ਅਕਾਲੀ ਦਲ ਦੇ ਉਮੀਦਵਾਰ ਨੇ ਕਾਂਗਰਸ ਉਮੀਦਵਾਰ ਨੂੰ ਦਿੱਤਾ ਸਮਰਥਨ –

ਮਾਛੀਵਾਡ਼ਾ ਸਾਹਿਬ, 19 ਦਸੰਬਰ (ਸੁੱਚਾ ਬੰਗੜ) ਨਗਰ ਕੌਂਸਲ ਚੋਣਾਂ ਨੂੰ ਲੈ ਕੇ ਵਾਰਡ ਨੰਬਰ 4 ਵਿਚ ਬਡ਼ੀ ਉੱਥਲ ਪੁਥਲ ਹੋ ਰਹੀ ਹੈ ਅਤੇ ਇੱਥੋਂ ਅਕਾਲੀ ਦਲ ਦੇ ਵਾਰਡ ਨੰਬਰ 4 ਤੋਂ ਉਮੀਦਵਾਰ ਰਵੀ ਜੋ ਕਿ ਪਹਿਲਾਂ ‘ਆਪ’ ਵਿਚ ਸ਼ਾਮਲ ਹੋ ਗਿਆ ਸੀ, ਅੱਜ ਉਸਨੇ ਕਾਂਗਰਸ ਪਾਰਟੀ ਦੇ ਵਾਰਡ ਤੋਂ ਉਮੀਦਵਾਰ ਸੁਰਿੰਦਰ ਛਿੰਦੀ ਨੂੰ ਸਮਰਥਨ ਦਿੱਤਾ ਹੈ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਮੀਦਵਾਰ ਸੁਰਿੰਦਰ ਛਿੰਦੀ ਨੇ ਕਿਹਾ ਕਿ ਸਾਡੇ ਵਿਚ ਜੋ ਕੁਝ ਗਲਤ ਫਹਿਮੀਆਂ ਸਨ ਉਹ ਹੁਣ ਦੂਰ ਹੋ ਗਈਆਂ ਹਨ ਅਤੇ ਰਵੀ ਆਪਣੇ ਸਮਰਥਕਾਂ ਸਮੇਤ ਕਾਂਗਰਸ ਦਾ ਸਾਥ ਦੇਵੇਗਾ। ਉਨ੍ਹਾਂ ਕਿਹਾ ਕਿ ਵਾਰਡ ਨੰਬਰ 4 ਤੋਂ ਕਾਂਗਰਸ ਭਾਰੀ ਬਹੁਮਤ ਨਾਲ ਜਿੱਤੇਗੀ। ਉਮੀਦਵਾਰ ਸੁਰਿੰਦਰ ਛਿੰਦੀ ਨੇ ਕਿਹਾ ਕਿ ਲੋਕਾਂ ਦਾ ਭਰਵਾਂ ਸਮਰਥਨ ਮਿਲ ਰਿਹਾ ਹੈ ਅਤੇ ਉਨ੍ਹਾਂ ਦਾ ਉਦੇਸ਼ ਸ਼ਹਿਰ ਦਾ ਵਿਕਾਸ ਅਤੇ ਲੋਕ ਸਮੱਸਿਆਵਾਂ ਦਾ ਹੱਲ ਕਰਨਾ ਹੈ। ਇਸ ਮੌਕੇ ਪਰਮਜੀਤ ਨੀਲੋਂ ਆਦਿ ਵੀ ਮੌਜੂਦ ਸਨ।