Manpreet Singh
ਤਪਾ ਮੰਡੀ 22 ਜੁਲਾਈ( ਗੋਲਡੀ ਵਿਆਸ) ਸਥਾਨਕ ਢਿੱਲਵਾਂ ਫਾਟਕਾਂ ਦੇ ਲੰਮਾ ਸਮਾਂ ਬੰਦ ਰਹਿਣ ਕਾਰਨ ਦੋਵਾਂ ਪਾਸਿਆਂ ਤੇ ਫੱਸੀਆ ਸਕੂਲਾਂ ਦੀਆਂ ਬੱਸਾਂ, ਰਾਹਗੀਰ ਅਤੇ ਬੱਚਿਆਂ ਦੇ ਮਾਪੇ ਕਾਫੀ ਪਰੇਸ਼ਾਨ ਹੋਏ। ਇਸ ਸਬੰਧੀ ਫਾਟਕਾਂ ਤੇ ਖੜੇ ਬੱਚਿਆਂ ਦੇ ਮਾਪਿਆਂ ਅਤੇ ਰਾਹਗੀਰਾਂ ਨੇ ਦੱਸਿਆ ਕਿ ਰੇਲਵੇ ਵਿਭਾਗ ਵੱਲੋਂ ਰੇਲਵੇ ਲਾਈਨ ਤੇ ਕੋਈ ਪੱਥਰ ਦਾ ਕੰਮ ਚੱਲ ਰਿਹਾ ਸੀ ਜਿਸ ਕਾਰਨ ਦੋਵੇਂ ਪਾਸਿਆਂ ਤੇ ਫਾਟਕ ਬੰਦ ਹੋਣ ਕਾਰਨ ਲੋਕਾਂ ਦਾ ਹਜੂਮ ਖੜਾ ਹੋ ਗਿਆ ਉਹਨਾਂ ਦੇ ਬਾਰ ਬਾਰ ਕਿਹਾ ਗਿਆ ਕਿ ਸਕੂਲਾਂ ਵਿੱਚੋਂ ਬੱਚਿਆਂ ਨੂੰ ਲੈ ਕੇ ਆਉਣਾ ਹੈ ਜਿਸ ਲਈ ਕੁਝ ਸਮੇਂ ਲਈ ਫਾਟਕਾਂ ਨੂੰ ਖੋਲ ਦਿੱਤਾ ਜਾਵੇ ਪਰ ਕੰਮ ਕਰ ਰਹੇ ਰੇਲਵੇ ਵਿਭਾਗ ਦੇ ਟਸ ਤੋਂ ਮਸ ਨਹੀਂ ਹੋਏ ,ਰਾਹਗੀਰਾਂ ਨੇ ਦੱਸਿਆ ਕਿ ਰੇਲਵੇ ਵਿਭਾਗ ਵੱਲੋਂ ਕੰਮ ਕਰਨ ਲਈ ਕੋਈ ਵੀ ਨੋਟਿਸ ਬੋਰਡ ਨਹੀਂ ਲਗਾਇਆ ਗਿਆ ਅਤੇ ਨਾ ਹੀ ਕੋਈ ਅਨਾਉਂਸਮੈਂਟ ਕਰਾਈ ਗਈ ਕਿ ਢਿੱਲਵਾਂ ਫਾਟਕ ਕਿੰਨੇ ਸਮੇਂ ਲਈ ਬੰਦ ਰਹੇਗਾ ਕੁਝ ਸਮੇਂ ਬਾਅਦ ਇੱਕ ਮਾਲ ਗੱਡੀ ਬੜੀ ਹੀ ਧੀਮੀ ਰਫ਼ਤਾਰ ਨਾਲ ਗੁਜਰਨ ਤੋਂ ਬਾਅਦ ਰੇਲਵੇ ਵਿਭਾਗ ਦੇ ਮੁਲਾਜ਼ਮਾਂ ਵੱਲੋਂ ਫਾਟਕਾਂ ਨੂੰ ਫਿਰ ਵੀ ਨਾ ਖੋਲਿਆ ਗਿਆ ਜਿਸ ਕਾਰਨ ਬੱਸਾਂ ਚ ਬੈਠੇ ਬੱਚੇ ਅਤੇ ਅੱਤ ਦੀ ਗਰਮੀ ਵਿੱਚ ਵੱਖ-ਵੱਖ ਵਾਹਨਾਂ ਤੇ ਖੜੇ ਲੋਕ ਕਾਫੀ ਪਰੇਸ਼ਾਨ ਹੁੰਦੇ ਵੇਖੇ ਗਏ ,ਜਦ ਕਾਫੀ ਸਮਾਂ ਫਾਟਕ ਨਾ ਖੋਲਿਆ ਗਿਆ ਤਾਂ ਫਾਟਕਾਂ ਕੋਲ ਖੜੇ ਕੁਝ ਜਣਿਆਂ ਨੇ ਉਹਨਾਂ ਨੂੰ ਫਾਟਕ ਖੋਲਣ ਲਈ ਕਿਹਾ ਤਾਂ ਕਾਫੀ ਸਮੇਂ ਬਾਅਦ ਫ਼ਾਟਕ ਖੋਲਿਆ ਗਿਆ ਜਿਸ ਕਰਕੇ ਲੋਕ ਆਪਣੇ ਬੱਚਿਆਂ ਨੂੰ ਸਕੂਲਾਂ ਅਤੇ ਸਕੂਲਾਂ ਤੋਂ ਘਰੇ ਲੈ ਕੇ ਗਏ। ਉਥੇ ਖੜੇ ਕੁਝ ਰਾਹਗੀਰਾਂ ਨੇ ਦੱਸਿਆ ਕਿ ਰੇਲ ਗੱਡੀ ਕਾਫੀ ਸਮੇਂ ਬਾਅਦ ਆਉਂਦੀ ਹੈ ਪਰ ਰੇਲਵੇ ਵਿਭਾਗ ਵੱਲੋਂ ਲੋਕਾਂ ਨੂੰ ਕਾਫੀ ਸਮਾਂ ਪਹਿਲਾਂ ਹੀ ਫਾਟਕ ਬੰਦ ਕਰਕੇ ਖੱਜਲ ਖੁਆਰ ਕੀਤਾ ਜਾਂਦਾ ਹੈ ਜੋ ਕਿ ਸਾਰਾ ਸਾਰਾ ਲੋਕਾਂ ਨਾਲ ਬੇਇਨਸਾਫੀ ਹੈ ਕਿਉਂਕਿ ਜਾਮ ਵਿੱਚ ਬਜ਼ੁਰਗ ਵੀ ਖੜ੍ਹੇ ਸਨ ਜੋ ਕਿ ਹਸਪਤਾਲ ਅੰਦਰੋਂ ਦਵਾਈ ਲੈ ਕੇ ਘਰ ਨੂੰ ਜਾਣ ਲਈ ਪਰੇਸ਼ਾਨ ਹੋ ਰਹੇ ਸਨ । ਇਸ ਸਬੰਧੀ ਜਦੋਂ ਰੇਲਵੇ ਵਿਭਾਗ ਦੇ ਅਧਿਕਾਰੀ ਨਾਲ ਗੱਲ ਕਰਨੀ ਚਾਹੀ ਤਾਂ ਉਹਨਾਂ ਨੇ ਫੋਨ ਨਹੀਂ ਚੁੱਕਿਆ।
