ਰਾਣੀ ਕੌਰ ਨੂੰ ਸੀਨੀਅਰ ਸਿਪਾਹੀ ਦੀ ਤਰੱਕੀ ਮਿਲਣ ‘ਤੇ ਪਿੰਡ ਕਲਿਆਣ ਵਿੱਚ ਖੁਸ਼ੀ।

ਬਠਿੰਡਾ , 7 ਅਪ੍ਰੈਲ (ਰਾਮ ਸਿੰਘ ਕਲਿਆਣ)ਪਿੰਡ ਕਲਿਆਣ ਸੁੱਖਾ ਦੀ ਜੰਮਪਲ ਅਤੇ ਸੀਨੀਅਰ ਪੁਲਿਸ ਕਪਤਾਨ ਦਫ਼ਤਰ ਵਿੱਚ ਸੇਵਾਵਾ ਨਿਭਾਅ ਰਹੀ ਰਾਣੀ ਕੌਰ ਨੂੰ ਤਰੱਕੀ ਮਿਲਣ ਤੇ ਪਿੰਡ ਅਤੇ ਪਰਿਵਾਰ ਵਿੱਚ ਖੁਸ਼ੀ ਦੀ ਲਹਿਰ ਹੈ ।ਅਮਨੀਤ ਕੌਂਡਲ ਸੀਨੀਅਰ ਪੁਲਿਸ ਕਪਤਾਨ ਬਠਿੰਡਾ ਅਤੇ ਡੀ.ਐੱਸ.ਪੀ. ਵੱਲੋਂ  ਰਾਣੀ ਕੌਰ ਨੂੰ ਸੀਨੀਅਰ ਸਿਪਾਹੀ ਦੀ ਤਰੱਕੀ ਮਿਲਣ ‘ਤੇ ਉਸਦੀ ਵਰਦੀ ‘ਤੇ ਫੀਤੀਆਂ ਲਗਾ ਕੇ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਹ ਤਰੱਕੀ ਉਸਦੀ ਮਿਹਨਤ, ਨਿਸ਼ਠਾ ਅਤੇ ਸਮਰਪਣ ਦਾ ਨਤੀਜਾ ਹੈ। ਰਾਣੀ ਕੌਰ ਦੇ ਪਿਤਾ ਜਗਜੀਤ ਸਿੰਘ ਨੇ ਕਿਹਾ ਕਿ ਸਾਨੂੰ ਮਾਣ ਹੈ । ਜਿਕਰਯੋਗ ਹੈ ਰਾਣੀ ਕੌਰ ਪਿੰਡ ਕਲਿਆਣ ਸੁੱਖਾ ਦੇ ਸਾਬਕਾ ਪੰਚਾਇਤ ਮੈਂਬਰ ਅਤੇ ਸੀਨੀਅਰ ਕਾਂਗਰਸੀ ਆਗੂ ਜਗਰਾਜ ਸਿੰਘ ਦੀ ਭਤੀਜੀ ਹੈ ।ਇਸ ਮੌਕੇ ਪੁਲਿਸ ਅਧਿਕਾਰੀਆ ਨੇ ਕਿਹਾ ਕਿ ਬਠਿੰਡਾ ਪੁਲਿਸ ਆਪਣੇ ਜਵਾਨਾਂ ਦੇ ਮਨੋਬਲ ਨੂੰ ਹੋਰ ਉੱਚਾ ਚੁੱਕਣ ਲਈ ਹਮੇਸ਼ਾ ਵਚਨਬੱਧ ਹੈ ।