ਮਹਾਨ ਮਹਾਂਪੁਰਸ਼ਾਂ ਦੇ ਵਿਚਾਰਾਂ ਨਾਲ ਜੋੜਨ ਲਈ ਗਿੱਦੜਬਾਹਾ ਵਿਖੇ 17ਵੀਂ ਪੁਸਤਕ ਪ੍ਰਤੀਯੋਗਤਾ ਕਰਵਾਈ

ਦੋਦਾ, ਗਿਦੜਬਾਹਾ, 01 ਸਤੰਬਰ (ਲਖਵੀਰ ਸਿੰਘ ਧੂਲਕੋਟੀਆ)-ਬੀਤੇ ਦਿਨੀ ਗਿੱਦੜਬਾਹਾ ਵਿਖੇ ਮਾਤਾ ਕਲਸਾ ਇੰਗਲਿਸ਼ ਸਟੱਡੀ ਸੈਂਟਰ ਵਿੱਚ ਡਾ.ਅੰਬੇਡਕਰ ਸਟੂਡੈਂਟ ਫਰੰਟ ਆਫ ਇੰਡੀਆ (DASFI), ਅੰਮ੍ਰਿਤਬਾਣੀ ਅਤੇ ਸੰਵਿਧਾਨ ਪ੍ਰਚਾਰਕ ਕਮੇਟੀ ਦੇ ਸਹਿਯੋਗ ਨਾਲ ਪ੍ਰਬੁੱਧ ਭਾਰਤ ਫਾਊਂਡੇਸ਼ਨ ਵੱਲੋਂ 17ਵੀਂ ਪੁਸਤਕ ਪ੍ਰਤੀਯੋਗਤਾ ਕਰਵਾਈ ਗਈ।ਇਸ ਪ੍ਰਤੀਯੋਗਤਾ ਵਿੱਚ ਬੱਚਿਆਂ ਅਤੇ ਨੌਜਵਾਨਾਂ ਨੇ ਉਤਸ਼ਾਹ ਨਾਲ ਭਾਗ ਲਿਆ। ਇਸ ਪ੍ਰੀਖਿਆ ਦਾ ਮੁੱਖ ਉਦੇਸ਼ ਬੱਚਿਆਂ ਅਤੇ ਨੌਜਵਾਨਾਂ ਨੂੰ ਬਾਬਾ ਸਾਹਿਬ ਡਾ. ਭੀਮ ਰਾਓ ਅੰਬੇਡਕਰ ਜੀ ਦੇ ਅਤੇ ਉਨ੍ਹਾਂ ਦੇ ਸਾਥੀ ਬਾਬੂ ਮੰਗੂ ਰਾਮ ਮੁਗੋਵਾਲੀਆ ਜੀ ਅਤੇ ਜੋਗਿੰਦਰ ਨਾਥ ਮੰਡਲ ਜੀ ਦੇ ਜੀਵਨ, ਸੰਘਰਸ਼, ਵਿਚਾਰਾਂ ਨਾਲ ਜੋੜਨਾ ਸੀ।ਆਯੋਜਕਾਂ ਨੇ ਪ੍ਰੀਖਿਆ ਵਿੱਚ ਭਾਗ ਲੈਣ ਵਾਲੇ ਸਾਰੇ ਵਿਦਿਆਰਥੀਆਂ ਦਾ ਧੰਨਵਾਦ ਕੀਤਾ ਗਿਆ।ਇਸ ਮੌਕੇ ਅੰਮ੍ਰਿਤਬਾਣੀ ਅਤੇ ਸੰਵਿਧਾਨ ਪ੍ਰਚਾਰਕ ਕਮੇਟੀ ਦੇ ਸੰਸਥਾਪਕ ਮਾਸਟਰ ਤਰਸੇਮ ਜਨਾਗਲ, DASFI ਦੇ ਪੰਜਾਬ ਉਪ-ਪ੍ਰਧਾਨ ਅਭਿਸ਼ੇਕ ਅੰਬੇਡਕਰ , ਐਮ.ਸੀ. ਰਮੇਸ਼ ਕੁਮਾਰ ਫੌਜੀ , ਪਵਨ ਕੁਮਾਰ ( ਸੱਕਤਰ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ DASFI ) ਤੋ ਇਲਾਵਾ ਯੂਥ ਸਾਥੀ ਜੋਨੀ ਰੰਗੇਰਾ, ਦਿਨੇਸ਼ ਫੋਜ਼ੀ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਰਹੇ।