ਪੈ ਰਹੀ ਠੰਡ ਅਤੇ ਧੁੰਦ ਕਣਕਾਂ ਲਈ ਵਰਦਾਨ ਕਿਸਾਨਾਂ ਦੇ ਚਿਹਰਿਆਂ ਤੇ ਰੌਣਕਾਂ

 ਮਲੋਟ, 31 ਦਸੰਬਰ (ਬਲਕਰਨ ਜਟਾਣਾ) ਇਸ ਵਾਰ ਲੰਬੇ ਸਮੇਂ ਤੱਕ ਗਰਮੀ ਪੈਣ ਕਾਰਨ ਕਣਕਾਂ ਪੀਲੀਆਂ ਪੈ ਰਹੀਆਂ ਸਨ ਅਤੇ ਹੁਣ ਠੰਡ ਅਤੇ ਧੁੰਦ ਪੈਣ ਕਾਰਨ ਕਣਕਾਂ ਦਾ ਰੰਗ ਗੂੜਾ ਹਰਾ ਹੋ ਗਿਆ ਹੈ ਅਤੇ ਕਣਕਾਂ ਦਿਨੋ ਦਿਨ ਵਧ ਰਹੀਆਂ ਹਨ ਕਿਉਂਕਿ ਕਿਸਾਨਾਂ ਅਤੇ ਖੇਤੀ ਮਾਹਿਰਾਂ ਮੁਤਾਬਕ ਕਣਕ ਨੂੰ ਠੰਡ ਦੀ ਜਿਆਦਾ ਲੋੜ ਹੁੰਦੀ ਹੈ ਕਈ ਕਿਸਾਨਾਂ ਨਾਲ ਗੱਲਬਾਤ ਕਰਨ ਤੇ ਉਹਨਾਂ ਦੱਸਿਆ ਕਿ ਠੰਡ ਤੇ ਧੁੰਦ ਵਿੱਚ ਕਣਕ ਦਾ ਫੁਟਾਰਾ ਜਿਆਦਾ ਹੁੰਦਾ ਹੈ ਅਤੇ ਕਣਕ ਦਾ ਵਾਧਾ ਵੀ ਤੇਜ਼ੀ ਨਾਲ ਹੁੰਦਾ ਹੈ ਕਣਕ ਨੂੰ ਯੂਰੀਆ ਖਾਦ ਦੀ ਵੀ ਘੱਟ ਲੋੜ ਪੈਂਦੀ ਹੈ ਕਣਕ ਨੂੰ ਲੁੜੀਂਦੇ ਪੌਸ਼ਟਿਕ ਤੱਤ ਵੀ ਠੰਡ ਵਿੱਚੋਂ ਅਤੇ ਧਰਤੀ ਵਿੱਚੋਂ ਮਿਲ ਜਾਂਦੇ ਹਨ ਜਦੋਂ ਕਿ ਗਰਮੀ ਵਿੱਚ ਕਣਕ ਨੂੰ ਪੌਸ਼ਟਿਕਤਾ ਨਹੀਂ ਮਿਲਦੀ ਅਤੇ ਉਪਰ ਛਿੜਕਾਓ ਕਰਕੇ ਤੱਤਾਂ ਦੀ ਪੂਰਤੀ ਕਰਨੀ ਪੈਂਦੀ ਹੈ ਫਿਰ ਵੀ ਕਣਕ ਪੀਲੀ ਪੈਣੋ ਨਹੀਂ ਹੱਟਦੀ ਅਤੇ ਕਣਕ ਦਾ ਵਾਧਾ ਵੀ ਘੱਟ ਹੁੰਦਾ ਹੈ ਅਤੇ ਗਰਮੀ ਵਿੱਚ ਕਣਕ ਖੇਤੀ ਨਿਸਰ ਜਾਂਦੀ ਹੈ ਅਤੇ ਝਾੜ ਘੱਟ ਜਾਂਦਾ ਹੈ ਠੰਡ ਵਿੱਚ ਕਣਕ ਬਹੁਤ ਸੋਹਣਾ ਨਿਸਾਰਾ ਕਰਦੀ ਹੈ ਅਤੇ ਦਾਣਾ ਵੀ ਮੋਟਾ ਹੁੰਦਾ ਹੈ ਅਤੇ ਬਿਮਾਰੀ ਲੱਗਣ ਦਾ ਖਤਰਾ ਵੀ ਘਟ ਜਾਂਦਾ ਹੈ ਪਾਣੀ ਦੀ ਲੋੜ ਵੀ ਘੱਟ ਪੈਂਦੀ ਹੈ ਉਗੇ ਕਿਸਾਨ ਲਵਲੀ ਮਾਨ ਪਿੰਡ ਬਾਮ ਨੇ ਦੱਸਿਆ ਕਿ ਕਣਕ ਨੂੰ ਠੰਡ ਅਤੇ ਧੁੰਦ ਦੇ ਨਾਲ ਧੁੱਪ ਵੀ ਜਰੂਰੀ ਹੈ ਕਿਉਂਕਿ ਜੋ ਤੱਤ ਨਾਈਟਰੋਜਨ ਵਗੈਰਾ ਧੁੱਪ ਵਿੱਚੋਂ ਲੈਣਾ ਹੁੰਦਾ ਹੈ ਉਹ ਨਹੀਂ ਮਿਲਦਾ ਇਸ ਲਈ ਠੰਡ ਅਤੇ ਧੁੰਦ ਤਾਂ ਕਣਕ ਨੂੰ ਘਿਓ ਦਾ ਕੰਮ ਕਰਦੀ ਹੈ ਜਿਸ ਤਰ੍ਹਾਂ ਮਾੜੇ ਬੰਦੇ ਜਾਂ ਮਾੜੇ ਪਸ਼ੂ ਨੂੰ ਘਿਉ ਦੇ ਦੇਈਏ ਤਾਂ ਉਹ ਦਿਨਾਂ ਵਿੱਚ ਹੀ ਤਕੜਾ ਹੋ ਜਾਂਦਾ ਹੈ ਇਸ ਲਈ ਠੰਡ ਅਤੇ ਧੁੰਦ ਕਣਕ ਨੂੰ ਬਹੁਤ ਤਾਕਤ ਦਿੰਦੀ ਹੈ ਸਫਲ ਕਿਸਾਨ ਲਖਵਿੰਦਰ ਸਿੰਘ ਚੰਨੂ ਨੇ ਦੱਸਿਆ ਕਿ ਠੰਡ ਤਾਂ ਕਣਕ ਨੂੰ ਬਹੁਤ ਹੀ ਜਿਆਦਾ ਲਾਹੇਵੰਦ ਹੈ ਪਰ ਕਣਕ ਵਿੱਚ ਧੁੱਪ ਨਾ ਲੱਗਣ ਕਾਰਨ ਨਦੀਨਾਂ ਦਾ ਵਾਧਾ ਹੋ ਜਾਂਦਾ ਹੈ ਅਤੇ ਧੁੱਪ ਤੋਂ ਬਿਨਾਂ ਨਦੀਨ ਨਾਸ਼ਕ ਦਵਾਈਆਂ ਵੀ ਕੰਮ ਨਹੀਂ ਕਰਦੀਆਂ ਇਸ ਲਈ ਠੰਡ ਦੇ ਨਾਲ ਧੁੱਪ ਨਿਕਲਣਾ ਵੀ ਜਰੂਰੀ ਹੈ ਉਹਨਾਂ ਕਿ ਜਿਹੜੀਆਂ ਕਣਕਾਂ ਨੂੰ ਪਾਣੀ ਲੱਗਿਆ ਸੀ ਅਤੇ ਉੱਪਰੋਂ ਬਾਰਿਸ਼ ਆ ਗਈ ਕਣਕ ਵਿੱਚ ਇੱਕ ਵਾਰ ਤਾਂ ਪਾਣੀ ਖੜ ਗਿਆ ਸੀ ਪਰ ਹੁਣ ਪਾਣੀ ਸੁੱਕ ਗਿਆ ਹੈ ਅਤੇ ਕਣਕ ਨੇ ਫਿਰ ਰੰਗ ਫੜ ਲਿਆ ਹੈ ਇਸ ਵਾਰ ਕਣਕ ਦਾ ਝਾੜ ਠੀਕ ਰਹਿਣ ਦੀ ਆਸ ਹੈ ਜੋਬਨ ਬਰਾੜ ਅਸਪਾਲ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਜੇ ਮੌਸਮ ਠੀਕ ਰਹੇ ਤਾਂ ਹੀ ਕਿਸਾਨ  ਕਾਮਯਾਬ ਹੋ ਸਕਦਾ ਹੈ ਕਈ ਵਾਰੀ ਮੌਸਮ ਖਰਾਬ ਹੋ ਜਾਂਦਾ ਹੈ ਤਾਂ ਕਿਸਾਨ ਦੇ ਸਾਹ ਸੁੱਕਦੇ ਹਨ ਇਸ ਵਾਰ ਮੌਸਮ ਕਿਸਾਨ ਦਾ ਸਾਥ ਦੇ ਰਿਹਾ ਹੈ ਅਤੇ ਕਣਕ ਦੀ ਫਸਲ ਭਰਵੀਂ ਹੋਣ ਦੀ ਆਸ ਹੈ ਉਹਨਾਂ ਸੈਂਟਰ ਸਰਕਾਰ ਨੂੰ ਵੀ ਅਪੀਲ ਕੀਤੀ ਕਿ ਕਣਕ ਦਾ ਖਰਚਾ ਦੇਖ ਕੇ ਵੱਧ ਤੋਂ ਵੱਧ ਰੇਟ ਦਿੱਤਾ ਜਾਵੇ ਅਤੇ ਡਾਕਟਰ

ਸਵਾਮੀ ਨਾਥਨ ਦੀ ਰਿਪੋਰਟ ਲਾਗੂ ਕੀਤੀ ਜਾਵੇ ਤਾਂ ਕਿ ਕਿਸਾਨ ਕਾਮਯਾਬ ਹੋ ਸਕੇ ਉਹਨਾਂ ਕਿਹਾ ਕਿ ਠੰਡ ਦਾ ਮੌਸਮ ਕਣਕ ਲਈ ਬਹੁਤ ਹੀ ਲਾਹੇਵੰਦ ਸਾਬਤ ਹੋ ਰਿਹਾ ਹੈ ਖੇਤੀਬਾੜੀ ਦੇ ਮਾਹਿਰ ਕਿਸਾਨ ਹਰਜਿੰਦਰ ਸਿੰਘ ਬਰਾੜ ਅਸਪਾਲ ਨੇ ਦੱਸਿਆ ਕਿ ਕਿਸਾਨ ਤਾਂ ਪੂਰਾ ਜ਼ੋਰ ਲਗਾ ਕੇ ਫਸਲ ਪੈਦਾ ਕਰ ਦਿੰਦਾ ਹੈ ਪਰ ਅੱਗੇ ਮੰਡੀਕਰਨ ਵਿੱਚ ਬਹੁਤ ਵੱਡੀ ਸਮੱਸਿਆ ਆਉਂਦੀ ਹੈ ਉਹਨਾਂ ਕਿਹਾ ਕਿ ਡੱਲੇਵਾਲ ਸਾਹਿਬ 36 ਦਿਨ ਤੋਂ ਮਰਨ ਵਰਤ ਤੇ ਹਨ ਅਤੇ ਸੈਂਟਰ ਸਰਕਾਰ ਦੇ ਕੰਨ ਤੇ ਜੂੰ ਨਹੀਂ ਸਰਕਦੀ ਐਮ ਐਸਪੀ ਲਾਗੂ ਕਰਨਾ ਤਾਂ ਸੈਂਟਰ ਸਰਕਾਰ ਦੇ ਵੱਸ ਹੈ ਕਿਸਾਨ ਨੂੰ ਫਸਲ ਦਾ ਪੂਰਾ ਰੇਟ ਨਾ ਮਿਲਣ ਕਰਕੇ ਕਿਸਾਨ ਕਰਜਾਈ ਹੋ ਰਿਹਾ ਹੈ ਉਸ ਨੇ ਕਿਹਾ ਕਿ ਇਸ ਵਾਰ ਠੰਡ ਅਤੇ ਧੁੰਦ  ਕਣਕ ਲਈ ਤਾਂ ਵਰਦਾਨ ਹੈ ਅਤੇ ਕਣਕ ਚੰਗੀ ਹੋਣ ਦੀ ਆਸ ਵੀ ਹੈ ਪਰ ਜੇ ਸੈਂਟਰ ਸਰਕਾਰ ਸਹੀ ਰੇਟ ਦੇਵੇ ਫਿਰ ਹੀ ਕਿਸਾਨ ਖੁਸ਼ਹਾਲ ਹੋ ਸਕਦਾ ਹੈ