸ਼੍ਰੀ ਮੁਕਤਸਰ ਸਾਹਿਬ, 10 ਅਗਸਤ (ਪੱਤਰ ਪ੍ਰੇਰਕ)ਦੀ ਖਿਦਰਾਣਾ ਪ੍ਰਾਈਵੇਟ ਕਾਰ ਚਾਲਕ ਲੋਕ ਸੇਵਾ ਸੋਸਾਇਟੀ ਰਜਿਸਟਰਡ 47 78 ਜੋ ਕਿ ਆਪਣੇ ਕਾਰਜ ਦੇ ਨਾਲ ਨਾਲ ਲੋਕ ਭਲਾਈ ਦੇ ਕਾਰਜਾਂ ਨੂੰ ਵੀ ਸਦਾ ਸਮਰਪਿਤ ਰਹਿੰਦੀ ਹੈ, ਉਸ ਕਾਰਜ ਨੂੰ ਅੱਗੇ ਤੋਰਦਿਆਂ ਅੱਜ ਸੀਨੀਅਰ ਮੈਂਬਰ ਰਜਿੰਦਰ ਸਿੰਘ ਵੱਲੋਂ ਇੱਕ ਯੂਨਿਟ ਬਲੱਡ ਦਾਨ ਕਰਕੇ ਮਾਨਵਤਾ ਦੀ ਭਲਾਈ ਲਈ ਅਹਿਮ ਯੋਗਦਾਨ ਪਾਇਆ ਹੈ ਜੋ ਕਿ ਕਿਸੇ ਜਰੂਰਤ ਮੰਦ ਨੂੰ ਉਸ ਦੀ ਕੀਮਤੀ ਜਾਨ ਬਚਾਉਣ ਚ ਸਹਾਈ ਹੋਵੇਗਾ।ਇਸ ਤੋਂ ਕੁੱਝ ਦਿਨ ਪਹਿਲਾਂ ਵੀ ਜਥੇਬੰਦੀ ਦੇ ਦੋਸਤਾਂ ਵੱਲੋ ਸਾਵਣ ਮਹੀਨੇ ਦੇ ਮੱਦੇਨਜ਼ਰ ਪੁੱਡਾ ਕਲੋਨੀ ਸ਼੍ਰੀ ਮੁਕਤਸਰ ਸਾਹਿਬ ਵਿਖੇ ਪੌਦੇ ਵੀ ਲਗਾਏ ਗਏ ਹਨ ਤੇ ਓਨਾਂ ਦੀ ਸਾਂਭ ਸੰਭਾਲ ਲਈ ਵੀ ਹਮੇਸ਼ਾ ਦੋਸਤ ਦੇਖ ਭਾਲ ਕਰਦੇ ਹਨ।ਅੱਜ ਹੀ ਮਹੀਨਾ ਵਾਰ ਜਨਰਲ ਬਾਡੀ ਦੀ ਮੀਟਿੰਗ ਵਿੱਚ ਇੱਕ ਸਮਾਜ ਸੇਵਕ ਨੂੰ ਸਨਮਾਨਿਤ ਵੀ ਕੀਤਾ ਜਾਣਾ ਸੀ ਪਰ ਸ਼੍ਰੀ ਮੁਕਤਸਰ ਸਾਹਿਬ ਵਿੱਚ ਪਏ ਭਾਰੀ ਮੀਂਹ ਕਾਰਨ ਸਾਰੇ ਸ਼ਹਿਰ ਵਿਚ ਪਾਣੀ ਖੜਾ ਹੋਣ ਕਾਰਨ ਇਹ ਕਾਰਜ ਅਧੂਰਾ ਰਹਿ ਗਿਆ ਪਰ ਜਨਰਲ ਬਾਡੀ ਦੀ ਮੀਟਿੰਗ ਪ੍ਰਧਾਨ ਪ੍ਰਕਾਸ਼ ਸਿੰਘ ਚੜੇਵਾਣ ਦੀ ਪ੍ਰਧਾਨਗੀ ਹੇਠ ਹੋਈ ਮੀਟਿੰਗ ਵਿੱਚ ਪ੍ਰਧਾਨ ਪ੍ਰਕਾਸ਼ ਸਿੰਘ ਚੜੇਵਾਣ, ਵਾਈਸ ਪ੍ਰਧਾਨ ਹਰਬੰਸ ਸਿੰਘ, ਔਰਗੇਨਾਈਜਰ ਜਸਵਿੰਦਰ ਸਿੰਘ ਰਾਜੂ ਸੀ ਆਈ ਡੀ, ਰਜਿੰਦਰ ਸਿੰਘ, ਕਾਲਾ ਸਿੰਘ ਦੋਵੇਂ ਸੀਨੀਅਰ ਸਲਾਹਕਾਰ, ਨਿਰਮਲ ਸਿੰਘ, ਪ੍ਰੇਮ ਪਾਲ, ਪਾਲਾ, ਜਗਦੇਵ ਸਿੰਘ, ਭਿੰਦਾ ਤੇ ਜੱਸੀ ਐਂਬੂਲੈਂਸ ਵਾਲਾ ਹਾਜਰ ਸਨ। ਬਲੱਡ ਦੇਣ ਸਮੇਂ ਵੀ ਪ੍ਰਧਾਨ ਪ੍ਰਕਾਸ਼ ਸਿੰਘ ਚੜੇਵਾਣ, ਵਾਈਸ ਪ੍ਰਧਾਨ ਹਰਬੰਸ ਸਿੰਘ, ਕੁਆਰਡੀਨੇਟਰ ਜਸਵਿੰਦਰ ਸਿੰਘ ਰਾਜੂ ਸੀ ਆਈ ਡੀ, ਕਾਲਾ ਸਿੰਘ ਅਤੇ ਰਮੇਸ਼ ਕੁਮਾਰ ਹਾਜਰ ਸਨ।