ਆਓ ਤੁਹਾਡੀ ਮੁਲਾਕਾਤ ਕਰਵਾਈਏ ਇੱਕ ਸੱਚੀ-ਸੁੱਚੀ, ਇਮਾਨਦਾਰ ਤੇ ਦਬੰਗ ਮਹਿਲਾ ਪੁਲਸ ਅਧਿਕਾਰੀ ਨਾਲ  ਐੱਸ.ਐੱਚ.ਓ. ਜਸਵਿੰਦਰ ਕੌਰ ਪੁਲਸ ਥਾਣਾ ਵਾਲੀਆ—ਸੰਗਰੂਰ ਨਰਮ ਦਿਲ, ਪਰ ਫਰਜ਼ ਨਿਭਾਉਣ ਵਿੱਚ ਦਬੰਗ

26 ਜੁਲਾਈ 2026 | ਬਲਵੰਤ ਸਿੰਘ ਸਿੱਧੂ (ਬਰਨਾਲਾ)=ਅੱਜ ਅਸੀਂ ਤੁਹਾਡੀ ਮੁਲਾਕਾਤ ਕਰਵਾ ਰਹੇ ਹਾਂ ਇੱਕ ਅਜਿਹੀ ਸੱਚੀ-ਸੁੱਚੀ, ਇਮਾਨਦਾਰ, ਮਿਹਨਤੀ ਅਤੇ ਦਬੰਗ ਪੁਲਸ ਅਧਿਕਾਰੀ ਨਾਲ, ਜੋ ਆਪਣੀ ਡਿਊਟੀ ਨੂੰ ਪੂਰੀ ਇਮਾਨਦਾਰੀ ਅਤੇ ਸਮਰਪਣ ਨਾਲ ਨਿਭਾ ਰਹੇ ਹਨ। ਅਸੀਂ ਗੱਲ ਕਰ ਰਹੇ ਹਾਂ ਥਾਣਾ ਵਾਲੀਆ ਦੀ ਮੁਖੀ ਐੱਸ.ਐੱਚ.ਓ. ਜਸਵਿੰਦਰ ਕੌਰ ਜੀ ਦੀ, ਜਿਨ੍ਹਾਂ ਨੇ ਆਪਣੀ ਕਾਰਗੁਜ਼ਾਰੀ ਅਤੇ ਲੋਕਾਂ ਨਾਲ ਚੰਗੇ ਵਿਵਹਾਰ ਸਦਕਾ ਇਲਾਕੇ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਈ ਹੈ।ਸਾਡੀ ਟੀਮ ਵੱਲੋਂ ਜਦੋਂ ਐੱਸ.ਐੱਚ.ਓ. ਜਸਵਿੰਦਰ ਕੌਰ ਦੀ ਕਾਰਗੁਜ਼ਾਰੀ ਅਤੇ ਸ਼ਖ਼ਸੀਅਤ ਵਾਰੇ ਪਿੰਡਾਂ ਦੀਆਂ ਪੰਚਾਇਤਾਂ, ਸਰਪੰਚਾਂ ਅਤੇ ਹੋਰ ਪਤਵੰਤੇ ਲੋਕਾਂ ਤੋਂ ਜਾਣਕਾਰੀ ਹਾਸਲ ਕੀਤੀ ਗਈ ਤਾਂ ਹਰ ਪਾਸਿਓਂ ਉਨ੍ਹਾਂ ਦੀ ਸ਼ਲਾਘਾ ਹੀ ਸੁਣਨ ਨੂੰ ਮਿਲੀ। ਪੰਚਾਂ-ਸਰਪੰਚਾਂ ਨੇ ਦੱਸਿਆ ਕਿ ਜਿਸ ਦਿਨ ਤੋਂ ਜਸਵਿੰਦਰ ਕੌਰ ਨੇ ਥਾਣਾ ਵਾਲੀਆ ਦੀ ਜ਼ਿੰਮੇਵਾਰੀ ਸੰਭਾਲੀ ਹੈ, ਉਸ ਦਿਨ ਤੋਂ ਪੰਚਾਇਤਾਂ ਅਤੇ ਆਮ ਲੋਕਾਂ ਨੂੰ ਪੂਰਾ ਸਨਮਾਨ ਮਿਲ ਰਿਹਾ ਹੈ।