ਮੈਡਮ ਰਜਿੰਦਰ ਕੌਰ ਨੇ ਤਰਨ ਤਾਰਨ ਜ਼ਿਲੇ ਦੇ ਉਪ ਜਿਲ੍ਹਾ ਸਿੱਖਿਆ ਅਫਸਰ ( ਸਕੈਂਡਰੀ ਵਿਭਾਗ) ਦਾ ਅਹੁਦਾ ਸੰਭਾਲਿਆ

ਸਰਾਏ ਅਮਾਨਤ ਖਾਂ, 10 ਜੂਨ (ਗੁਰਸ਼ਰਨ ਸਿੰਘ ਔਲਖ) – ਪੰਜਾਬ ਸਰਕਾਰ ਦੇ ਸਿੱਖਿਆ ਵਿਭਾਗ ਵੱਲੋਂ ਪਿੱਛਲੇ ਦਿਨੀਂ ਪ੍ਰਿੰਸੀਪਲਾ ਦੀਆਂ ਤਰੱਕੀਆਂ ਕੀਤੀਆਂ ਗਈਆਂ ਜਿਸ ਵਿੱਚ ਪ੍ਰਿੰਸੀਪਲ ਮੈਡਮ ਰਜਿੰਦਰ ਕੌਰ ਨੂੰ ਤਰਨ ਤਾਰਨ ਜ਼ਿਲੇ ਦੇ ਸਕੈਂਡਰੀ ਸਿੱਖਿਆ ਵਿਭਾਗ ਦਾ ਉਪ ਜ਼ਿਲਾ ਸਿੱਖਿਆ ਅਫ਼ਸਰ ਨਿਯੁਕਤ ਕੀਤਾ ਗਿਆ ਹੈ, ਮੈਡਮ ਰਜਿੰਦਰ ਕੌਰ ਨੇ ਅੱਜ ਆਪਣਾ ਅਹੁਦਾ ਸੰਭਾਲ ਲਿਆ ਹੈ। ਜਿਸ ਨਾਲ ਤਰਨ ਤਾਰਨ ਦੇ ਅਧਿਆਪਕਾਂ ਵਿੱਚ ਖੁਸ਼ੀ ਦੀ ਲਹਿਰ ਹੈ। ਇਸ ਮੌਕੇ ਹੈੱਡ ਮਾਸਟਰ ਨੋਸ਼ਹਿਰਾਂ, ਚੀਮਾ ਮਨਜੀਤ ਸਿੰਘ ਲਾਡੀ ਪੰਜਵੜ ਅਤੇ ਨਰਿੰਦਰ ਨੂਰ ਨੇ ਮੈਡਮ ਨੂੰ “ਜੀ ਆਇਆਂ”  ਕਹਿੰਦੇ ਹੋਏ ਸਿੱਖਿਆ ਮੰਤਰੀ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਤਰਨ ਤਾਰਨ ਜਿਲ੍ਹੇ ਚ ਪਿੱਛਲੇ ਲੰਮੇ ਸਮੇਂ ਤੋਂ ਇਹ ਬਹੁਤ ਜਰੁਰੀ ਪੋਸਟ ਖਾਲੀ ਸੀ। ਪ੍ਰੰਤੂ ਹੁਣ ਮੈਡਮ ਦੇ ਇਹ ਅਹੁਦਾ ਸੰਭਾਲ ਲੈਣ ਨਾਲ ਜਿੱਥੇ ਅਧਿਆਪਕਾਂ ਦੇ ਕੰਮ ਪੂਰੇ ਹੋਣ ਚ ਤੇਜੀ ਆਏਗੀ ਉੱਥੇ ਸਕੂਲਾਂ ਅਤੇ ਬੱਚਿਆਂ ਦੀ ਪੜਾਈ ਚ ਬਹੁਤ ਤੇਜੀ ਨਾਲ ਵਿਕਾਸ ਹੋਵੇਗਾ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਮੈਡਮ ਰਜਿੰਦਰ ਕੌਰ ਪਿੱਛਲੇ ਸਮੇਂ ਚ ਵੀ ਤਰਨ ਤਾਰਨ ਜਿਲ੍ਹੇ ਚ ਇਸ ਅਹੁਦੇ ਤੇ ਬਹੁਤ ਵਧੀਆ ਕੰਮ ਕਰ ਚੁਕੇ ਹਨ। ਮੈਡਮ ਰਜਿੰਦਰ ਕੌਰ ਨੇ ਕਿਹਾ ਕਿ ਉਹ ਅੱਗ੍ਹੇ ਵਾਂਗ ਸ਼੍ਰੀ ਗੁਰੂ ਅਰਜਨ ਦੇਵ ਜੀ ਦੀ ਇਸ ਪਾਵਨ ਧਰਤੀ ਤੇ ਆਪਣੇ ਤਨੋ ਮਨੋ ਧਨੋ ਸਕੂਲਾਂ ਦੀ ਅਤੇ ਬੱਚਿਆਂ ਦੀ ਬੇਹਤਰੀ ਲਈ ਦਿਨ ਰਾਤ ਸੇਵਾ ਕਰਦੇ ਰਹਿਣਗੇ. ਅਧਿਆਪਕਾਂ ਦਾ ਕੋਈ ਵੀ ਕੰਮ ਅਧੂਰਾ ਨਹੀਂ ਰਹਿਣ ਦਿੱਤਾ ਜਾਵੇਗਾ. ਇਸ ਮੌਕੇ ਮੁੱਖ ਅਧਿਆਪਕ ਬੁਰਜ਼ ਪਿੰਕਪਾਲ ਸਿੰਘ ਚਾਹਲ, ਸੁਪਰਡੈਂਟ  ਇਕਬਾਲ ਸਿੰਘ, ਸੀਨੀਅਰ ਸਹਾਇਕ  ਤਰਸੇਮ ਸਿੰਘ, ਆਲਮਬੀਰ ਸਿੰਘ, ਹਰਵਿੰਦਰ ਸਿੰਘ ਮੰਡ, ਗੁਰਸ਼ਿੰਦਰ ਪਾਲ ਸਿੰਘ, ਸੁਖਰਾਜ  ਸਿੰਘ  ਅਤੇ ਹੋਰ ਦਫ਼ਤਰੀ ਸਟਾਫ਼  ਹਾਜ਼ਿਰ ਸੀ।