ਸਥਾਨਕ ਸਰਕਾਰ ਵਿਭਾਗ ਦੇ ਵਿਜੀਲੈਂਸ ਸੈੱਲ ਨੂੰ ਟਿੱਚ ਜਾਣਦਾ ਨਗਰ ਸੁਧਾਰ ਟਰੱਸਟ ਦਾ ਕਾਰਜ ਸਾਧਕ ਅਫ਼ਸਰ

Spread the love

ਬਠਿੰਡਾ 17 ਅਪ੍ਰੈਲ(ਐੱਸ ਐੱਸ ਰਾਹੀ):ਪੰਜਾਬ ਦੇ ਸਰਕਾਰੀ ਮਹਿਕਮਿਆਂ ਦੇ  ਜ਼ਿਆਦਾਤਰ ਸਰਕਾਰੀ ਬਾਬੂ ਆਪਣੀਆਂ ਮਨਮਰਜ਼ੀਆਂ ਲਈ ਮਸ਼ਹੂਰ ਹਨ, ਇਸ ਤਰਾਂ ਹੀ ਅਸੀਂ ਅੱਜ ਤੁਹਾਨੂੰ ਬਠਿੰਡਾ ਦੇ ਨਗਰ ਸੁਧਾਰ ਟਰੱਸਟ ਦੇ ਕਾਰਜ ਸਾਧਕ ਅਫ਼ਸਰ ਦੀ ਮਨਮਰਜ਼ੀ ਤੋਂ ਜਾਣੂ ਕਰਵਾਵਾਂਗੇ। ਨਥਾਨਾ ਵਾਸੀ ਗੋਪਾਲ ਕ੍ਰਿਸ਼ਨ ਵੱਲੋਂ ਪਲਾਂਟ ਨੰਬਰ.26 ,ਪਟੇਲ ਨਗਰ ਬਠਿੰਡਾ ਬਾਰੇ ਪਿਛਲੇ ਲੰਮੇ ਸਮੇਂ ਤੋਂ ਲੜਾਈ ਲੜੀ ਜਾ ਰਹੀ ਹੈ।ਉਹਨਾਂ ਨੇ ਜਾਣਕਾਰੀ ਦਿੰਦੇ ਹੋਏ  ਦੱਸਿਆ ਕਿ ਉਹਨਾਂ ਵੱਲੋਂ ਸਥਾਨਕ ਸਰਕਾਰ ਵਿਭਾਗ ਦੇ ਵਿਜੀਲੈਂਸ ਸੈਲ ਨੂੰ ਪਲਾਂਟ ਦੇ ਵਿਚ ਹੋਏ ਭਰਿਸਟਾਚਾਰ ਕਰਕੇ ਕਈ ਸ਼ਿਕਾਇਤਾਂ ਦਿੱਤੀਆਂ ਜੋ ਸਮੇਂ ਸਮੇਂ ਤੇ ਨਗਰ ਸੁਧਾਰ ਟਰਸਟ ਬਠਿੰਡਾ ਦੇ ਕਾਰਜ ਸਾਧਕ ਅਫ਼ਸਰ ਤੋਂ ਜਵਾਬ ਮੰਗਿਆ ਜਾ ਰਿਹਾ ਹੈ ਪਰ ਉਸ ਵੱਲੋਂ ਲਗਾਤਾਰ ਆਪਣੇ ਸੀਨੀਅਰ ਅਫਸਰਾਂ ਦੇ ਹੁਕਮਾਂ ਨੂੰ ਟਿੱਚ ਜਾਣ ਕੇ ਰੱਦੀ ਦੀ ਟੋਕਰੀ ਵਿੱਚ ਸੁੱਟਿਆ ਜਾ ਰਿਹਾ ਹੈ।ਉਹਨਾਂ ਦੱਸਿਆ ਕਿ ਵਿਜੀਲੈਂਸ ਸੈਲ ਵੱਲੋਂ ਪੱਤਰ ਨੰਬਰ 2208 ਮਿਤੀ 6 ਮਈ 2024, ਦੂਜਾ ਪੱਤਰ ਨੰਬਰ 4534 ਮਿਤੀ 16 ਅਗਸਤ 2024,ਤੀਜਾ ਪੱਤਰ 794 ਮਿਤੀ 14 ਫਰਵਰੀ 2025 ਨੂੰ ਕਾਰਜ ਸਾਧਕ ਅਫਸਰ ਗੋਰਾ ਲਾਲ ਨੂੰ ਭੇਜਿਆ ਗਿਆ ਪਰ ਉਸ ਵੱਲੋਂ ਲਗਾਤਾਰ ਇਹਨਾਂ ਪੱਤਰਾਂ ਨੂੰ ਅਣ ਦੇਖਿਆ ਕੀਤਾ ਜਾ ਰਿਹਾ। ਸੂਤਰ ਤਾਂ ਇਹ ਵੀ ਦੱਸਦੇ ਹਨ ਕਿ ਕਾਰਜ ਸਾਧਕ ਅਫਸਰ ਗੋਰਾ ਲਾਲ ਦੀ ਵਿਜੀਲੈਂਸ ਸੈਲ ਦੇ ਇੱਕ ਅਧਿਕਾਰੀ ਨਾਲ ਗੰਢ ਧੁੱਪ ਹੈ ਜੋ ਕਿ ਬਠਿੰਡਾ ਦਾ ਵਾਸੀ ਹੈ, ਇਸ ਕਰਕੇ ਉਹ ਅਨੇਕਾਂ ਮਾਮਲਿਆਂ ਵਿੱਚ ਬਚਕੇ ਨਿਕਲਦਾ ਆ ਰਿਹਾ ਹੈ।ਇੱਥੇ ਵੀ ਜ਼ਿਕਰਯੋਗ ਹੈ ਕਿ ਜੋ ਨਗਰ ਸੁਧਾਰ ਟਰਸਟ ਬਠਿੰਡਾ ਵੱਲੋਂ ਮਨੋਰੰਜਨ ਕਾਲੀਆ ਇਨਕਲੇਵ ਵਿੱਚ ਹੋਏ ਭਰਿਸਟਾਚਾਰ ‘ਚ ਵੀ ਗੋਰਾ ਲਾਲ ਦਾ ਨਾਮ ਆਇਆ ਸੀ ਤੇ ਇਸ ਤੋਂ ਬਿਨਾਂ ਪਲਾਟ ਨੰਬਰ 95 ਵਿੱਚ ਵੀ ਗੋਰਾ ਲਾਲ ਨੂੰ ਦੋਸ਼ੀ ਕਰਾਰ ਦਿੱਤਾ ਗਿਆ,ਫਿਰ ਵੀ ਵਿਜੀਲੈਂਸ ਸੈਲ ਗੋਰਾ ਲਾਲ ਤੇ ਪੂਰਾ ਮਿਹਰਬਾਨ ਹੈ। ਹੁਣ ਜਦੋਂ ਸ਼ਰੇਆਮ ਅਜਿਹੇ ਵਿਭਾਗਾਂ ਵਿੱਚ ਭਰਿਸ਼ਟਾਚਾਰ ਚੱਲ ਰਿਹਾ ਹੈ ਤਾਂ ਮੌਜੂਦਾ ਆਮ ਆਦਮੀ ਪਾਰਟੀ ਸਰਕਾਰ ‘ਤੇ ਵੀ ਸਵਾਲ ਖੜੇ ਹੁੰਦੇ ਹਨ ਕਿਉਂਕਿ ਇਹ ਸਰਕਾਰ ਭਰਿਸ਼ਟਾਚਾਰ ਨੂੰ ਮੁੱਖ ਮੁੱਦਾ ਬਣਾ ਕੇ ਸੱਤਾ ਵਿੱਚ ਆਈ ਸੀ ਤੇ ਹੁਣ 3 ਸਾਲ ਬੀਤਣ ਦੇ ਬਾਵਜੂਦ ਵੀ ਭਰਿਸ਼ਟਾਚਾਰ ਜਿਉਂ ਦਾ ਤਿਉਂ ਚੱਲ ਰਿਹਾ ਹੈ। ਇਸ ਸਬੰਧੀ ਜਦੋਂ ਕਾਰਸਾਧਕ ਅਫਸਰ ਗੋਰਾ ਲਾਲ ਦਾ ਪੱਖ ਜਾਣਨਾ ਚਾਹਿਆ ਤਾਂ ਉਹਨਾਂ ਨੇ ਹਮੇਸ਼ਾ ਦੀ ਤਰ੍ਹਾਂ ਫੋਨ ਨਹੀਂ ਚੁੱਕਿਆ।

