ਹੈਲਥ ਫਾਰ ਆਲ ਸੁਸਾਇਟੀ ਨੇ ਸਿਵਲ ਹਸਪਤਾਲ ਦੇ ਟੀਬੀ ਮਰੀਜਾਂ ਨੂੰ ਪੌਸ਼ਟਿਕ ਖੁਰਾਕ ਦੀਆਂ ਕਿੱਟਾਂ ਵੰਡੀਆਂ

 ਮਨੁੱਖਤਾ ਦੀ ਸੇਵਾ ਹੀ ਅਸਲ ਪਰਉਪਕਾਰੀ ਕੰਮ ਹੈ – ਡਾ ਚੰਦਰ ਸ਼ੇਖਰ ਕੱਕੜ ਸਿਵਲ ਸਰਜਨ

ਫ਼ਰੀਦਕੋਟ, 19 ਦਸੰਬਰ (ਵਿਪਨ ਮਿੱਤਲ) – ਫਰੀਦਕੋਟ ਦੀ ਪ੍ਰਸਿੱਧ ਸਮਾਜ ਸੇਵੀ ਸੰਸਥਾ ਹੈਲਥ ਫਾਰ ਆਲ ਸੋਸਾਇਟੀ ਵਲੋਂ ਮਨੁੱਖਤਾ ਦੀ ਭਲਾਈ ਲਈ 20 ਟੀ ਬੀ ਦੇ ਮਰੀਜ਼ਾਂ ਨੂੰ ਪੋਸ਼ਟਿਕ ਖੂਰਾਕ ਦੀਆਂ ਕਿੱਟਾਂ ਵੰਡੀਆਂ ਗਈਆਂ।  ਜਾਣਕਾਰੀ ਦਿੰਦਿਆ ਸੰਸਥਾ ਦੇ ਜਨਰਲ ਸਕੱਤਰ ਵਿਜੇ ਸੂਰੀ ਨੇ ਦੱਸਿਆ ਕਿ ਹੈਲਥ ਫਾਰ ਆਲ ਸੁਸਾਇਟੀ ਜਰੂਰਤ ਅਨੁਸਾਰ ਮਨੁੱਖਤਾ ਦੀ ਭਲਾਈ ਲਈ ਕੰਮ ਕਰਦੀ ਹੈ । ਉਹਨਾਂ ਦੱਸਿਆ ਕਿ ਟੀਬੀ ਮਰੀਜਾਂ ਨੂੰ ਦਵਾਈ ਦੇ ਨਾਲ ਨਾਲ ਪੋਸ਼ਟਿਕ ਖੁਰਾਕ ਦੀ ਵੀ ਜਰੂਰਤ ਹੁੰਦੀ ਹੈ ਇਸ ਲਈ ਮਰੀਜਾਂ ਦੀ ਜਲਦੀ ਸਿਹਤਜਾਬੀ ਲਈ ਉਹਨਾਂ ਨੂੰ ਲੋੜੀਦੀ ਪੋਸ਼ਟਿਕ ਖੁਰਾਕ ਸੁਸਾਇਟੀ ਵੱਲੋਂ ਦਿੱਤੀ ਗਈ । ਇਸ ਮੌਕੇ ਡਾ ਚੰਦਰ ਸ਼ੇਖਰ ਕੱਕੜ ਸਿਵਲ ਸਰਜਨ ਡਾ ਵਰਿੰਦਰ ਕੁਮਾਰ ਸਹਾਇਕ ਸਿਵਲ ਸਰਜਨ ਡਾ ਵਿਸ਼ਵਦੀਪ ਗੋਇਲ ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ ਲੀਨਾ ਚੋਪੜਾ ਭੱਲਾ ਜਿਲਾ ਟੀਬੀ ਅਫਸਰ ਡਾ ਪਰਮਜੀਤ ਸਿੰਘ ਬਰਾੜ ਐੱਸ ਐਮ ਓ ਸਿਵਲ ਹਸਪਤਾਲ ਫਰੀਦਕੋਟ ਵਿਸੇਸ਼ ਤੌਰ ਤੇ ਪਹੁੰਚੇ । ਇਸ ਮੌਕੇ ਉਹਨਾਂ ਹੈਲਥ ਫਾਰ ਆਲ ਸੁਸਾਇਟੀ ਵੱਲੋਂ ਮਨੁੱਖਤਾ ਦੀ ਭਲਾਈ ਲਈ ਕੀਤੇ ਜਾ ਰਹੇ ਉਪਰਾਲੇ ਦੀ ਪ੍ਰਸੰਸ਼ਾ ਕੀਤੀ । ਉਹਨਾਂ ਕਿਹਾ ਕਿ ਸਾਨੂੰ ਲੋੜਵੰਦਾਂ ਦੀ ਮੱਦਦ ਕਰਦੇ ਰਹਿਣਾ ਚਾਹੀਦਾ ਹੈ । ਸਮਾਜ ਵਿੱਚ ਗੁਰਬਤ ਦੀ ਜਿੰਦਗੀ ਬਤੀਤ ਕਰ ਰਹੇ ਲੋਕਾਂ ਲਈ ਦਾਨੀ ਰੱਬ ਵਰਗਾ ਆਸਰਾ ਬਣ ਜਾਂਦੇ ਹਨ । ਮਨੁੱਖਤਾ ਦੀ ਸੇਵਾ ਹੀ ਅਸਲ ਪਰਉਪਕਾਰੀ ਕੰਮ ਹੈ । ਇਸ ਮੌਕੇ ਹੈਲਥ ਫਾਰ ਆਲ ਸੁਸਾਇਟੀ ਫਰੀਦਕੋਟ ਦੇ ਪ੍ਰਧਾਨ ਡਾ: ਵਿਸ਼ਵਦੀਪ ਗੋਇਲ ਨੇ ਦੱਸਿਆ  ਕਿ ਸੁਸਾਇਟੀ ਨੇ  ਸਿਵਲ ਹਸਪਤਾਲ ਵਿੱਚ ਲੋੜਵੰਦਾਂ ਦੀ ਜਰੂਰਤ ਨੂੰ ਧਿਆਨ ਵਿੱਚ ਰੱਖਦੇ ਹੋਏ  ਡਾਕਟਰਾਂ ਦੀ ਟੀਮ ਨੂੰ ਇੰਜੈਕਸ਼ਨ , ਅੱਖ ਵਿਭਾਗ  ਲਗਭਗ 200 ਸ਼ੀਸੀ ਸੌਂਪੀ ਅਤੇ ਆਪਣਾ ਘਰ ਆਸ਼ਰਮ ਵਿੱਚ ਰਹਿ ਰਹੇ ਲਵਾਰਸ ਵਿਅਕਤੀਆ ਲਈ ਕੈਲਸ਼ੀਅਮ

