ਕ੍ਰਿਸਮਸ ਦੇ ਸੰਬੰਧ ਚ 21 ਦਸੰਬਰ ਨੂੰ ਨਿਕਲਣ ਵਾਲੀ ਸ਼ੋਭਾ ਯਾਤਰਾ ਲਈ ਸੁਰੱਖਿਆ ਦੇ ਮੱਦੇਨਜ਼ਰ ਨਜਰ ਡੀ ਸੀ ਤੇ ਐਸ ਐਸ ਪੀ ਨੂੰ ਦਿੱਤਾ ਮੰਗ ਪੱਤਰ

ਫਿਰੋਜ਼ਪੁਰ 16 ਦਸੰਬਰ (ਅਸ਼ੋਕ ਭਾਰਦਵਾਜ) ਹਰ ਸਾਲ ਦੀ ਸਾਲ ਇਸ ਸਾਲ ਵੀ ਕ੍ਰਿਸਮਸ ਦਾ ਤਿਉਹਾਰ ਬੜੀ ਸ਼ਰਧਾ ਤੇ ਧੂਮ ਨਾਲ ਮਨਾਇਆ ਜਾ ਰਿਹਾ ਹੈ। ਇਸ ਦੇ ਸੰਬੰਧ ਚ ਸ਼ਾਨ ਏ ਮਸੀਹ ਸ਼ੋਭਾ ਯਾਤਰਾ ਦੀ ਪ੍ਰਬੰਧਕ ਕਮੇਟੀ ਵਲੋ 21 ਦਸੰਬਰ ਨੂੰ ਸ਼ੋਭਾ ਯਾਤਰਾ   ਕੱਢੀ ਜਾ ਰਹੀ ਹੈ। ਇਹ ਸ਼ੋਭਾ ਯਾਤਰਾ ਮਸੀਹ ਭਵਨ ਗਾਂਧੀ ਗਾਰਡਨ ਫਿਰੋਜ਼ਪੁਰ ਛਾਉਣੀ ਤੋ ਸ਼ੁਰੂ ਹੋ ਕੇ ਛਾਉਣੀ ਦੇ ਮੇਨ ਬਾਜਾਰ,ਪਾਇਲਟ ਚੋਂਕ,ਬਸਤੀ ਟੈਕਾਂ ਵਾਲੀ,ਗੋਬਿੰਦ ਨਗਰੀ,ਬਾਗੀ ਹਸਪਤਾਲ ਰੋਡ,ਨਾਮਦੇਵ ਚੋਂਕ,ਊਧਮ ਸਿੰਘ ਚੋਂਕ,ਦਿੱਲੀ ਗੇਟ ਤੋ ਹੁੰਦੇ ਹੋਏ ਸਿਟੀ ਥਾਣੇ ਦੇ ਸਾਹਮਣੇ ਵਾਲੀ ਪਾਰਕਿੰਗ ਚ ਖਤਮ ਹੋਵੇਗੀ। ਇਸ ਬਾਬਤ ਸੁਰੱਖਿਆ ਦੇ ਮੱਦੇਨਜ਼ਰ ਨਜਰ ਪ੍ਰਬੰਧਕ ਕਮੇਟੀ ਵਲੋ ਡੀ ਸੀ ਫਿਰੋਜ਼ਪੁਰ ਤੇ ਐਸ ਐਸ ਪੀ ਫਿਰੋਜ਼ਪੁਰ ਨੂੰ ਮੰਗ ਪੱਤਰ ਦਿੱਤਾ ਗਿਆ। ਇਸ ਮੋਕੇ ਵਿਜੇ ਗੋਰੀਆ ਦੇ ਨਾਲ ਸਮੂਹ ਪ੍ਰਬੰਧਕ ਕਮੇਟੀ ਦੇ ਨੁਮਾਇੰਦੇ ਹਾਜਿਰ ਰਹੇ।