Manpreet Singh
ਬਠਿੰਡਾ ,4 ਅਗਸਤ ( ਰਾਮ ਸਿੰਘ ਕਲਿਆਣ)ਪਾਤਸ਼ਾਹੀ ਛੇਵੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੇ ਚਰਨ ਛੋਹ ਪ੍ਰਾਪਤ ਅਤੇ ਭਾਈ ਬਹਿਲੋ ਦਾ ਇਤਿਹਾਸਕ ਨਗਰ ਭਗਤਾ ਭਾਈ ਬਠਿੰਡਾ ਜਿੱਲੇ ਦੇ ਬਾਜਾਖਾਨਾ ਬਰਨਾਲਾ ਸਥਿਤ ਆਸ ਪਾਸ ਦੇ ਕਰੀਬ 29 ਪਿੰਡਾ ਨੂੰ ਸਹੂਲਤਾ ਦੇਣ ਲਈ ਬਲਾਕ ਬਣਾਇਆ ਗਿਆ ਸੀ ।
ਪਰ ਹੁਣ ਭਗਤਾ ਭਾਈਕਾ ਬਲਾਕ ਨੂੰ ਖਾਰਜ ਕਰਕੇ ਫੂਲ਼ ਬਲਾਕ ਵਿੱਚ ਮਰਜ ਕਰਨ ਦੀ ਚਰਚਾ ਨੇ ਨਵੀ ਚਿੰਤਾ ਸਹੇੜ ਦਿਤੀ ਹੈ । ਬਠਿੰਡਾ ਜ਼ਿਲ੍ਹੇ ਦੇ ਕੁਲ 9 ਬਲਾਕਾਂ ਵਿਚੋਂ ਭਗਤਾ ਭਾਈ ਨੂੰ ਖਾਰਜ ਕਰਕੇ 8 ਬਲਾਕ ਬਣਾਉਣ ਦੀ ਚਰਚਾ ਕਾਰਨ ਵੱਖ-ਵੱਖ ਕਿਸਾਨ, ਰਾਜਨੀਤਿਕ,ਸਮਾਜਿਕ ਅਤੇ ਧਾਰਮਿਕ ਜਥੇਬੰਦੀਆ ਧਰਨਾ ਪ੍ਰਦਰਸ਼ਨ ਕਰਨ ਲਈ ਪ੍ਰੋਗਰਾਮ ਉਲੀਕ ਰਹੀਆ ਹਨ ਪੰਜਾਬ ਕਾਂਗਰਸ ਪਾਰਟੀ ਦੇ ਸੂਬਾ ਮੀਤ ਪ੍ਰਧਾਨ ਕਿਸਾਨ ਵਿੰਗ ਜਸਵਿੰਦਰ ਸਿੰਘ ਜੱਸ ਦੀ ਅਗਵਾਈ ਵਿੱਚ ਅੱਜ ਰੋਸ਼ ਪ੍ਰਦਰਸ਼ਨ ਕੀਤਾ ਗਿਆ । ਸ੍ਰੋਮਣੀ ਅਕਾਲੀ ਦਲ ਵੱਲੋ 6 ਅਗਸਤ ਨੂੰ ਧਰਨਾ ਦੇਣ ਦੀ ਜਾਣਕਾਰੀ ਪ੍ਰਾਪਤ ਹੋਈ । ਸੁਖਮੰਦਰ ਸਿੰਘ ਸਿੱਧੂ ਜ਼ਿਲ੍ਹਾ ਪ੍ਰੈਸ ਸਕੱਤਰ ਭਾਕਿਯੂ ਕ੍ਰਾਂਤੀਕਾਰੀ ਨੇ ਦੱਸਿਆ ਕਿ ਭਗਤਾ ਭਾਈ ਬਲਾਕ ਨੂੰ ਵਿਭਾਗੀ ਤੌਰ ਤੇ ਖਤਮ ਕਰਨ ਦੇ ਵਿਰੁੱਧ ਅਤੇ ਮੁੜ ਬਹਾਲਗੀ ਲਈ ਭਾਕਿਯੂ ਕ੍ਰਾਂਤੀਕਾਰੀ ਪੰਜਾਬ ਵੱਲੋਂ ਬਲਾਕ ਅਧੀਨ ਆਉਂਦੇ ਕੁਲ ਕਰੀਬ 29 ਪਿੰਡਾਂ ਦੇ ਲੋਕਾਂ ਨੂੰ ਲਾਮਬੰਦ ਕਰਕੇ ਆਉਂਦੀ 8 ਅਗਸਤ ਨੂੰ ਸਬ ਤਹਿਸੀਲ ਭਗਤਾ ਭਾਈਕਾ ਚ ਵੱਡਾ ਪ੍ਰਦਰਸ਼ਨ ਕੀਤਾ ਜਾਵੇਗਾ। ਜਿਸ ਵਿਚ ਸਮੂਹ ਜਨਤਕ ਜਥੇਬੰਦੀਆਂ ਤੇ ਕਿਸਾਨ ਜਥੇਬੰਦੀਆਂ ਨੂੰ ਨਾਲ ਲੈਕੇ ਵੱਡਾ ਇਕੱਠ ਕੀਤਾ ਜਾਵੇਗਾ।