ਸਾਰੇ ਮਸਲੇ ਇੱਥੇ ਹੀ ਫਤਹਿ ਹੋ ਜਾਂਦੇ ਹਨ ਕੋਟ ਕਚੈਰੀ ਕੋਈ ਨਹੀਂ ਗਿਆ ਪਿੰਡਾਂ ਦੇ ਪਤਵੰਤੇ ਲੋਕਾਂ ਨੇ ਦੱਸਿਆ ਕਿ ਉਹ ਕਈ ਵਾਰ ਐੱਸ.ਐੱਚ.ਓ. ਜਸਵਿੰਦਰ ਕੌਰ ਦਾ ਸਨਮਾਨ ਕਰਨਾ ਚਾਹੁੰਦੇ ਹਨ, ਪਰ ਉਨ੍ਹਾਂ ਕੋਲ ਇਸ ਲਈ ਸਮਾਂ ਹੀ ਨਹੀਂ ਹੁੰਦਾ। ਇਸ ਦਾ ਕਾਰਨ ਇਹ ਹੈ ਕਿ ਉਹ ਹਰ ਸਮੇਂ ਡਿਊਟੀ ਲਈ ਤਿਆਰ-ਬਰ-ਤਿਆਰ ਰਹਿੰਦੇ ਹਨ। ਥਾਣਾ ਵਾਲੀਆ ਦਾ ਇਲਾਕਾ ਵੱਡੀਆਂ ਸੜਕਾਂ ਅਤੇ ਮੁੱਖ ਮਾਰਗਾਂ ਨਾਲ ਜੁੜਿਆ ਹੋਇਆ ਹੈ, ਜਿੱਥੇ ਅਕਸਰ ਹਾਦਸੇ ਵਾਪਰਦੇ ਰਹਿੰਦੇ ਹਨ। ਅਜਿਹੇ ਸਮੇਂ ਐੱਸ.ਐੱਚ.ਓ. ਜਸਵਿੰਦਰ ਕੌਰ ਖੁਦ ਮੌਕੇ ’ਤੇ ਪਹੁੰਚ ਕੇ ਆਪਣੀ ਡਿਊਟੀ ਨਿਭਾਉਂਦੇ ਹਨ।ਅੱਜ ਦੇ ਸਮੇਂ ਵਿੱਚ ਜਿਹੜੇ ਪੁਲਸ ਅਧਿਕਾਰੀ ਸਰਕਾਰ ਦੇ ਨਾਲ-ਨਾਲ ਆਮ ਲੋਕਾਂ ਨਾਲ ਵੀ ਚੰਗੇ ਸਬੰਧ ਬਣਾਕੇ ਰੱਖਦੇ ਹਨ, ਉਹ ਲੋਕਾਂ ਦੇ ਦਿਲਾਂ ਵਿੱਚ ਆਪਣੀ ਵੱਖਰੀ ਥਾਂ ਬਣਾਉਂਦੇ ਹਨ। ਲੋਕਾਂ ਨੇ ਦੱਸਿਆ ਕਿ ਐੱਸ.ਐੱਚ.ਓ. ਜਸਵਿੰਦਰ ਕੌਰ ਦੇ ਮੱਥੇ ’ਤੇ ਕਦੇ ਵੱਟ ਨਹੀਂ ਪੈਂਦਾ। ਉਹ ਹਰ ਵਿਅਕਤੀ ਨਾਲ ਹੱਸ ਕੇ, ਸਤਿਕਾਰ ਅਤੇ ਸਨਮਾਨ ਨਾਲ ਪੇਸ਼ ਆਉਂਦੇ ਹਨ।ਜਦੋਂ ਇਸ ਸਬੰਧੀ ਮੈਂਬਰ ਪਾਰਲੀਮੈਂਟ ਗੁਰਮੀਤ ਸਿੰਘ ਮੀਤ ਹੇਅਰ ਤੋਂ ਪੁੱਛਿਆ ਗਿਆ ਕਿ ਉਨ੍ਹਾਂ ਦੇ ਮੁਤਾਬਕ ਮਹਿਲਾ ਪੁਲਸ ਅਧਿਕਾਰੀ ਕਿੰਨੀਆਂ ਕਾਮਯਾਬ ਹਨ ਤਾਂ ਉਨ੍ਹਾਂ ਕਿਹਾ ਕਿ “ਜਿੰਨਾ ਕੰਮ ਕੁੜੀਆਂ ਕਰਦੀਆਂ ਹਨ, ਕਈ ਵਾਰ ਬੰਦੇ ਵੀ ਨਹੀਂ ਕਰ ਸਕਦੇ।” ਉਨ੍ਹਾਂ ਕਿਹਾ ਕਿ ਜਦੋਂ ਕਿਸੇ ਕੰਮ ਲਈ ਫ਼ੋਨ ਕੀਤਾ ਜਾਂਦਾ ਹੈ ਅਤੇ ਥਾਣਾ ਮੁਖੀ ਵੱਲੋਂ ਭਰੋਸੇ ਨਾਲ ‘ਹੈਲੋ’ ਕਹੀ ਜਾਂਦੀ ਹੈ ਤਾਂ ਵਿਸ਼ਵਾਸ ਹੋ ਜਾਂਦਾ ਹੈ ਕਿ ਕੰਮ ਹੋ ਗਿਆ ਸਮਝੋ ਕੁੜੀ ਥਾਣਾ ਮੁਖੀ ਹੈ ਮੀਤ ਹੇਅਰ ਨੇ ਤਾਂ ਇੱਥੋਂ ਤੱਕ ਕਿਹਾ ਕਿ ਸਾਰੇ ਥਾਣਿਆਂ ਦੀ ਜ਼ਿੰਮੇਵਾਰੀ ਮਹਿਲਾ ਅਧਿਕਾਰੀਆਂ ਨੂੰ ਦੇਣੀ ਚਾਹੀਦੀ ਹੈ।ਜੋ ਅਸੀਂ ਕਰ ਵੀ ਰਹੇ ਹਾਂ ਉਨ੍ਹਾਂ ਐੱਸ.ਐੱਚ.ਓ. ਜਸਵਿੰਦਰ ਕੌਰ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਹ ਇੱਕ ਨੇਕ, ਸਮਝਦਾਰ ਅਤੇ ਬਹੁਤ ਹੀ ਕਾਬਲ ਅਧਿਕਾਰੀ ਹਨ।ਜਦੋਂ ਜ਼ਿਲ੍ਹਾ ਪੁਲਸ ਦੇ ਸੀਨੀਅਰ ਅਧਿਕਾਰੀਆਂ ਤੋਂ ਵੀ ਜਸਵਿੰਦਰ ਕੌਰ ਦੀ ਕਾਰਗੁਜ਼ਾਰੀ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਵੀ ਉਨ੍ਹਾਂ ਦੇ ਕੰਮ ਅਤੇ ਸ਼ਖ਼ਸੀਅਤ ਦੀ ਖੁੱਲ੍ਹ ਕੇ ਤਾਰੀਫ਼ ਕੀਤੀ। ਸੀਨੀਅਰ ਅਧਿਕਾਰੀਆਂ ਨੇ ਕਿਹਾ ਕਿ ਜਸਵਿੰਦਰ ਕੌਰ ਜ਼ਿਲ੍ਹਾ ਸੰਗਰੂਰ ਪੁਲਸ ਦਾ ਸ਼ਿੰਗਾਰ ਹਨ ਅਤੇ ਪੁਲਸ ਵਿਭਾਗ ਵਿੱਚ ਇੱਕ ਸੁੱਚੇ ਮੋਤੀ ਵਾਂਗ ਹਨ।ਐੱਸ.ਐੱਚ.ਓ. ਜਸਵਿੰਦਰ ਕੌਰ ਨੂੰ ਲੋਕ ਇੱਕ ਅਜਿਹੀ ਅਧਿਕਾਰੀ ਵਜੋਂ ਜਾਣਦੇ ਹਨ, ਜੋ ਦਿਲੋਂ ਬਹੁਤ ਨਰਮ ਹਨ ਅਤੇ ਉੱਪਰੋਂ ਮੋਮ ਵਾਂਗ ਨਰਮ ਦਿਖਾਈ ਦਿੰਦੇ ਹਨ, ਪਰ ਜਦੋਂ ਫਰਜ਼ ਅਤੇ ਕਾਨੂੰਨ ਦੀ ਗੱਲ ਆਉਂਦੀ ਹੈ ਤਾਂ ਉਹ ਅੰਦਰੋਂ ਬੇਹੱਦ ਦਬੰਗ ਅਤੇ ਸਖ਼ਤ ਅਧਿਕਾਰੀ ਸਾਬਤ ਹੁੰਦੇ ਹਨ। ਉਹ ਹਰ ਸਮੇਂ ਚੜ੍ਹਦੀ ਕਲਾ ਵਿੱਚ ਰਹਿਣ ਵਾਲੇ ਅਤੇ ਲੋਕਾਂ ਦੀ ਸੇਵਾ ਲਈ ਤਿਆਰ ਰਹਿਣ ਵਾਲੇ ਅਧਿਕਾਰੀ ਵਜੋਂ ਆਪਣੀ ਡਿਊਟੀ ਨਿਭਾ ਰਹੇ ਹਨ।ਉਹ ਇਨਸਾਫ ਪਸੰਦ ਅਵਸਰ ਹਨਇਸੇ ਕਰਕੇ ਇਲਾਕੇ ਦੇ ਪੰਚਾਂ-ਸਰਪੰਚਾਂ ਅਤੇ ਪਤਵੰਤੇ ਲੋਕਾਂ ਨੇ ਜ਼ਿਲ੍ਹਾ ਸੰਗਰੂਰ ਪ੍ਰਸ਼ਾਸਨ ਤੋਂ ਜ਼ੋਰਦਾਰ ਮੰਗ ਕੀਤੀ ਹੈ ਕਿ ਆਉਂਦੀ 15 ਅਗਸਤ ਨੂੰ ਐੱਸ.ਐੱਚ.ਓ. ਜਸਵਿੰਦਰ ਕੌਰ ਵਾਲੀਆ ਨੂੰ ਉਨ੍ਹਾਂ ਦੀ ਸ਼ਾਨਦਾਰ ਕਾਰਗੁਜ਼ਾਰੀ, ਇਮਾਨਦਾਰੀ ਅਤੇ ਲੋਕ ਸੇਵਾ ਲਈ ਸਰਕਾਰੀ ਪੱਧਰ ’ਤੇ ਸਨਮਾਨਿਤ ਕੀਤਾ ਜਾਣਾ ਚਾਹੀਦਾ ਹੈ।ਲੋਕਾਂ ਦਾ ਕਹਿਣਾ ਹੈ ਕਿ ਅਸੀਂ ਭਾਵੇਂ ਆਪਣੀ ਪੱਧਰ ’ਤੇ ਹਰ ਰੋਜ਼ ਐੱਸ.ਐੱਚ.ਓ. ਜਸਵਿੰਦਰ ਕੌਰ ਦਾ ਸਨਮਾਨ ਕਰੀਏ, ਪਰ ਸਰਕਾਰੀ ਸਨਮਾਨ ਦੀ ਆਪਣੀ ਇੱਕ ਵੱਖਰੀ ਮਹੱਤਤਾ ਹੁੰਦੀ ਹੈ।ਆਓ ਆਪਾਂ ਸਾਰੇ ਮਿਲ ਕੇ ਇਸ ਸੱਚੀ-ਸੁੱਚੀ ਅਤੇ ਇਮਾਨਦਾਰ ਅਧਿਕਾਰੀ ਲਈ ਅਰਦਾਸ ਕਰੀਏ ਕਿ ਉਹ ਹਮੇਸ਼ਾ ਚੜ੍ਹਦੀ ਕਲਾ ਵਿੱਚ ਰਹਿਣ, ਕੋਈ ਦੁੱਖ ਉਨ੍ਹਾਂ ਦੇ ਨੇੜੇ ਨਾ ਆਵੇ ਅਤੇ ਉਹ ਇਸੇ ਤਰ੍ਹਾਂ ਇਮਾਨਦਾਰੀ, ਬਹਾਦਰੀ ਅਤੇ ਸਮਰਪਣ ਨਾਲ ਸਮਾਜ ਅਤੇ ਲੋਕਾਂ ਦੀ ਸੇਵਾ ਕਰਦੇ ਰਹਿਣ। ਵਾਹਿਗੁਰੂ ਉਨ੍ਹਾਂ ਨੂੰ ਹੋਰ ਵੱਡੀਆਂ ਬੁਲੰਦੀਆਂ ਬਖ਼ਸ਼ੇ।

( ਬਲਵੰਤ ਸਿੰਘ ਸਿੱਧੂ  ਸਿਨੀਅਰ ਪੱਤਰਕਾਰ ਬਰਨਾਲਾ  26 ਜੁਲਾਈ 2026  ( 965310900)