ਜ਼ਿਲ੍ਹਾ ਫ਼ਾਜ਼ਿਲਕਾ ਦੇ ਹਲਕਾ ਬੱਲੂਆਣਾ ਅਬੋਹਰ ਦੇ ਵੱਖ-ਵੱਖ ਪਿੰਡਾਂ ਵਿੱਚ ਨਸ਼ਾ ਮੁਕਤੀ ਚੇਤਨਾ ਸੰਘ ਵੱਲੋਂ ਵਿਸ਼ਾਲ ਜਾਗਰੂਕਤਾ ਰੈਲੀ ਕੱਢੀ ਗਈ

ਪੱਟੀ ਸਦੀਕ, 12 ਜੁਲਾਈ (ਬਲਕਰਨ ਸਿੰਘ ਮਸ਼ਾਲ)- ਨਸ਼ਾ ਮੁਕਤੀ ਚੇਤਨਾ ਸੰਘ ਦੇ ਪ੍ਰਾਂਤ ਸਹਿ-ਸੰਯੋਜਕ ਡਾ. ਅਮਿਤ ਕਾਂਸਲ ਅਤੇ ਨਸ਼ਾ ਮੁਕਤੀ ਚੇਤਨਾ ਸੰਘ ਦੇ ਜ਼ਿਲ੍ਹਾ ਪ੍ਰਧਾਨ ਫ਼ਾਜ਼ਿਲਕਾ ਜਸਪ੍ਰੀਤ ਗੋਬਿੰਦਗੜ੍ਹ ਦੀ ਅਗਵਾਈ ਹੇਠ ਹਲਕਾ ਬੱਲੂਆਣਾ ਦੇ ਵੱਖ-ਵੱਖ ਪਿੰਡਾਂ ਵਿੱਚ ਨਸ਼ਿਆਂ ਵਿਰੁੱਧ ਵਿਸ਼ਾਲ ਜਨ-ਜਾਗਰੂਕਤਾ ਰੈਲੀ ਕੱਢੀ ਗਈ। ਰੈਲੀ ਦੀ ਸ਼ੁਰੂਆਤ ਸਰਵ ਅਧਿਕਾਰੀ ਵਿਦਿਆ ਮੰਦਰ ਸਕੂਲ, ਫ਼ਾਜ਼ਿਲਕਾ ਰੋਡ ਤੋਂ ਹੋਈ। ਇਸ ਉਪਰੰਤ ਰੈਲੀ ਗ੍ਰੀਨ ਵਿਊ ਸਕੂਲ, ਪਿੰਡ ਚੰਨਣ ਖੇੜਾ, ਬੱਲੂਆਣਾ, ਮਾਇਆ ਦੇਵੀ ਮੈਮੋਰੀਅਲ ਆਦਰਸ਼ ਸੀਨੀਅਰ ਸੈਕੰਡਰੀ ਸਕੂਲ, ਕੇਰਾ ਖੇੜਾ, ਮਾਂ ਸਰਸਵਤੀ ਨਰਸਿੰਗ ਸਕੂਲ, ਕਾਲਾ ਟਿੱਬਾ, ਅਤੇ ਪਿੰਡ ਸੁਖਚੈਨ, ਸੀਤੋ ਗੁੰਨੋ, ਖੈਰਪੁਰ, ਭਾਗਸਰ, ਅਮਰਪੁਰਾ ਅਤੇ ਰਾਮਸਰਾ ਵਿੱਚ ਪਹੁੰਚੀ। ਰੈਲੀ ਦੌਰਾਨ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਪਿੰਡ ਵਾਸੀਆਂ ਨੇ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕਰਕੇ ਨਸ਼ਾ-ਮੁਕਤ ਸਮਾਜ ਬਣਾਉਣ ਦਾ ਸੰਕਲਪ ਲਿਆ। ਇਸ ਮੌਕੇ ਡਾ. ਅਮਿਤ ਕਾਂਸਲ ਅਤੇ ਜਸਪ੍ਰੀਤ ਸਿੰਘ ਗੋਬਿੰਦਗੜ੍ਹ ਨੇ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣ, ਸਿਹਤਮੰਦ ਜੀਵਨ ਅਪਣਾਉਣ ਅਤੇ ਸਮਾਜ ਵਿੱਚ ਨਸ਼ਿਆਂ ਵਿਰੁੱਧ ਜਾਗਰੂਕਤਾ ਫੈਲਾਉਣ ਦਾ ਸੱਦਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਨਸ਼ਾ-ਮੁਕਤ ਪੰਜਾਬ ਦੀ ਸਿਰਜਣਾ ਲਈ ਸਮਾਜ ਦੇ ਹਰ ਵਰਗ ਦੀ ਭਾਗੀਦਾਰੀ ਬਹੁਤ ਜ਼ਰੂਰੀ ਹੈ। ਇਸ ਮੌਕੇ ਵਿਸ਼ਨੂੰ ਭਗਵਾਨ ਡੇਲੂ, ਜ਼ਿਲ੍ਹਾ ਪ੍ਰਚਾਰਕ ਮੋਹਿਤ, ਤਾਰਾ ਚੰਦ, ਮਹਿੰਦਰ ਸਰਸਵਾ, ਗੌਤਮ ਸ਼ਰਮਾ, ਸਰਵਣ ਸਿਆਗ, ਐਡਵੋਕੇਟ ਸੁਸ਼ੀਲ ਸਿਆਗ, ਮੋਹਿਤ ਡੇਲੂ, ਮਹੀ ਰਾਮ ਡੇਲੂ, ਐਡਵੋਕੇਟ ਸਰੀਤਾ ਮਲੇਠੀਆ, ਸਤਿੰਦਰ ਭਾਦੂ, ਰਿੱਕੀ ਰੋਹਿਤ, ਵਿਕਰਮ ਹੇਅਰ, ਸ਼ਾਮ ਸੁੰਦਰ ਡੰਗਰ ਖੇੜਾ, ਡਾਕਟਰ ਬਿਹਾਰੀ, ਚਰਨਜੀਤ ਸਿੰਘ ਐਮ ਪੀ, ਦੀਪਕ ਸੰਗਵਾਲ, ਨਵੀਨ ਦੁਤਰਾਵਾਲੀ, ਰੂਪਿੰਦਰ ਸਿੰਘ ਭੱਟੀ ਕੁੰਡਲ, ਦਵਿੰਦਰ ਬੱਲੂਆਣਾ, ਜੱਸੀ ਬੱਲੂਆਣਾ, ਇੰਦਰ ਪਾਲ ਗੋਬਿੰਦਗੜ੍ਹ, ਪਵਨ ਭਾਦੂ, ਪ੍ਰੇਮ ਵਰਮਾ, ਬਾਦਲ ਸਿੰਘ, ਦਲੀਪ ਕੁਮਾਰ ਸਰਪੰਚ ਢਾਣੀ ਮਾਡਲਾ, ਕਰਨ ਕੰਬੋ, ਦੀਪ ਬੁਰਜ਼ ਮੁਹਾਰ, ਬੌਬੀ ਗੋਬਿੰਦਗੜ੍ਹ, ਰਜਵਿੰਦਰ ਮੇਘਵਾਲ, ਸੁਰਿੰਦਰ ਸਿੰਘ, ਜਸਕਰਨ ਅਜਮਵਾਲਾ, ਪਾਰੁਲ ਅਬੋਹਰ, ਰਾਹੁਲ ਅਬੋਹਰ , ਸੰਨੀ, ਰੂਪਿੰਦਰ ਸਿੰਘ ਮੌਜੂਦ ਸਨ।