ਮੇਰਾ ਵਾਰਡ,ਮੇਰੀ ਸ਼ਾਨ- ਸੁਰਿੰਦਰ ਕੁਮਾਰ ਸ਼ਿੰਦੀ

ਮੈਂ ਸੇਵਾਦਾਰ ਬਣ ਕੇ ਹੀ ਲੋਕਾਂ ਵਿੱਚ ਵਿਚਰਾਂਗਾ।

ਮਾਛੀਵਾੜਾ ਸਾਹਿਬ, 13 ਦਸੰਬਰ (ਸੁੱਚਾ ਬੰਗੜ) ਨਾਮਜਾਦਗੀ ਪੱਤਰ ਦਾਖਲ ਕਰਨ ਤੋਂ ਬਾਅਦ ਚੋਣ ਅਖਾੜਾ ਭੱਖ ਚੁੱਕਿਆ ਹੈ। ਹਰ ਇਕ ਪਾਰਟੀ ਵੱਲੋਂ ਵਾਰਡਾਂ ਵਿੱਚ ਆਪਣੇ ਆਪਣੇ ਉਮੀਦਵਾਰ ਉਤਾਰ ਦਿੱਤੇ ਗਏ ਹਨ। ਇਸੇ ਤਹਿਤ ਕਾਂਗਰਸ ਪਾਰਟੀ ਵੱਲੋਂ ਵਾਰਡ ਨੰਬਰ ਚਾਰ ਤੋਂ ਸੁਰਿੰਦਰ ਕੁਮਾਰ ਸ਼ਿੰਦੀ ਨੂੰ ਦੁਬਾਰਾ ਚੋਣ ਮੈਦਾਨ ਵਿੱਚ ਉਤਾਰਿਆ ਗਿਆ ਹੈ। ਸੁਰਿੰਦਰ ਕੁਮਾਰ ਸ਼ਿੰਦੀ ਪਹਿਲਾਂ ਵੀ ਇਸ ਵਾਰਡ ਤੋਂ ਚੋਣ ਜਿੱਤ ਕੇ ਕਾਂਗਰਸ ਦੀ ਝੋਲੀ ਵਿੱਚ ਸ਼ੀਟ ਪਾ ਚੁੱਕੇ ਹਨ। ਇਸ ਲਈ ਇੱਕ ਵਾਰ ਫਿਰ ਉਹਨਾਂ ਤੇ ਭਰੋਸਾ ਜਤਾਇਆ ਗਿਆ। ਸੁਰਿੰਦਰ ਕੁਮਾਰ ਸ਼ਿੰਦੀ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਕਾਂਗਰਸ ਪਾਰਟੀ ਨੇ ਮੈਨੂੰ ਜੋ ਮਾਣ ਬਖਸ਼ਿਆ ਹੈ ਮੈਂ ਉਸ ਤੇ ਪੂਰੀ ਤਰ੍ਹਾਂ ਖਰਾ ਉਤਰਨ ਦੀ ਕੋਸ਼ਿਸ਼ ਕਰਾਂਗਾ। ਇਸ ਤੋਂ ਇਲਾਵਾ ਉਹਨਾਂ ਨੇ ਕਿਹਾ ਕਿ ਮੇਰੇ ਵਾਰਡ ਦੇ ਲੋਕਾਂ ਨੇ ਮੈਨੂੰ ਪਹਿਲਾਂ ਵੀ ਮਾਣ ਬਖਸ਼ਿਆ ਹੈ ਅਤੇ ਮੈਨੂੰ ਪੂਰੀ ਆਸ ਹੈ ਵਾਰਡ ਦੇ ਲੋਕ ਇਸ ਵਾਰ ਵੀ ਮੈਨੂੰ ਮਾਣ ਬਖਸ਼ਣਗੇ। ਕਿਉਂਕਿ ਮੈਂ ਉਨਾਂ ਦੇ ਹਮੇਸ਼ਾ ਸੁੱਖ ਦੁੱਖ ਦਾ ਸਾਥੀ ਰਿਹਾ ਹਾਂ ਅਤੇ ਉਹ ਵੀ ਮੇਰੇ ਨਾਲ ਹਮੇਸ਼ਾ ਖੜਦੇ ਹਨ। ਮੈਂ ਕਾਉਂਸਲਰ ਨਹੀਂ  ਉਹਨਾਂ ਦਾ ਸੇਵਾਦਾਰ ਬਣ ਕੇ ਹੀ ਉਹਨਾਂ ਦੀ ਸੇਵਾ ਕੀਤੀ ਹੈ ਅਤੇ ਸੇਵਾ ਕਰਦਾ ਰਹਾਂਗਾ। ਮੇਰੇ ਵਾਰਡ ਅਤੇ ਸ਼ਹਿਰ ਦਾ ਹਰ ਇੱਕ ਵੋਟਰ ਸੂਝਵਾਨ ਹੈ ਜੋ ਕਿ ਕਾਂਗਰਸ ਪਾਰਟੀ ਨੂੰ ਵੋਟ ਪਾ ਕੇ ਵੱਡੀ ਬਹੁਮਤ ਨਾਲ ਜਿਤਾਵੇਗਾ। ਇਸ ਤੋਂ ਇਲਾਵਾ ਉਹਨਾਂ

ਨੇ ਕਿਹਾ ਕਿ ਇਹ ਸ਼ੀਟ ਜਿੱਤ ਕੇ ਮੈਂ ਰਾਜਾ ਗਿੱਲ ਦੀ ਝੋਲੀ ਵਿੱਚ ਪਾ ਕੇ ਰਾਜਾ ਗਿੱਲ ਨੂੰ ਕਾਮਯਾਬ ਕਰਾਂਗਾ ਅਤੇ ਕਾਂਗਰਸ ਪਾਰਟੀ ਨੂੰ ਹਮੇਸ਼ਾ ਉੱਪਰ ਲੈ ਕੇ ਜਾਣ ਲਈ ਤਨੋ ਮਨੋ ਮਿਹਨਤ ਕਰਾਂਗਾ।