‘ਸਤਲੁਜ’ ਫਿਲਮ ਨੂੰ ਓਟੀਟੀ ਪਲੇਟਫਾਰਮ ਤੋ ਹਟਾਉਣ ਨਾਲ ਕੇਂਦਰ ਸਰਕਾਰ ਦਾ ਸਿੱਖ ਕੌਮ ਵਿਰੋਧੀ ਚਿਹਰਾਂ ਨੰਗਾ ਹੋਇਆ -ਅਤਲਾ

ਬਠਿੰਡਾ 8 ਜੁਲਾਈ (ਸੁਰਿੰਦਰਪਾਲ ਸਿੰਘ ):- ਸ਼ਹੀਦ ਬਾਬਾ ਦੀਪ ਸਿੰਘ ਸੇਵਾ ਦਲ ਪੰਜਾਬ ਦੇ ਮੁੱਖ ਸੇਵਾਦਾਰ ਭਾਈ ਸੁਖਚੈਨ ਸਿੰਘ ਅਤਲਾ ਨੇ ਪ੍ਰੈਸ ਨੋਟ ਜਾਰੀ ਕਰਦਿਆਂ ਕਿਹਾ ਕਿ ਮਨੁੱਖੀ ਅਧਿਕਾਰਾਂ ਦੇ ਰਾਖੇ ਭਾਈ ਜਸਵੰਤ ਸਿੰਘ ਖਾਲੜਾ ਦਾ ਦਰਦ ਬਿਆਨ ਕਰਦੀ ‘ਸਤਲੁਜ’ ਫਿਲਮ ਨੂੰ ਓਟੀਟੀ ਪਲੇਟਫਾਰਮ ਤੋਂ ਹਟਾਉਣ ਨਾਲ ਸਰਕਾਰ ਦਾ ਸਿੱਖ ਕੌਮ ਵਿਰੋਧੀ ਚਿਹਰਾਂ ਨੰਗਾ ਹੋਇਆ ਹੈ ਤੇ ਇਸ ਸਰਕਾਰੀ ਧੱਕੇ ਦੀ ਸਮੁੱਚੀ ਕੌਮ ਨਿਖੇਧੀ ਕਰਦੀ ਹੈ । ਭਾਈ ਅਤਲਾ ਨੇ ਅੱਗੇ ਕਿਹਾ ਕਿ ‘ਸਤਲੁਜ’ ਫਿਲਮ ਜੋ ਆਪਣੇ ਨਿਰਮਾਣ ਸਮੇ ਤੋਂ ਲੰਭੀ ਪ੍ਰੀਕਿਰਿਆ ਵਿੱਚੋ ਦੀ ਲੰਘ ਕੇ ਜਦੋ ਦਰਸਕਾਂ ਦੇ ਰੁਬਰੂ ਹੋਣ ਲਈ ਰਿਲੀਜ ਹੋਣ ਲਈ ਤਿਆਰ ਹੋਈ ਤਾਂ ਸਰਕਾਰ ਨੇ ਇਸ ਫਿਲਮ ਨੂੰ ਸਿਨੇਮਾਂ ਘਰਾਂ ਵਿੱਚ ਰਿਲੀਜ ਨਹੀ ਹੋਣ ਦਿੱਤਾ । ਹੁਣ ਜਦੋ ਤਿੰਨ ਸਾਲ ਦੀ ਲੰਭੀ ਉਡੀਕ ਤੋਂ ਬਾਅਦ ਫਿਲਮ ਜੀ-5 ਪਲੇਟਫਾਰਮ ਤੇ ਰਿਲੀਜ ਹੋਈ ਤਾਂ ਉਸ ਤੋਂ ਵੀ ਬੁਖਲਾਹਟ ਵਿੱਚ ਆਈ ਸਰਕਾਰ ਨੇ ਬੰਦ ਕਰਵਾ ਦਿੱਤਾ। ਉਨ੍ਹਾਂ ਅੱਗੇ ਕਿਹਾ ਕਿ ਫਿਲਮ 90 ਦੇ ਦਹਾਕੇ ਦੇ ਕਾਲੇ ਦੌਰ ਅਤੇ ਸਿੱਖਾ ਤੇ ਹੋਏ ਤਸੱਦਦ ਦੀ ਕਹਾਣੀ ਬਿਆਨ ਕਰਦੀ ਸੀ ਜੋ ਸੱਚ ਸਰਕਾਰ ਨੂੰ ਹਜਮ ਨਹੀ ਹੋਇਆ । ਫਿਲਮ ਨੂੰ ਜਬਰੀ ਰੋਕਣਾ ਸਰਕਾਰ ਦਾ ਤਾਨਾਸਾਹੀ ਕਦਮ ਹੈ ਜੋ ਸਿੱਖ ਕੌਮ ਨਾਲ ਧੱਕਾ ਹੈ । ਉਨਾ ਅੱਗੇ ਕਿਹਾ ਕਿ ਇਹੋ ਜਿਹੀਆਂ ਇਤਿਹਾਸਿਕ ਫਿਲਮਾਂ ਨਵੀਂ ਪੀੜੀ ਨੂੰ ਇਤਿਹਾਸ ਨਾਲ ਜੋੜਦੀਆਂ ਹਨ ਤੇ ਸਚਾਈ ਨੂੰ ਸਮਝਣ ਦਾ ਮੌਕਾਂ ਦਿੰਦੀਆਂ ਹਨ ।