ਇੰਦਰਾ ਕਲੋਨੀ ‘ਚ ਨਕੋਦਰ ਵਾਲੇ ਲਾਡੀ ਸਾਂਈ ਜੀ ਦਾ ਜਨਮ ਦਿਨ ਮਨਾਇਆ

ਮਾਛੀਵਾੜਾ ਸਾਹਿਬ, 27 ਸਤੰਬਰ (ਸੁੱਚਾ ਬੰਗੜ) – ਸਥਾਨਕ ਇੰਦਰਾ ਕਲੋਨੀ ਵਿਖੇ ਨਕੋਦਰ ਵਾਲੇ  ਲਾਡੀ ਸਾਂਈ ਜੀ ਦੇ ਜਨਮ ਦਿਨ ਦੀ ਖੁਸ਼ੀ ਦੇ ਮੌਕੇ ‘ਤੇ ਖੀਰਦਾ ਲੰਗਰ  ਲਗਾਇਆ ਗਿਆ।ਇਹ ਲੰਗਰ ਪ੍ਰਧਾਨ ਸ਼ਿੰਦਰ ਕੌਰ ਦੀ ਅਗਵਾਈ ਹੇਠ ਸਮੂਹ ਮੁਹੱਲਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਲਗਾਇਆ ਗਿਆ, ਜਿੱਥੇ ਸੰਗਤਾਂ ਨੇ ਵੱਡੀ ਗਿਣਤੀ ਵਿੱਚ ਪਹੁੰਚ ਕੇ ਪ੍ਰਸ਼ਾਦ ਛਕਿਆ। ਇਸ ਮੌਕੇ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਪ੍ਰਧਾਨ ਸ਼ਿੰਦਰ ਕੌਰ ਨੇ ਕਿਹਾ ਕਿ ਸਾਨੂੰ ਸਾਰਿਆਂ ਨੂੰ ਅਜਿਹੇ ਪਹੁੰਚੇ ਹੋਏ ਸਾਈਆਂ ਦੇ ਜਨਮ ਦਿਹਾੜੇ ਬੜੇ ਹੀ ਉਤਸ਼ਾਹ ਅਤੇ ਸ਼ਰਧਾ ਨਾਲ ਮਨਾਉਣੇ ਚਾਹੀਦੇ ਹਨ। ਉਨ੍ਹਾਂ ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਲਾਡੀ ਸਾਂਈ ਜੀ ਦੇ ਜਨਮ ਦਿਨ ਦੀਆਂ ਲੱਖ-ਲੱਖ ਵਧਾਈਆਂ ਦਿੱਤੀਆਂ ਅਤੇ ਸਾਂਈ ਜੀ ਅੱਗੇ ਅਰਦਾਸ ਕੀਤੀ ਕਿ ਉਹ ਸਾਰਿਆਂ ਨੂੰ ਤੰਦਰੁਸਤ ਰੱਖਣ, ਸੁੱਖ-ਸ਼ਾਂਤੀ ਬਖਸ਼ਣ ਅਤੇ ਸਦਾ ਚੜ੍ਹਦੀ ਕਲਾ ਵਿੱਚ ਰੱਖਣ। ਇਸ ਪਾਵਨ ਮੌਕੇ ‘ਤੇ ਸਾਬਕਾ ਕੌਂਸਲਰ ਪਰਮਜੀਤ ਪੰਮੀ, ਮੌਜੂਦਾ ਕੌਂਸਲਰ ਰਾਜੂ, ਵੀਰਪਾਲ, ਕਰਮਜੀਤ ਸਿੰਘ, ਦੁੱਲਾ, ਨਰਿੰਦਰ ਪਾਲ ਲੱਕੀ, ਕਾਂਬੜਦਾਰ ਕੁਤਵੀ ਜੀ, ਸ਼ਿੰਦਰ ਨਾਥ, ਬਹਾਦਰ ਨਾਥ, ਸਨਿਆਸੀ, ਓਮ ਪ੍ਰਕਾਸ਼, ਭਿੰਦਾ, ਰਿਆਂਜਲ, ਕਰਨ, ਸੰਗਰਾਮ, ਤੂਫਾਨ, ਸਾਗਰ, ਆਕਾਸ਼, ਸੈਮਲ, ਜੋਤੀ, ਸਿੱਧੂ, ਵਿਸ਼ਾਲ, ਜਿੰਮੀ, ਅਨਵਰ ਸਮੇਤ ਵੱਡੀ ਗਿਣਤੀ ਵਿੱਚ ਮੁਹੱਲਾ ਨਿਵਾਸੀ ਅਤੇ ਸ਼ਰਧਾਲੂ ਹਾਜ਼ਰ ਸਨ।