ਗੋਨਿਆਣਾ ਰੋਡ ਤੇ ਵਿਅਕਤੀ ਦੇ ਘਰ ਪੈਟਰੋਲ ਬੰਬ ਨਾਲ ਹਮਲਾ- ਭਾਜਪਾ ਆਗੂ ਗੋਰਾ ਪਠੇਲਾ ਨੇ ਸੁਣੀ ਪੀੜਤ ਪਰਿਵਾਰ ਦੀ ਆਪਬੀਤੀ- ਇੰਸਾਫ ਦੁਆਉਣ ਦਾ ਦਿੱਤਾ ਭਰੋਸਾ-

ਸ੍ਰੀ ਮੁਕਤਸਰ ਸਾਹਿਬ, 08 ਅਗਸਤ (ਮਨਜੀਤ ਸਿੱਧੂ) – ਗੋਨਿਆਣਾ ਰੋਡ ਗਲੀ ਨੰਬਰ 29 ਵਿਖੇ ਅਣਪਛਾਤੇ ਵਿਅਕਤੀਆਂ ਵੱਲੋਂ ਤਾਰਾ ਚੰਦ ਨਾਮ ਦੇ ਵਿਅਕਤੀ ਦੇ ਘਰ ਪੈਟਰੋਲ ਬੰਬ ਨਾਲ ਹਮਲਾ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਮਾਮਲੇ ਨੂੰ ਭਾਜਪਾ ਦੇ ਸਾਬਕਾ ਜਿਲਾ ਪ੍ਰਧਾਨ ਰਾਜੇਸ਼ ਗੋਰਾ ਪਠੇਲਾ ਨੇ ਉਜਾਗਾਰ ਕੀਤਾ ਹੈ। ਗੋਰਾ ਪਠੇਲਾ ਤੇ ਹੋਰ ਵਰਕਰਾਂ ਵੱਲੋਂ ਪੀੜਤ ਤਾਰਾ ਚੰਦ ਦੇ ਗ੍ਰਹਿ ਦਾ ਦੌਰਾ ਕੀਤਾ ਗਿਆ ਤੇ ਉਸ ਦੀ ਆਾਪਬੀਤੀ ਸੁਣੀ ਗਈ। ਇਸ ਮੌਕੇ ਤਾਰਾ ਚੰਦ ਨੇ ਗੋਰਾ ਪਠੇਲਾ ਤੇ ਹੋਰਾਂ ਨੂੰ ਦੱਸਿਆ ਕਿ ਬੀਤੇ ਦਿਨੀਂ ਉਸਦੇ ਗ੍ਰਹਿ ਵਿਖੇ ਪੈਟਰੋਲ ਬੰਬ ਨਾਲ ਹਮਲਾ ਹੋਇਆ ਪਰ ਪੁਲਿਸ ਵੱਲੋਂ ਸ਼ਿਕਾਇਤ ਦੇਣ ਦੇ ਬਾਵਜੂਦ ਦੋਸ਼ੀਆਂ ਖਿਲਾਫ ਕੋਈ ਕਾਰਵਾਈ ਨਹੀਂ ਕੀਤੀ ਗਈ ਹੈ। ਜਿਸ ਤੇ ਗੋਰਾ ਪਠੇਲਾ ਨੇ ਪੁਲਿਸ ਪ੍ਰਸ਼ਾਸਨ ਨੂੰ ਵੀ ਤੁਰੰਤ ਇਸ ਮਸਲੇ ਤੇ ਦੋਸ਼ੀਆਂ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ ਤੇ ਪੀੜਤ ਪਰਿਵਾਰ ਨੂੰ ਮਦਦ ਦਾ ਭਰੋਸਾ ਦੁਆਇਆ। ਇਸ ਮੌਕੇ ਜਗਦੀਸ਼ ਸਿੰਘ, ਹਨੀ ਕਾਉਣੀ ਸਮੇਤ ਹੋਰ ਭਾਜਪਾ ਵਰਕਰ ਵੀ ਮੌਜੂਦ ਸਨ।