ਸੂਬੇਦਾਰ ਰੋਸ਼ਨ ਲਾਲ ਵੱਲੋਂ ਸਰਕਾਰੀ ਸਕੂਲ ਵਿੱਚ ਸਜਾਵਟੀ ਬੂਟੇ ਲਗਾ ਕੇ ਮਨਾਇਆ ਗਿਆ ਬੱਚੀ ਦਾ ਜਨਮ ਦਿਨ

 ਨੂਰਪੁਰ ਬੇਦੀ, 19 ਦਸੰਬਰ ( ਦਲਜੀਤ ਚਨੌਲੀ  ) ਭਾਰਤੀ ਫੌਜ ਵਿੱਚ ਸੇਵਾ ਦੇ ਚੁੱਕੇ ਸੂਬੇਦਾਰ ਰੋਸ਼ਨ ਲਾਲ ਵੱਲੋਂ ਅੱਜ ਆਪਣੀ ਬੇਟੀ ਰਜਨੀ ਦੇਵੀ ਦਾ ਜਨਮ ਦਿਨ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਸਾਊਪੁਰ ਬੜੀਵਾਲ ਵਿਖੇ ਵੱਖ ਵੱਖ ਪ੍ਰਕਾਰ ਦੇ ਸੁੰਦਰ ਸਜਾਵਟੀ ਬੂਟੇ ਲਗਾ ਕੇ ਅਨੋਖੇ ਤਰੀਕੇ ਨਾਲ ਮਨਾਇਆ ਗਿਆ। ਸੂਬੇਦਾਰ ਰੋਸ਼ਨ ਲਾਲ ਨੇ ਗੱਲਬਾਤ ਕਰਦਿਆਂ ਕਿਹਾ ਉਨਾਂ ਦੀ ਬੇਟੀ ਰਜਨੀ ਦੇਵੀ ਇਸ ਵਕਤ ਜੀ ਐਨ ਐਮ ਦਾ ਕੋਰਸ ਕਰ ਰਹੀ ਹੈ। ਤੇ ਉਸਨੇ ਆਪਣੀ ਬਾਰਵੀਂ ਤੱਕ ਦੀ ਵਿਦਿਆ ਸਰਕਾਰੀ ਕੰਨਿਆ ਸਕੂਲ ਨੂਰਪੁਰ ਬੇਦੀ ਤੋਂ ਪ੍ਰਾਪਤ ਕੀਤੀ ਹੈ। ਉਹਨਾਂ ਨੇ ਕਿਹਾ ਕਿ ਸਾਨੂੰ ਪੰਜਾਬ ਦੇ ਸਰਕਾਰੀ ਸਕੂਲਾਂ ਦੇ ਵਿਦਿਅਕ ਢਾਂਚੇ ਨੂੰ ਪ੍ਰਫੁੱਲਿਤ ਕਰਨ ਦੇ ਲਈ ਆਪਣੀ ਨੇਕ ਕਮਾਈ ਵਿੱਚੋਂ ਇੱਕ ਹਿੱਸਾ ਸਰਕਾਰੀ ਸਕੂਲਾਂ ਦੇ ਵਿਕਾਸ ਲਈ ਲਗਾਉਣਾ ਚਾਹੀਦਾ ਹੈ। ਇਸ ਮੌਕੇ ਉੱਥੇ ਮੈਡਮ ਨਵਜੋਤ ਕੌਰ,ਸਰਬਜੀਤ ਕੌਰ, ਸਰਪੰਚ ਜਸਵਿੰਦਰ ਸਿੰਘ, ਬੱਲ ਸਾਊ ਪੁਰੀਆ, ਪਵਨ ਸ਼ਰਮਾ, ਬਾਊ, ਮੈਡਮ ਰੇਨੂ, ਪ੍ਰੇਮ ਲਤਾ ਤੇ ਸਕੂਲ ਦਾ ਸਟਾਫ ਤੇ ਸਾਰੇ ਬੱਚੇ ਹਾਜ਼ਰ ਸਨ।