ਭਾਈ ਸੁਖਪਾਲ ਸਿੰਘ ਗੋਨਿਆਣਾ ਨੂੰ ਸਦਮਾ, ਸਹੁਰਾ ਸਾਹਬ ਦਾ ਦਿਹਾਂਤ

ਬਠਿੰਡਾ, 19 ਦਸੰਬਰ ( ਸੁਰਿੰਦਰਪਾਲ ਸਿੰਘ ) : ਏਕਨੂਰ ਖਾਲਸਾ ਫੌਜ ਦੇ ਆਗੂ ਤੇ ਭਾਈ ਬਹਿਲੋ ਫਿਜੀਕਲ ਟ੍ਰੇਨਿੰਗ ਸੈਂਟਰ ਦੇ ਮੁੱਖ ਸੇਵਾਦਾਰ ਭਾਈ ਸੁਖਪਾਲ ਸਿੰਘ ਗੋਨਿਆਣਾ ਨੂੰ ਉਸ ਸਮੇਂ ਸਦਮਾ ਲੱਗਿਆ ,ਜਦੋਂ ਉਹਨਾਂ ਦੇ ਸਹੁਰਾ ਸਾਹਬ ਦਰਸ਼ਨ ਸਿੰਘ ਸਿੱਧੂ ਸਦੀਵੀ ਵਿਛੋੜਾ ਦੇ ਗਏ। ਜਾਣਕਾਰੀ ਦੇ ਮੁਤਾਬਕ ਦਰਸ਼ਨ ਸਿੰਘ ਸਿੱਧੂ ਪਿੰਡ ਜਿਉਂਦ (ਜਿਲਾ ਬਠਿੰਡਾ) ਦੇ ਵਸਨੀਕ ਸਨ ਤੇ ਉਹ ਪੰਚਾਇਤ ਮੈਂਬਰ ਵੀ ਰਹੇ ਸਨ। ਉਹਨਾਂ ਦਾ ਪਿੰਡ ਵਿੱਚ ਕਾਫੀ ਚੰਗਾ ਅਸਰ ਰਸੂਖ਼ ਸੀ।ਉਹਨਾਂ ਦੀ ਉਮਰ 82 ਸਾਲ ਸੀ। ਉਹਨਾਂ ਦੀ ਮੌਤ ਅਚਾਨਕ ਹਾਰਟ ਅਟੈਕ ਹੋਣ ਕਰਕੇ ਹੋ ਗਈ,ਜਿਸ ਕਾਰਨ ਭਾਈ ਸੁਖਪਾਲ ਸਿੰਘ ਗੋਨਿਆਣਾ ਨੂੰ ਗਹਿਰਾ ਸਦਮਾ ਲੱਗਿਆ। ਇਸ ਸਦੀਵੀ ਵਿਛੋੜੇ ਕਰਕੇ ਸਮੂਹ ਧਾਰਮਿਕ,ਸਮਾਜਿਕ ਜਥੇਬੰਦੀਆਂ ਨੇ ਜਥੇਬੰਦੀਆਂ ਦੇ ਆਗੂਆਂ ਨੇ ਉਹਨਾਂ ਨਾਲ ਦੁੱਖ ਦਾ ਪ੍ਰਗਟਾਵਾ ਕੀਤਾ। ਉਨਾਂ ਦੀ ਆਤਮਿਕ ਸ਼ਾਂਤੀ ਨੂੰ ਮੁੱਖ ਰੱਖਦੇ ਹੋਏ 22 ਦਸੰਬਰ, ਦੁਪਹਿਰ 12:30 ਵਜੇ ਗੁਰਦੁਆਰਾ ਸਾਹਿਬ ਪਿੰਡ ਜਿਉਂਦ ( ਬਠਿੰਡਾ) ਵਿਖੇ ਸਹਿਜ ਪਾਠਾਂ ਦੇ ਭੋਗ ਪਾਏ ਜਾਣਗੇ।