Manpreet Singh
ਮੰਡੀ ਬਰੀਵਾਲਾ, 27 ਅਗਸਤ ()- ਨਗਰ ਪੰਚਾਇਤ ਬਰੀਵਾਲਾ ਦੇ ਕਾਰਜ ਸਾਧਕ ਅਫ਼ਸਰ ਵਰੁਣ ਕੁਮਾਰ ਸਹੋਤਾ ਨੇ ਸ਼ਹਿਰ ਵਾਸੀਆਂ ਨੂੰ ਅਪੀਲ ਕੀਤੀ ਹੈ ਕਿ ਜਿਹੜੇ ਵੀ ਦੁਕਾਨਦਾਰਾਂ ਅਤੇ ਘਰਾਂ ਦ ਮਾਲਕਾਂ ਦੇ ਪ੍ਰਾਪਰਟੀ ਟੈਕਸ ਬਕਾਇਆ ਹੈ, ਉਹ ਸਰਕਾਰ ਦੀ ਪਾਲਿਸੀ ਮਿਤੀ 31 ਅਗਸਤ 2025 ਤੱਕ ਭਰ ਸਕਦੇ ਹਨ। ਇਸ ਮਿਤੀ ਤੱਕ ਟੈਕਸ ਭਰਨ ਵਾਲਿਆਂ ਨੂੰ ਵਿਸ਼ੇਸ਼ ਛੋਟ ਮਿਲੇਗੀ। ਉਨ੍ਹਾਂ ਹੋਰ ਦੱਸਿਆ ਕਿ ਪ੍ਰਾਪਰਟੀ ਟੈਕਸ ਇਕੱਤਰ ਕਰਨ ਲਈ ਦਫ਼ਤਰ ਨਗਰ ਪੰਚਾਇਤ ਬਰੀਵਾਲਾ ਸ਼ਨੀਵਾਰ ਅਤੇ ਐਤਵਾਰ ਨੂੰ ਆਮ ਦਿਨਾਂ ਵਾਂਗ ਖੁੱਲਾ ਰਹੇਗਾ। ਸ਼ਹਿਰ ਵਾਸੀ ਦਫ਼ਤਰ ਵਿਖੇ ਪਹੁੰਚ ਕੇ ਸਰਕਾਰ ਦੀ ਪਾਲਿਸੀ ਵਨਟਾਇਮ ਸੈਟਲਮੈਂਟ ਅਨੁਸਾਰ ਟੈਕਸ ਭਰਾ ਕੇ ਫਾਇਦਾ ਲੈ ਸਕਦੇ ਹਨ। ਕਾਰਜ ਸਾਧਕ ਅਫ਼ਸਰ ਨੇ ਦੱਸਿਆ ਕਿ ਜਿਹੜੇ ਲਾਭਪਾਤਰੀਆਂ ਦਾ ਲੰਮੇ ਸਮੇਂ ਤੋਂ ਟੈਕਸ ਬਕਾਇਆ ਹੈ, ਉਹ ਵੀ ਇਸ ਪਾਲਿਸੀ ਦਾ ਫਾਇਦਾ ਉਠਾ ਸਕਦੇ ਹਨ।
