ਆਪ ਸਰਕਾਰ ਨੇ ਬਿਨਾਂ ਰਿਸਵਤ ਬਿਨਾਂ ਸਿਫਾਰਸ ਦਿੱਤੀਆਂ ਨੌਕਰੀਆਂ : ਵਿੱਕੀ ਘਨੌਰ 

 ਘਨੌਰ 9 ਅਪ੍ਰੈਲ(ਅਭਿਸ਼ੇਕ ਸੂਦ) ਬੀਤੇ ਸਮੇਂ ਦੀ ਰਾਜਨੀਤੀ ਦੌਰਾਨ ਪੰਜਾਬ ਚ ਵੱਖ ਵੱਖ ਪਾਰਟੀਆਂ ਦਾ ਰਾਜ਼ ਰਿਹਾ ਹੈ। ਪ੍ਰੰਤੂ ਹੁਣ ਪੰਜਾਬ ਦੀ ਰਾਜਨੀਤੀ ਚ ਇਕ ਇਤਿਹਾਸਕ ਮੋੜ ਆ ਗਿਆ ਹੈ। ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਅਗਵਾਈ ਹੇਠ ਸਰਕਾਰ ਚਾਰ ਸਾਲਾਂ ਚ ਤਕਰੀਬਨ 65,000 ਸਰਕਾਰੀ ਨੌਕਰੀਆਂ ਦੇ ਕੇ ਇੱਕ ਨਵਾਂ ਰਿਕਾਰਡ ਕਾਇਮ ਕੀਤਾ ਹੈ। ਇਨ੍ਹਾਂ ਸਬਦਾਂ ਦਾ ਪ੍ਰਗਟਾਵਾ ਹਲਕਾ ਘਨੌਰ ਤੋਂ ਸੀਨੀਅਰ ਆਪ ਆਗੂ ਅਤੇ ਪੰਜਾਬ ਹੈਲਥ ਸਿਸਟਮ ਕਾਰਪੋਰੇਸ਼ਨ ਦੇ ਵਾਈਸ ਚੇਅਰਮੈਨ ਮਨਿੰਦਰਜੀਤ ਸਿੰਘ ਵਿੱਕੀ ਘਨੌਰ  ਨੇ ਪਤਰਕਾਰਾਂ ਨਾਲ਼ ਗੱਲਬਾਤ ਕਰਦਿਆਂ ਕਹੇ , ਉਹਨਾਂ ਕਿਹਾ ਇਹ ਸਾਰੀਆਂ ਨੌਕਰੀਆਂ ਬਿਨਾਂ ਕਿਸੇ ਰਿਸਵਤ ਤੇ ਬਿਨਾਂ ਕਿਸੇ ਸਿਫਾਰਿਸ ਦੇ ਸਿਰਫ ਮੈਰਿਟ ਦੇ ਆਧਾਰ ਤੇ ਦਿੱਤੀਆਂ ਗਈਆਂ ਹਨ, ਜੋ ਕਿ 70 ਸਾਲਾਂ ਚ ਪੰਜਾਬ ਦੇ ਇਤਿਹਾਸ ਚ ਬਹੁਤ ਵੱਡਾ ਬਦਲਾਅ ਮੰਨਿਆ ਜਾ ਰਿਹਾ ਹੈ। ਪਿਛਲੀਆਂ ਸਰਕਾਰਾਂ ਦੌਰਾਨ ਨੌਕਰੀਆਂ ਲਈ ਲੋਕਾਂ ਨੂੰ ਸਿਫਾਰਸ਼ਾਂ,ਰਿਸ਼ਵਤਖੋਰਾਂ ਦੇ ਦਰ ਭਟਕਣਾ ਪੈਂਦਾ ਸੀ, ਪਰ ਮੌਜੂਦਾ ਸਰਕਾਰ ਨੇ ਸਾਫ਼ ਸੁਥਰੀ,ਪਾਰਦਰਸੀ ਪ੍ਰਣਾਲੀ ਲਾਗੂ ਕਰ ਕੇ ਪੰਜਾਬ ਦੇ ਨੌਜਵਾਨਾਂ ਦਾ ਭਰੋਸਾ ਜਿੱਤਿਆ ਹੈ। ਉਹਨਾਂ ਕਿਹਾ ਹੁਣ ਨੌਕਰੀਆਂ ਲਈ ਕਿਸੇ ਰਿਸਵਤ ਦੀ ਨਹੀਂ ਸਿਰਫ ਯੋਗਤਾ ਤੇ ਮਿਹਨਤ ਦੀ ਕਦਰ ਹੋ ਰਹੀ ਹੈ। ਮਨਿੰਦਰਜੀਤ ਸਿੰਘ ਵਿੱਕੀ ਨੇ ਭਗਵੰਤ ਮਾਨ ਸਰਕਾਰ ਦੇ ਕੰਮਾਂ ਦੀ ਸਲਾਘਾ ਕਰਦਿਆਂ ਕਿਹਾ ਕਿ ਇਹ ਨੌਕਰੀਆਂ  ਨਹੀਂ ਸਗੋਂ ਹਜਾਰਾਂ ਘਰਾਂ ਚ ਖੁਸਹਾਲੀ ਦੀ ਕਿਰਨ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਸਰਕਾਰ ਦਾ ਟੀਚਾ ਹਰ ਘਰ ਚ ਰੁਜਗਾਰ ਪਹੁੰਚਾਉਣਾ ਤੇ ਪੰਜਾਬ ਦੇ ਨੌਜਵਾਨਾਂ ਨੂੰ ਆਪਣੇ ਸੂਬੇ ਚ ਹੀ ਰੋਜ਼ਗਾਰ ਦੇ ਮੌਕੇ ਪ੍ਰਦਾਨ ਕਰਨਾ ਹੈ। ਉਨ੍ਹਾਂ ਇਹ ਵੀ ਦਾਅਵਾ ਕੀਤਾ ਕਿ ਆਉਣ ਵਾਲੇ ਸਮੇਂ ਚ ਪੰਜਾਬ ਸਰਕਾਰ ਵੱਲੋਂ ਹੋਰ ਨਵੀਂਆਂ ਭਰਤੀਆਂ ਕਰਨ ਜਾ ਰਹੀ ਹੈ।