  • Related Posts

    ਭਾਰਤ ਵਿਕਾਸ ਪ੍ਰੀਸ਼ਦ ਤਖਤਗੜ੍ਹ ਵੱਲੋਂ ਰਾਜ ਪੁਰਸਕਾਰ ਹਾਸਲ ਕਰਨ ’ਤੇ ਮਾਸਟਰ ਪ੍ਰਭਜੀਤ ਸਿੰਘ ਦਾ ਵਿਸ਼ੇਸ਼ ਸਨਮਾਨ

    Spread the love

    Spread the love ਕਾਹਨਪੁਰ ਖੂਹੀ , 4 ਅਕਤੂਬਰ (ਜਗਤਾਰ ਜੱਗੀ )-ਸੰਸਥਾ ਭਾਰਤ ਵਿਕਾਸ ਪ੍ਰੀਸ਼ਦ, ਤਖਤਗੜ੍ਹ ਵੱਲੋਂ ਸਰਕਾਰੀ ਮਿਡਲ ਸਕੂਲ ਭੋਜੇਮਾਜਰਾ ਵਿਖੇ ਸਾਇੰਸ ਮਾਸਟਰ ਵਜੋਂ ਸੇਵਾਵਾਂ ਨਿਭਾਅ ਰਹੇ ਪ੍ਰਭਜੀਤ ਸਿੰਘ ਦਾ…

    ਵਿਧਾਇਕ ਦਿਨੇਸ਼ ਚੱਢਾ ਵੱਲੋਂ 20 ਲੱਖ ਰੁਪਏ ਦੀ ਲਾਗਤ ਨਾਲ ਗੋਪਾਲਪੁਰ ਤੋਂ ਲਸਾੜੀ ਤੱਕ ਸੜਕ ਦਾ ਕੰਮ ਮੁਕੰਮਲ  ਨੂਰਪੁਰ ਬੇਦੀ ਦਲਜੀਤ ਚਨੌਲੀ  *ਲਗਭਗ ਇੱਕ ਕਿਲੋਮੀਟਰ ਲੰਬੀ ਸੜਕ ਬਣਨ ਨਾਲ ਇਲਾਕਾ ਵਾਸੀਆਂ ਨੂੰ ਮਿਲੇਗੀ ਸਹੂਲਤ; ਸਰਪੰਚ ਰੋਹਿਤ ਕੁਮਾਰ ਵਿੱਕੀ ਅਤੇ ਬਲਾਕ ਸੰਮਤੀ ਮੈਂਬਰ ਕਿਸ਼ਨ ਸਿੰਘ ਬਿੱਲਾ ਨੇ ਕੀਤਾ ਧੰਨਵਾਦ*

    Spread the love

    Spread the love ਨੂਰਪੁਰ ਬੇਦੀ(04/10/26) ਵਿਧਾਨ ਸਭਾ ਹਲਕਾ ਰੋਪੜ ਦੇ ਵਿਧਾਇਕ ਦਿਨੇਸ਼ ਚੱਢਾ ਵੱਲੋਂ ਇਲਾਕੇ ਦੇ ਵਿਕਾਸ ਕਾਰਜਾਂ ਤਹਿਤ ਗੋਪਾਲਪੁਰ ਤੋਂ ਲਸਾੜੀ ਤੱਕ ਜਾਣ ਵਾਲੀ ਸੜਕ ਦਾ ਨਿਰਮਾਣ ਕਾਰਜ 20…

    Leave a Reply

    Your email address will not be published. Required fields are marked *