ਦੇ 1000 ਕੈਪਸੂਲ ਦੇ ਸਹਾਇਤਾ ਕੀਤੀ ।  ਉਹਨਾਂ ਕਿਹਾ ਕਿ ਲੋੜਵੰਦਾਂ ਬੁਜਰਗ, ਵਿਧਵਾ ਤੇ ਅੰਗਹੀਣਾਂ ਨੂੰ ਦੀਵਾਲੀ ਮੌਕੇ ਰਾਸ਼ਨ ਅਤੇ ਮਿਠਾਈ ਵੰਡ ਕੇ ਦੀਵਾਲੀ ਦੀਆਂ ਖੁਸ਼ੀਆ ਸਾਂਝੀਆਂ ਕੀਤੀਆ ਸਨ । ਡਾ: ਵਿਸ਼ਵਦੀਪ ਗੋਇਲ ਨੇ ਕਿਹਾ ਕਿ ਹੈਲਥ ਫਾਰ ਆਲ ਸੁਸਾਇਟੀ ਫਰੀਦਕੋਟ ਜਿੱਥੇ ਸਿਹਤ ਸੇਵਾਵਾਂ ਵਿੱਚ ਲੋੜਵੰਦਾਂ ਦੀ ਸਹਾਇਤਾ ਕਰਦੀ ਹੈ ਉੱਥੇ ਅਤਿ ਲੋੜਵੰਦਾਂ, ਬੁਜਰਗਾਂ ਤੇ  ਬੱਚਿਆਂ ਦੀ ਹਰ ਤਰਾਂ ਦੀ ਸਹਾਇਤਾ ਵਿੱਚ ਵੀ ਮੱਦਦ ਕਰਦੀ ਹੈ । ਇਸ ਮੌਕੇ ਡਾ ਰੁਪਿੰਦਰ ਕੌਰ, ਵਿਜੇ ਸੂਰੀ ਜਰਨਲ ਸਕੱਤਰ ਹੈਲਥ ਫਾਰ ਆਲ ਸੋਸਾਇਟੀ ਕਸ਼ਮੀਰ ਸਿੰਘ, ਬਲਦੇਵ ਰਾਜ ਗਰੋਵਰ, ਰਾਜੇਸ਼ ਮੋਂਗਾ, ਖੁਸ਼ਦੀਪ ਮੈਂਗੀ, ਸੋਹਣ ਸਿੰਘ, ਗੁਲਸ਼ਨ ਕੁਮਾਰ, ਨਵਦੀਪ ਸਿੰਘ  ਆਦਿ ਹਾਜਿਰ ਸਨ ।